2 Samuel 6:16 - Qullan Arunaka DC

¹⁶ Tatitun arcapax Davidan Markapar purxän ukapachasti, Saúl reyin Mical sat phuchhapax ventanat uñtasinïna; David reyir Tatitun nayraqatapan t'isktiri, thuqt'iri uñjasinsti, chuymapan walpun Davidarux jisk'achäna.

Aymar Bibliia 1986

¹⁶ Cunapachatejj Tatitun arcapajj Davidan Marcaparu purjjän ucapachasti, Saúl reyin phuchapa Mical warmejj ventanatwa uñtasinïna, rey Davidaru cusisitapata, uqhamarac thokhotapatsa Tatitun nayrakatapana, Davidarojj wali chuymapanjja jisc'achäna.

Qullan Arunaca

¹⁶ Cunapachatejj Tatitun arcapajj Davidan Marcaparu purjjän ucapachasti, Saúl reyin phuchapa Mical warmejj ventanatwa uñtasinïna, rey Davidaru cusisitapata, uqhamarac thokhotapatsa Tatitun nayrakatapana, Davidarojj wali chuymapanjja jisc'achäna.

2 Samuel 6:16 Jak'a apnaqawi uñst'ayäwi

2 Samuel 3:14

Ukhamarus Davidax Is-bóset jaqin ukarux jaqinak khitharakïna, akham sasa: “Mical warmixar kutt'ayxita, jupampisti filisteonakan chhuxurasiñanakapat patak lip'ichinak churasaw jaqichasta” sasa.

2 Samuel 5:7

Ukampis, Davidax Sión suma utt'ayat marka katuntäna, jichhasti uka chiqax Davidan Markapat uñt'atawa.

2 Samuel 6:15

Ukhamaw, Davidampi, taqpach israelitanakampix kusisiñat wali arnaqt'asisa, trompetanak phust'asis Tatitun arcap Jerusalenar apapxäna.

2 Samuel 6:20

Davidasti utaparuw kuttawayxäna, wila masinakapar aski waxt'äwi arunak churañataki; ukampis Saúl reyin Mical phuchhapaw jupar jikxatir mistunïna, ukatsti sarakïnwa: —¡Israel markan reyipax jichhürux ukkha sumsa lurixä, jilïr jaqinakapan uywat warminakap nayraqatan jan p'inqan jaqir uñtatas tukuxä! —sasa.

1 Crónicas 15:29

Kunapachatix Tatitun arust'äwi arcap Jerusalén markar puriyapkän ukkhasti, Saúl chachan Mical sat phuchhapax reyi uta ventanaruw jak'achasïna; ukatsti David reyir wali k'uchik thuqhuskir uñjasax chuymapan wal jupar jisk'achäna.

Salmos 123:3

Khuyapayasipxita, Tatay, khuyapayasipxita, jisk'achat sarnaqañampi qarjatäxapxtwa.

Salmos 69:7

7 (8) Juma laykuw jisk'achat uñjasta; p'inqatsa ajanuxax ninapuniw nakhi;

Isaías 53:3

taqiniw juparux jisk'achjapxäna, apanukupxarakïna. Usuyasiñapampis wal t'aqhisïna, ukham t'aqhisiñatakis wakicht'atarakïnwa. Taqinis jupar ukham uñjañ janiw munapktanti; jisk'achapxtanwa, janirakiw juparux yäqapktanti.

Hechos 2:13

Ukampis yaqhipanakax sawkasisaw sapxäna: —¡Machatäpxiwa! —sasa.

1 Corintios 2:14

Khititix jan Dios chuymäki ukax, janiw Diosan Ajayupankki uka yänak katuqkiti, jupatakix luqhi kankañäkaspas ukhamawa. Janirakiw amuyt'kisa, taqi ukanakax ajay tuqin taripatäñap wakisitap layku.

1 Samuel 18:17

Mä urusti Saúl reyix Davidarux sänwa: —Nayasti Merab sata jilïr phuchhaxa warmimäñapatakiw churäma, nayax jan axsarir nuwasirïñamak maysma, Tatitun nuwasïwipan nuwasiñataki —sasa. Saúl reyix janiw jupa pachpa Davidar jiwayañ amtkänti, jan ukasti filisteonakan jiwayañap munäna.

1 Samuel 18:20

Ukampisa Mical sata, Saúl reyin maynïr phuchhapax Davidarux walpun munäna. Ukatsti Saúl reyix ukham yatisin wal kusisïna,