2 Samuel 3:25 - Qullan Arunaka DC

²⁵ ¿Janit yatktasti, Abner jaqix jumar sallqjiri, jumar uñaqiriki, ukatsti taqi kuntix juma reyix lurkta uk yatxatirik jutatapsti? —sasa.

Aymar Bibliia 1986

²⁵ ¿Jach'a reyisti janit yatqui, Ner jaken Abner yokapajj reyir sallkjiri, uqhamaraqui uñakeri jutatapsti, uqhamaraqui take cuntejj jach'a reyejj lurqui take ucanaca?” sasa.

Qullan Arunaca

²⁵ ¿Jach'a reyisti janit yatqui, Ner jaken Abner yokapajj reyir sallkjiri, uqhamaraqui uñakeri jutatapsti, uqhamaraqui take cuntejj jach'a reyejj lurqui take ucanaca?” sasa.

2 Samuel 3:25 Jak'a apnaqawi uñst'ayäwi

Génesis 42:12

Joseasti saskakïnwa: —K'arisipxtawa. Jumanakax uñaqanakäpxtawa, kawkhatsa aka markarux aynacht'aysna uk uñaqiriw jutapxtaxa —sasa.

Génesis 42:16

Jumanakax sapkta ukax chiqati janicha uk yatiñäni: jumanakat mayni khithapxam sullka jilamar irptiri, mayninakasti katuntataw akankapxäta. Jilamarutix jan puriyanipkani ukaxa, jumanakax uñaqanakäsipkapuntawa. ¡Faraonan sutipxaruw juramentompi sapxsma! —sasa.

Génesis 42:9

Ukat Joseax kuna samkanaktix jupanakxat samkasirïkäna ukanak amtasïna, ukat jupanakar sarakïna: —Jumanakax uñaqanakäpxtawa, kawkhatcha markarux aynacht'ayañjamäski uk uñaqiriw jutapxtaxa —sasa.

2 Samuel 10:3

amonitanakan jilïrinakapax Hanún sat reyipar sapxänwa: “¿Jumasti walikiw sistati Davidan yanapirinakapan awkiman jiwatapat jumar chuymacht'ir jutapxatapatsti? ¡Jupax markas t'unjañ amtampiw jupanakarux uñaqayir khithanpacha!” sasa.

2 Samuel 3:24

Ukanak ist'asinsti Joab jaqix reyin ukaruw saräna, ukat jupar sarakïna: —¿Kunatarak juma reyisti uk lurtasti? Abneran juman ukar jutkipansti, ¿kamisarak ukhamak khithanukxtasti?

2 Samuel 3:26

Joab jaqix Davidamp parlañ tukuyxasin mistunxatapatsti, Abner jaqir thaqtayiriw jaqinak khithäna, Davidar jan yatiyasaki, ukatsti uka khithanakax Sirá sat uma phuch'u chiqat Abnerar kutt'ayanipxäna.

2 Samuel 3:27

Abneran Hebronar puripansti, Joab jaqix markat mistuñ punkut khursa tuqiruw jupar irpäna, jupampikis parlañ munkaspa ukhama. Ukan purakat chhuqhuntasin Abnerar jiwayäna, Asael jilapar jiwayatapat phuqsusisa.

2 Reyes 18:32

Ukatsti jumanakarux jumanakan uraqimar uñtat yaqha uraqiruw irpapxäma, kawkintix trigo yapunakasa, uva yapunakasa, olivo quqanakasa, misk'is utjki uka uraqiru. Ukatsti sumakiw ukan jakasipxäta, janiw jiwapkätati. Ukampis Ezequiasarux janipun ist'apxamti, jupax: ‘Tatituw qhispiyistani’ sasaxa, k'arintasipktamwa.

Salmos 121:8

Tatituw mistutamsa, mantatamsa uñjaskani, jichhürut wiñaykama.

Isaías 37:28

Nayax taqi sarnaqatamxa, taqi luräwinakamsa yattwa; nayatak wal phiñasitamsa yatiraktwa.

Juan 7:12

Jaqinak taypin walpun jupat parlapxäna. Mayninakax sapxänwa: “Suma jaqiwa” sasa; mayninakasti sapxarakïnwa: “Janiw wali jaqïkiti, jaqirux sallqjiwa” sasa.

Juan 7:47

Fariseonakax ukxarux sarakïnwa: —¿Jumanakas sallqjayasipxaraktati?

Romanos 2:1

Jumasti mayninakar taripatam laykuxa, janiw jan juchanit uñt'atäkasmati, khitïskamsaya. Mayninakar taripasax jumapachaw juchañchjastaxa, jumax jupanakjamaw luraraktaxa.

Deuteronomio 28:6

Jumasti taqi luräwinakaman askimp phuqt'ataw uñjasirakïta.