2 Samuel 24:6 - Qullan Arunaka DC

⁶ Ukatsti Galaad markaruw sarapxäna, ukawjatsti hitita jaqinakan uraqipankir Cadés sat chiqaru. Ukatxa Dan chiqaruw puripxäna, ukawjat muytawayapxäna Sidón markar puriñkama.

Aymar Bibliia 1986

⁶ Ucatsti Galaad uqhamaraqui Cades sisqui ucsanacaruw sarapjjaraquïna, hitita jakenacan marcapana. Ucatjja Dan sisqui uca chekaruw puripjjäna, Dan sisqui uca chekatsti cuttanjjapjjaraquïnwa Sidón sisqui uca tokenjama.

Qullan Arunaca

⁶ Ucatsti Galaad uqhamaraqui Cades sisqui ucsanacaruw sarapjjaraquïna, hitita jakenacan marcapana. Ucatjja Dan sisqui uca chekaruw puripjjäna, Dan sisqui uca chekatsti cuttanjjapjjaraquïnwa Sidón sisqui uca tokenjama.

2 Samuel 24:6 Jak'a apnaqawi uñst'ayäwi

Génesis 10:15

Canaán jaqisti pä yuqanïnwa, jilïr yuqapax Sidón sata, sullkïristi, Het sataraki.

Génesis 31:21

Taqi kunapatix utjkäna ukanak apasxasaw jaltxäna. Jank'akirakiw Éufrates jawira makhatäna, ukatsti Galaad qullu tuqinakaruw sarxäna.

Números 32:1

Rubén, Gad ayllunkir jaqinakan uywanakapax waljapunïnwa. Jupanakasti Jazer uraqimpi, Galaad uraqimpi, uywanak uywañatak wali suma uraqïtap uñjasinxa,

Números 32:39

Manasés chachan Maquir sat yuqapan saraqirinakapax, Galaad uraqir mantantasin uka uraqi katuntasipxäna, uka uraqin jakir amorreo jaqinakarusti jaqunukupxänwa.

Josué 11:8

Tatitusti israelitanakarux atipt'ayänwa, ukhamasti jupanakax Sidón, Misrefot-maim jach'a markanakkamaw arktasax jalxatapxäna, inti jalsu tuqit Mispá pampa chiqakama. Taqinipuniw jiwarapxäna.

Josué 19:28

Abdón, Ebrón, Rehob, Hamón, Caná chiqa sarakipäna, Sidón jach'a markar puriñkama.

Josué 19:47

Ukampis uka uraqinakan jupanakatak pisïtap laykux, Dan ayllunkirinakax Lésem markaruw nuwantiri sarapxäna, uka markan jakir jaqinakar taqiniru jiwarayasinsti uka marka katuntasipxäna, ukhamat uka markan utjantasipxäna, uka markan sutipsa jaqukipapxänwa, Dan sutimpi uchasa, nayra awkipat amtasina.

Jueces 1:31

Aser ayllunkirinakasti janirakikiw Aco, Sidón, Ahlab, Aczib, Helbá, Afec, Rehob markanakan jakir cananeonakaru alisnukuñataki ch'amanïpkänti; uka markanakat jan alisnukupxatap laykusti, jupanak taypin jakiriw qhiparapxäna.