2 Samuel 24:6 - Qullan Arunaca

⁶ Ucatsti Galaad uqhamaraqui Cades sisqui ucsanacaruw sarapjjaraquïna, hitita jakenacan marcapana. Ucatjja Dan sisqui uca chekaruw puripjjäna, Dan sisqui uca chekatsti cuttanjjapjjaraquïnwa Sidón sisqui uca tokenjama.

Aymar Bibliia 1986

⁶ Ucatsti Galaad uqhamaraqui Cades sisqui ucsanacaruw sarapjjaraquïna, hitita jakenacan marcapana. Ucatjja Dan sisqui uca chekaruw puripjjäna, Dan sisqui uca chekatsti cuttanjjapjjaraquïnwa Sidón sisqui uca tokenjama.

Qullan Arunaka DC

⁶ Ukatsti Galaad markaruw sarapxäna, ukawjatsti hitita jaqinakan uraqipankir Cadés sat chiqaru. Ukatxa Dan chiqaruw puripxäna, ukawjat muytawayapxäna Sidón markar puriñkama.

2 Samuel 24:6 Jak'a apnaqawi uñst'ayäwi

Génesis 10:15

Canaanasti Sidonan awquiparaquïnwa, ucasti nayrïri wawapänwa, ucjjarusti Het sisqui ucansa awquiparaquïnwa.

Génesis 31:21

Take cunapatejj utjqui ucanacwa apasjjäna. Janc'aquiraquiw Eufrates sat jawira pascatäna, ucatsti Galaad kollu tokenacaruw jutjjäna.

Números 32:1

Rubén, uqhamarac Gad tribunacajj walja uywanacanïpjjänwa. Cunapachatejj jupanacajj uñjapjjäna Jazer, uqhamarac Galaad orakenacan sumätapjja uywanac uywañataquejja,

Números 32:39

Maquir chachan wawanacapajja, cawquïritejj Manasés chachan yokapäcaraquïna, ucanacajj Galaad orakeruw mantapjjäna, ucatsti catuntapjjänwa, uqhamaraquiw uca chekan jaquir amorreonacarojj jakonucupjjäna.

Josué 11:8

Diosasti Israel marcaruw atipjaña churäna, ucatsti jupanacajj khepat arctapjjäna Sidón uqhamarac Misrefot-maim sat marcacama, uqhamaraquiw arcapjjäna Mizpa sat chekacama jan mayani jiwarayasa.

Josué 19:28

ucatsti acnïri marcanacampi cunaraquïnwa: Abdón, Rehob, Hamón, Caná marcanaca, uqhamata jach'a Sidón marcaru purisa.

Josué 19:47

Ucampis uca orakenacajj pisïnwa Dan tribun wawanacapataquejja; ucatwa jupanacajj Lesem sat marcaru catuntapjjäna, uqhamaraqui t'unjapjjäna, take uca marcan jaquir jakenacaru jiwarayasa. Ucatsti uca marcan sutipjja jakoquipapjjaraquïnwa Dan sasa sutichasa, nayra awquipat amtasisa. Uqhamatwa uca marcan jacapjjäna.

Jueces 1:31

Aser sat tribunquirinacasti janiraquiquiw ch'amanïpcänti alisnucuñataquejja Aco, Sidón, Ahlab, Aczib, Helba, Afec, Rehob sat marcanacan jaquir cananeonacarojja,