2 Samuel 21:3 - Qullan Arunaka DC

³ Davidasti jupanakarux jiskt'änwa: —¿Kunarak nayasti jumanakatak luririststi? ¿Kunjämatsa jumanakar jach'a ñanqha luratat askichirista, Tatitun markapar jach'añchapxañamatakisti? —sasa.

Aymar Bibliia 1986

³ Davidasti jupanacarojj jisct'araquïnwa: —¿Cunsa jumanac laycojj lurirista? ¿Cunjämatsa asquicharaquiristjja cuna jach'a ñankhatï jumanacaru luratäcän ucjja, uqhamat Tatitun marcaparu bendicipjjañamataquejja? —sasa.

Qullan Arunaca

³ Davidasti jupanacarojj jisct'araquïnwa: —¿Cunsa jumanac laycojj lurirista? ¿Cunjämatsa asquicharaquiristjja cuna jach'a ñankhatï jumanacaru luratäcän ucjja, uqhamat Tatitun marcaparu bendicipjjañamataquejja? —sasa.

2 Samuel 21:3 Jak'a apnaqawi uñst'ayäwi

2 Samuel 20:19

Nanakan markaxax janiw nuwasiñ munir markäkiti, ukhamarus Israel uraqin chiqap markawa, markanak taypinsti ¡mä jach'a markarakiwa! Ukampis jumax tukjañ munasktaxa. ¿Kunatarak jumasti Tatitunkki ukanak t'unjañ muntasti? —sasa.

Éxodo 32:30

Qhipürusti, Moisesax jaqinakaruw säna: —Jumanakax wali jach'a jucha lurapxtaxa. Jichhasti nayax Tatitun ukaruw qullur makhatä, inach jupax uka juchat pampachapxiristam —sasa.

Levítico 1:4

uka uywan p'iqipxar amparampi luqxatasa. Ukhamat uka uywan jupa lanti juchanakapat pampachatäñatak katuqatäñapataki.

Hebreos 9:22

Kamachirjamasti, taqi kunaw wilampi q'umachatäñapa; janitix wilax wartaskaspa ukax janiw juchat q'umachasiñax utjkaspati.

1 Samuel 2:25

Mä jaqitix masipar jan wal luraspaxa, Tatitux uka jaqit arxataspawa, ukampis maynitix Tatitur ñanqha lurchi ukasti, ¿khitirak jupat arxataspasti?” sasa. Ukampis janiw jupanakax kuntix awkipax siskäna ukarux ist'apkänti, ukat Tatitux jupanakan jakañap apaqañ amtäna.

1 Samuel 26:19

Jach'a munañan rey, aka luqtirimar ist'añamatakiw achikt'assma: Tatitutix juma reyir nayar jan walt'ayañatak utt'aychi ukaxa, inach mä waxt'äwi katuqitaspa; ukampis jaqin amtäwipakïchi ukasti, Tatitux uka jaqinakar ñanqhachpan. Jichhasti Tatitun uraqipat jaqunukupxitu, ukham lurasax yaqha diosanakar luqtañaxatakiw nukt'apxitu.