2 Samuel 20:2 - Qullan Arunaka DC

² Uk ist'asasti, israelita jaqinakax Davidar apanukuwayasin Sebá jaqiruw arkapxäna. Ukat sipan, Judá uraqinkirinakax taqi chuymaw David reyipar arkapxarakïna, Jordán jawirata, Jerusalén markakama.

Aymar Bibliia 1986

² Take israelita jakenacasti Davidarojj apanucuwayjjapjjänwa, Seba sisqui uca jaker arcjjañataqui, uca jakesti Bicri sisqui ucan yokapänwa. Ucampisa Judá orakenquirinacajja, Jordán jawirat kalltasina, Jerusalencamajja, reyimpipuniw sayt'asipjjaraquïna.

Qullan Arunaca

² Take israelita jakenacasti Davidarojj apanucuwayjjapjjänwa, Seba sisqui uca jaker arcjjañataqui, uca jakesti Bicri sisqui ucan yokapänwa. Ucampisa Judá orakenquirinacajja, Jordán jawirat kalltasina, Jerusalencamajja, reyimpipuniw sayt'asipjjaraquïna.

2 Samuel 20:2 Jak'a apnaqawi uñst'ayäwi

2 Samuel 19:15

15 (16) Ukhamasti reyix kuttanxänwa, Jordán jawir chiqaruw purinïna. Judá uraqin utjirinakasti Guilgal chiqakamaw reyir katuqirix mistunipxäna, Jordán jawir makhatañsa yanapt'apxarakïnwa.

2 Samuel 20:1

Benjamín ayllun mayni qhuru jaqiw utjäna, Sebá sata, Bicrí jaqin yuqapänwa, jupasti Guilgal markan jikxatasïna. Uka Sebá jaqisti markachirinakaruw sayt'asiñatak amtayäna, akham sasa: “¡Jiwasan janiw Davidampi kuna lurañasas utjkiti! ¡Israelit jaqinaka, utanakamar kuttxapxam!” sasa.

2 Samuel 20:21

Janiw nayax uk lurir jutkti, Efraín qullunak tuqinkir Sebá sat mä jaqiw David reyitak sayt'asi. Jichhax uka jaqiruki katuyapxita, ukat nayax aka markat sarawayxäwa —sasa. Warmisti Joab chacharux sarakïnwa: —Ukhamächi ukaxa, jichhpachaw Sebá chachan p'iqip nanakax pirqa patatpach liwt'anipxäma —sasa.

2 Samuel 20:3

Kunapachatix Davidax Jerusalenan utjir reyi utapar purkän ukapachasti, reyi uta uñjapxañapatak jaytawaykatayna uka tunka uñt'at warminakaparux, mä utaruw irpantayäna, ukarusti uñch'ukirinak ucharakïna. Davidax ukan jupanakarux uñjayaskäna, ukampis janiw maynirus warmiskänti. Ukhamaw jupanakax ukan jist'antatäpxäna, ijma warminakjamarakiw jiwañ urunakapkam jakapxäna.

1 Reyes 12:20

Israelitanakax Jeroboam chachan kutt'anxatap yatisinxa, tantachat jaqinak nayraqatar uñstañapatakiw jupar jawsayanipxi, ukatsti taqpach Israelan reyipat jupar utt'ayapxi. Judá ayllunkirinakakiw ukarux jan jayskänti, jupanakasti reyitakix Davidat saraqirïñap munapxäna.

2 Crónicas 10:17

Ukampis kawkïr israelitanakatix Judá markanakan jakapkän ukanakarusti Roboam reyix apnaqaskakïnwa.

Salmos 62:9

9 (10) Jaqix mä samsumpi sasikiwa, qamirisa, jan kunanisa; jupanakarutix balanzampi waytasispaxa, mä samsut sipan phisnakïspawa.

Proverbios 17:14

Ch'axwañ qalltañax, jawir umas jilarkaspa ukhamawa; uka ch'axwañar janïr mantkasin jithiqtxañax juk'amp askiwa.

Hechos 11:23

Antioquiar purisinsti, Bernabeax wal kusisïna, Diosan jupanakar aski waxt'äwinakamp phuqt'katayna uk uñjasa. Jupanakarusti iwxt'arakïnwa, taqi chuymamp Tatitur arkapxañapataki.