2 Samuel 20:1 - Qullan Arunaka DC

¹ Benjamín ayllun mayni qhuru jaqiw utjäna, Sebá sata, Bicrí jaqin yuqapänwa, jupasti Guilgal markan jikxatasïna. Uka Sebá jaqisti markachirinakaruw sayt'asiñatak amtayäna, akham sasa: “¡Jiwasan janiw Davidampi kuna lurañasas utjkiti! ¡Israelit jaqinaka, utanakamar kuttxapxam!” sasa.

Aymar Bibliia 1986

¹ Benjamín tribun mayni khoru jakew utjäna, ucasti Seba satänwa, Bicri sisqui uca jaken yokapa, jupasti Gilgal marcanwa jicjjatasiraquïna. Aca Seba jakesti jakenacaruw amtayäna rey contra sayt'asipjjañapataqui, saraquïnwa: “Jiwasajj janiw Isaí jaken David yokapampejja cuna lurañasas utjquiti. ¡Take israelita jakenaca, utanacamaru cuttjjapjjam!” sasa.

Qullan Arunaca

¹ Benjamín tribun mayni khoru jakew utjäna, ucasti Seba satänwa, Bicri sisqui uca jaken yokapa, jupasti Gilgal marcanwa jicjjatasiraquïna. Aca Seba jakesti jakenacaruw amtayäna rey contra sayt'asipjjañapataqui, saraquïnwa: “Jiwasajj janiw Isaí jaken David yokapampejja cuna lurañasas utjquiti. ¡Take israelita jakenaca, utanacamaru cuttjjapjjam!” sasa.

2 Samuel 20:1 Jak'a apnaqawi uñst'ayäwi

Génesis 46:21

Benjaminan wawanakapa: Bela, Béquer, Asbel, Guerá, Naamán, Ehi, Ros, Mupim, Hupim, Ard.

2 Samuel 15:10

Ukatsti jank'akirakiw mä qawqha jaqinak khithäna taqpach Israel ayllunakar akham sapxañapataki: “Kunapachatix trompeta phust'asir ist'apkäta ukapachasti Absalonan Hebrón chiqan reyit utt'ayatäxatap yatiyapxäta” sasa.

2 Samuel 16:11

Ukxarusti Davidax Abisai jaqimpiru, taqi yanapirinakapampiruw sarakïna: —Nayan pachpa wawaxaw jiwayañsa munitu, ¡ukat juk'amp Benjamín ayllunkir jaqix jiwayañ munpachïtu! ¡Jupax ñanqhachaskakitpan sapxam, Tatituw juparux ukham luram sispacha!

2 Samuel 16:7

Simí jaqix kunayman arunakampiw Davidar ñanqhachäna: —¡Akat saram, jaqi jiwayir ñanqha jaqi!

2 Samuel 18:17

Ukatsti Absalonan janchip katusinxa, uka ch'umin utjir mä jach'a p'iyaruw jaquntapxäna, uka patxarusti qalanak phint'apxäna. Ukatsti israelitanakax utanakaparuw jaltxapxäna.

2 Samuel 20:2

Uk ist'asasti, israelita jaqinakax Davidar apanukuwayasin Sebá jaqiruw arkapxäna. Ukat sipan, Judá uraqinkirinakax taqi chuymaw David reyipar arkapxarakïna, Jordán jawirata, Jerusalén markakama.

2 Samuel 20:22

Ukatsti ukspachaw warmix jalasin taqpach markachirinakar wali ch'ikhi kankañapamp amtayäna, Sebá jaqin p'iqip apaqañataki, ukat Sebá jaqin p'iqip apaqasinxa, Joab chacharuw uka p'iqi pirqa patatpach liwt'anxapxäna. Ukat Joab chachax trompeta phust'ayarakïna, soldadonakasti taqiniw uka markat jithiqtawayxäna, sapa maynis utaparkamaw sarxapxäna. Joab chachasti Jerusalén markaruw reyimp parlir kuttxäna.

2 Samuel 23:6

Ñanqha lurir jaqinakax jan khitinsa aptata, apanukut ch'aphinakjamäniwa.

1 Reyes 12:16

Ukatsti taqpach Israel markaw reyin jupanakaru jan ist'atap uñjasin, akham jupar sapxäna: “¡Janiw kuna lurañanakasas Davidamp utjkistuti! ¡Janiw Jesé chachan yuqapampi kuna katuqäwi jaljasiñasa utjapkistuti! ¡Israelit jaqinaka, utasarkam sarxañäni! ¡Davidan wila masinakapak ayllupankirinakar apnaqaskpan!” sasa. Ukat ukspachaw israelita jaqinakax utanakapar sarxapxäna.

1 Reyes 21:10

Ukxarusti pani k'ari irkatir jaqinak jupa nayraqatan qunt'ayapxarakim, ukatsti jupar irkatapxpan akham sasa: ‘Nabot chachax Diosampiru, reyimpiruw ñanqhachi’ sasa. Ukatsti anqar irpsusin qalamp k'upjaskam jiwayapxam” sasa.

2 Crónicas 10:16

Ukatsti Israel markpachaw reyin jupanakar jan yäqatap uñjasax, jupar sapxäna akham sasa: “¡Janiw kuna lurañanakaxas Davidampi utjapkituti! ¡Jesé chachan yuqapampix janiw kuna yänak jaljasiñas utjapkituti! ¡Israelitanaka, sapa maynis utanakasarkam sarxapxañäni! ¡Davidaki wila masiparux uñjasiskpan!” sasa. Ukhamasti, ukspachaw taqpach israelitanakax utanakapar sarxäna.

2 Crónicas 10:6

ukatsti Roboam reyix Salomón awkipar jakañapkam luqtapkatayna uka jilïr jaqinakaruw jiskt'asïna, akham sasa: —¿Kunsa jumanakax nayar amuyt'ayapxitasma aka jaqinakar sañaxatakixa? —sasa.

Salmos 17:13

Tatay, sartasikimaya, ¡saykatasin killt'ayam! Ñanqha lurir jaqit espadamampi qhispiyita;

Salmos 34:19

19 (20) Tatitunkirinakax t'aqhisiñankapxiwa, ukampis Tatituw uka t'aqhisiñanakar atipjañ yanapi.

Proverbios 25:8

jan mäki taripañ utar yatiyir jalamti, yaqha jaqiw jutasin may qhanañcharakispa, jumasti p'inqa tukusma.

Proverbios 26:21

K'illimix nina sank'ayañatakiwa; lawax nina aqtayañatakiwa; ch'axwanak utjañapatakisti, arunak apnaqir jaqiw munasi.

Marcos 3:24

Mä markan jakirinakapatix payar t'aqjtatäspaxa, uka markax q'alaw tukusispa;

Lucas 19:14

Ukampis markapankir jaqinakax juparux uñisïnwa, ukat jupan qhipapat khithanak khithapxäna markan jilïripar sapxañapataki: ‘Janiw nanakax aka jaqin nanakan reyïñap munapkti’ sasa.

Lucas 19:27

Khitinakatix nayan reyïñax jan munapkän uka uñisirinakaxar akar irptanipxam, ukatsti nayraqataxan jiwarayapxam’ ” sasa.

Juan 13:8

Pedrosti sänwa: —Janipuniw kayunakax jariqkitasmati —sasa. Jesusasti sarakïnwa: —Janitix jariqkäm ukasti, janiw nayampïkasmati —sasa.

Deuteronomio 13:13

13 (14) Diosar jan jaysir jaqinakan uñstatapa, markachirinakar Diosat jithiqtayaskatapa, yaqha jan uñt'at diosanakar yupaychayaskatapa ukkhasti,

Jueces 19:22

Ukhama kusisitäpkan ukkhawa, markankir jan wali jaqinakax utar muyuntasin punkut liq'intapxäna, ukatsti utani awkirux sapxänwa: —¡Utamar sart'ir jaqir irpsunim! ¡Nanakax jupamp ikintasiñ munapxta! —sasa.

Jueces 3:27

Israelita uraqir purisinsti, Efraín qullun trompet phust'äna, israelitanakar jawsañataki, uk ist'asasti jupanakax taqpachaniw Ehud chachan qhipap qullunakat saraqanipxäna.

Rut 2:3

Ukhamaw Rut warmix pampar saräna; yawthapirinakax jalaqtayapkäna uka cebada puyanak apthapisaw arkäna. Uka yapusti Booz chachankänwa, jupax Elimélec chachan wila masiparakïnwa.

1 Samuel 13:2

Saúl reyix israelita jaqinak taypit kimsa waranqa soldadonak ajllïna. Pä waranqa soldadonakasti jupamp chikaw Micmás, Betel qullunak tuqin qhiparäna, waranqa soldadonakasti Jonatanampi chikarakiw Guibeá chiqan Benjamín uraqin qhiparäna, ukat jilt'iri jaqinakarusti Saúl reyix utanakaparuw khithanukxäna.

1 Samuel 2:12

Elí sacerdoten wawanakapax jan wali jaqinakänwa, janiw Tatiturux axsarapkänti,

1 Samuel 30:22

Ukampisa Davidan jaqinakapat wali qhuru jaqinakaw utjäna, jupanakasti sapxänwa: —Khitinakatix jan jiwasanakamp chika sarapki ukanakarux janiw kunas churatäñapäkiti, jan ukasti warminakapa, wawanakap kutirayasisax sarxapxañapawa —sasa.