2 Samuel 1:2 - Qullan Arunaka DC

² Kimsïr uru saraqatarusti, Saúl reyin soldadonakapat mayniw Siclag chiqar purinïna, isinakapas ch'iyanuqata, p'iqipas qhillamp jach'xatata, llakip uñacht'ayañataki. Davidan jak'apar purisinsti, taqi axsartañ chuymampiw nayraqatapan uraqkam alt'asïna.

Aymar Bibliia 1986

² Ucampis quimsa uru pasatatsti, Saúl reyin campamentopatjja mä jakew puriniraquïna, isinacapas ch'iyanokata, p'ekepas lak'ampi jach'jjatata, llaquipa uñacht'ayañataqui. Cunapachatejj purinïna ucapachasti, Davidan nayrakataparuw alt'asiraqui take ajjsartañ chuymampi.

Qullan Arunaca

² Ucampis quimsa uru pasatatsti, Saúl reyin campamentopatjja mä jakew puriniraquïna, isinacapas ch'iyanokata, p'ekepas lak'ampi jach'jjatata, llaquipa uñacht'ayañataqui. Cunapachatejj purinïna ucapachasti, Davidan nayrakataparuw alt'asiraqui take ajjsartañ chuymampi.

2 Samuel 1:2 Jak'a apnaqawi uñst'ayäwi

Génesis 22:4

Kimsa uru saratatsti, Abrahamax jayatpach puriñapäkän uka chiqa uñjäna.

Génesis 37:29

Rubenax uka phuch'ur kutt'ankäna ukkhasti, Josear ukan jan jikxatasax llakisiñat isip ch'iyanuqasïna.

Génesis 37:34

Ukatsti Jacobux llakisiñat isip ch'iyanuqasïna, llaki isimpiw uchasïna, jupasti jaya urunakaw wawapan jiwatapat jachäna.

Génesis 43:28

Jupanakasti alt'asisaw ukxar sapxäna: —Jumar luqtiri awkixax jakaskiwa, walikïskarakiwa —sasa.

2 Samuel 1:3

Davidasti jiskt'änwa: —¿Kawkitsa jutta? —sasa. Soldadosti sänwa: —Nuwasïwit jaltanta, israelitanakax nuwasisipkän ukkhata —sasa.

2 Samuel 13:19

jaqunukut uñjasisasti, qhillampiw p'iqipxar willxatasïna, uka suma isip ch'iyanuqasirakïna, amparanakapampi p'iqip katt'asisaw jacht'asis thakhinjam sarxäna.

2 Samuel 14:4

ukat Tecoankir warmix reyin ukar saräna, p'iqipa uraqkam alt'asinsti axsartañ chuymampiw reyir sarakïna: —¡Yanapt'itay jach'a munañan rey! —sasa.

2 Samuel 15:32

Qullu patar purisinsti, kawkhantix Tatitur yupaychañäki ukawjaruw, arquita ayllunkir Husai jaqix Davidar jikxatäna, isinakapas ch'iyanuqata, p'iqipas laq'ampi jach'xatataraki.

2 Samuel 24:20

Arauna jaqix reyimpiru, luqtirinakapampir jupa tuqir jutasipkir uñjasinxa, mistuwayasin reyin nayraqatapan uraqkam alt'asaw killt'asïna,

2 Samuel 4:10

kunapachatix maynix Saúl reyin jiwatapat mä suma yatiyäwïkaspa ukham amuyasin nayar yatiyir jutkatayna ukkhax, juparux katuntasaw Siclag chiqan jiwayta.

Ester (hebreo) 4:16

“Saram, Susa markankir taqi judionakar tantachthapim, ukatsti, nayatak ayuno lurapxpan, kimsa urumpi, kimsa arumampix jan kuns manq'apxpati, janirak kuns umapxpati. Nayampi, nayar luqtir uywatanakampisti uka kipkarak lurapxä; uka qhipat reyimp parlirix sarä, ukham lurasax kamachi p'akintañaxächin ukasa. Jiwayapxitan ukasti, jiwayasipkakitpan” sasa.

Ester (hebreo) 5:1

Kimsa urutsti Esterax reina kankañ isipamp isthapt'ataw reyin utapar mantäna. Ukatsti, reyin punku uñkatasi qunuñapan qunt'atäkäna uka nayraqataruw sayt'asïna.

Salmos 66:3

Diosarux sapxam: “Luratanakamax muspharkañapuniwa. Timanakamax jach'a ch'amam laykuw nayraqataman axsarañat tinkurapxi;

Ezequiel 27:30

Wal arnaqasipxani, jumatjamasti walpun jachapxani, p'iqinakaparus laq'anakampiw jach'xatasipxani, qhillaruw qurumsupxani.

Oseas 6:2

Jank'akiw k'umar sarnaqasiñ churxistani, jupa nayraqatan jakañasatakiw sayt'ayxarakistani.

Joel 2:13

¡Juchanakamat amthapisisax Tatitumar makhatxapxam, isinakam ch'iyanuqkamayaxa, chuymanakamay ch'allxtayasipxam! Tatitux khuyapayasiriwa, llamp'u chuymaniwa, munasiñapas jach'arakiwa; juchanak luratat mutuyañäki uksa, jiwasat apaqirirakiwa.

Mateo 12:40

Kunjämtix Jonasax kimsa urumpi kimsa arumampix mä jach'a chawllan purakapankänxa, uka kipkarakiw jaqin Yuqapax kimsa urumpi kimsa arumampi uraq manqhankani.

Mateo 16:21

Jesusax uka urut qalltasin yatiqirinakaparux kunatix jupampi luraskani uk qhanañchañ qalltäna, sarakïnwa: “Jerusalén markar sarañaxaw wakisini, ukansti marka apnaqir jilïrinakampi, sacerdotenakan jilïrinakapampi, kamachi yatichirinakampiw wal t'aqhisiyapxitani. Ukan nayarux jiwayapxitani, ukampis kimsüru jiwatat jaktanï” sasa.

Josué 7:6

Josué chachampi, Israelan jilïri jaqinakapampisti isinakap ch'iyanuqasipxäna, llakisiñatsa qhillampiw p'iqit willxatasipxäna, ukatsti p'iqinakap uraqkam alt'asaw Tatitun arcap nayraqatan killt'asipxäna.

Apocalipsis 3:9

Uñjätawa, kuntix supayan tamapankasipki uka k'ari jaqinakampi lurkä uka. Jupanakax judío jaqjamaw tukupxi, ukampis chiqpachan janiw judío jaqinakäpkiti. Juma nayraqatan jupanakar killt'asiyä, nayan jumar munasitax yatipxañapataki.

1 Samuel 20:41

Uywatan sarxatapatsti, Davidax imantaskän uka chiqat mistunïna, ukatsti Jonatanan nayraqatapar purisax kimsa kutiw uraqir ajanup puriyañkam alt'arakïna. Ukatsti jank'akiw jamp'att'asipxäna, panpachaniw jachapxäna, Davidan chuyma utt'ayasiñapkama.

1 Samuel 25:23

Abigail warmisti Davidar uñjasax asnopat saraqasin axsart'añ chuymampiw uraqkam alt'äna.

1 Samuel 4:12

Ukampisa, Benjamín ayllunkir mä soldadow nuwasïwit jaltxäna, t'ijukamakiw Siló chiqarux purïna, isinakapas ch'iyanuqata, p'iqipas laq'akamakiraki.

1 Samuel 4:16

Uka jaqisti Elí sacerdoterux sänwa: —Jichhakiw nuwasïwit jaltanisin purinta —sasa. Elí sacerdotex jiskt'änwa: —Waway, ¿kunarak kamachisti? —sasa.