2 Samuel 1:2 - Qullan Arunaca

² Ucampis quimsa uru pasatatsti, Saúl reyin campamentopatjja mä jakew puriniraquïna, isinacapas ch'iyanokata, p'ekepas lak'ampi jach'jjatata, llaquipa uñacht'ayañataqui. Cunapachatejj purinïna ucapachasti, Davidan nayrakataparuw alt'asiraqui take ajjsartañ chuymampi.

Aymar Bibliia 1986

² Ucampis quimsa uru pasatatsti, Saúl reyin campamentopatjja mä jakew puriniraquïna, isinacapas ch'iyanokata, p'ekepas lak'ampi jach'jjatata, llaquipa uñacht'ayañataqui. Cunapachatejj purinïna ucapachasti, Davidan nayrakataparuw alt'asiraqui take ajjsartañ chuymampi.

Qullan Arunaka DC

² Kimsïr uru saraqatarusti, Saúl reyin soldadonakapat mayniw Siclag chiqar purinïna, isinakapas ch'iyanuqata, p'iqipas qhillamp jach'xatata, llakip uñacht'ayañataki. Davidan jak'apar purisinsti, taqi axsartañ chuymampiw nayraqatapan uraqkam alt'asïna.

2 Samuel 1:2 Jak'a apnaqawi uñst'ayäwi

Génesis 22:4

Quimsa uru saratatsti Abrahamajj, cawqharutejj puriñapäcän uca chekjja jayat uñtäna.

Génesis 37:29

Rubenajj phuch'ur cuttanjjän ucqhasti janiw Josearojj ucan jicjjatcjjänti, ucat isipa ch'iyanokasïna llaquisitap uñacht'ayañataqui.

Génesis 37:34

Ucatsti Jacobojj isipa ch'iyanokasisajja, lutt'asïnwa; jaya tiemporaquiw wawapatjja jachäna.

Génesis 43:28

Jupanacasti Joseataquejj alt'asipjjänwa, sapjjaraquïnwa: —Jumar sirviri awquejjajj jacasquiwa —sasa.

2 Samuel 1:3

Davidasti jisct'araquïnwa: —¿Cawquitsa jutta? —sasa. —Israelitanacan campamentopatwa jaltanta —sasaw uca jakejj saraquïna.

2 Samuel 13:19

Ucatsti uca suma isipa ch'iyanokasisinsti p'ekepjjaru khellampi willjatasisinsti jacht'asisaw sarjjäna thaquinjama amparapampi p'ekep catt'asa.

2 Samuel 14:4

uca Tecoanquiri warmejj reyin ucaruw saräna, p'ekepa orakcama alt'asisinsti reyirojj saraquïnwa: —¡Jach'a reyisti nayaru yanapt'añjja munaracpanaya!

2 Samuel 15:32

Davidasti kollu pataru purisinsti, cawqhantejj Diosaru yupaychapjjerïcäna ucawjana, arquitas sat tributa mayni jakew jicjjatiri jutäna, Husai satänwa, isinacapas ch'iyanokata, p'ekepas lak'ampi jach'jjatataraqui.

2 Samuel 24:20

Arauna jakejj jayatacwa uñch'uquiscäna, ucatwa uñjäna reyimpiru, uqhamaraqui sirvirinacapampiru jupa tokeru jutasipquiri.

2 Samuel 4:10

cunapachatejj maynejj nayaru Saúl reyin jiwatapa yatiyiri jutcän ucapachajja, jupan amuyatapatjja mä suma yatiyäwi churquitaspa uqham amuyasïnjja, ucampisa uca yatiyäwi churatapajja jupar catuntañataquiw arsuraquïna, ucat Siclag sisqui uca chekan jiwaytjja.

Ester (hebreo) 4:16

“Saram, Susa marcanquir take judionaca tantacht'anim, ucatjja ayunapjjam nayataqui; janiw mank'apjjätasa, ni umapjjaraquïtasa quimsa uru, quimsa aruma. Nayasti tawako warmi uywatanacajjampejja uca quipcaraqui lurapjjaraquëjja, ucatjja nayajj reyimpi parliriw saräjja, uqhama lurañajja leyirjamajj janis walïscpan. Ucampis jiwayapjjetanejja, jiwayasipcaquitpana” sasa.

Ester (hebreo) 5:1

Ucat quimsa uru pasatatsti Ester warmejj palacio saraña suma isipa ucht'asisawa mantäna palacio patio mankheru. Ucatsti sayt'asinwa reyejj cawqha utantejj tronopana kont'atäcäna uca nayrakataru ucasti puncu nayräjjancänwa.

Salmos 66:3

Diosarojj sapjjam: “Luratanacamajj muspharcañapuniwa, timanacamajj jach'a ch'amam laycuw nayrakataman ajjsarañat tincurapjje.

Ezequiel 27:30

Wal arnakasipjjani, jumatjamasti sintpunwa jachapjjaraquini, p'ekenacaparusa lak'anacampiw jach'jjatasipjjani, khella taypinwa korumnakapjjani.

Oseas 6:2

Mäquiw c'umar sarnakasiñjja churjjestani, jupa nayrakatan jacañasataquiw sartayasjjaraquistani.

Joel 2:13

¡Jumanacasti Tatitu Diosamar cuttjjapjjam, isinacama ch'iyanokcamayjja, chuymanacamaya ch'iyanokapjjamjja! Tatitojj munasiriwa, qhuyapayasiriraquiwa, paciencia chuymaniwa, munasiñapas jach'araquiwa; cuna mutuyäwetejj utjqui ucsa, jiwasatjja jayar apanucjjañataquisa.

Mateo 12:40

Cunjämtejj Jonasajj mä jach'a chawllan puracapancän quimsürumpi quimsa arumampejja, uca quicparaquiw Jaken Yokapajj quimsürumpi quimsa arumampi orak mankhancani.

Mateo 16:21

Ucapachatpachwa Jesusajj discipulonacaparojj khanañchañ kalltäna jupan jiwäwipjjata. Saraquïnwa: —Jerusalenar sarañajjaw wact'itu, ucansti chuymani jilïrinacajj, uqhamarac sacerdotenacan jilïrinacapampi, ley yatichirinacampejj wal t'akhesiyapjjetani. Ucatsti jiwayapjjaraquitaniwa, ucampis quimsüru jiwatatsti jactawayjjäwa —sasa.

Josué 7:6

Ucatsti Josué chachampi jach'a amuyt'an israelit jakenacampejj isinacap wiqhanokasipjjäna, uqhamaraqui khellampis p'eketa willjjatasipjjäna, wali chuymanacapan mayjt'ata, ucatsti p'ekenacap alt'apjjäna Diosan arcap thiyaru wali jayp'untañcama.

Apocalipsis 3:9

Uqhamajj qhitinacatejj Supayan tamapancasipqui, uqhamarac: Judiöpjjtwa sas c'arisis sarnakasipqui ucanacarojj juman ucaruw qhitanëjja cayunacamar quillt'asipjjañapataqui, uqhamata yatipjjañapataqui nayajj jumar munatajj-jja.

1 Samuel 20:41

Uywatan sarjjatapatsti, Davidajj janc'aquiw uca kala chhajjwa khepäjjat mistuni. Ucatsti Jonatán nayräjjarojja quimsa cutiw oraker ajanup puriyañcama alt'araquïna. Ucat janc'aquiw jamp'att'asipjjäna, panpachaniw jachapjjaraquïna, Davidan chuyma utt'ayasiñapcama.

1 Samuel 25:23

Abigail warmisti Davidar uñjasajj asnopat sarakasinjja, Davidan nayrakataparuw ajjsartañ chuymampi orakcama alt'asïna.

1 Samuel 4:12

Ucampisa Benjamín tribunquiri mä soldadow uca nuwasïwitjja jaltjjäna, ucatsti jalasinjja uca urpachaw Silo sat uca chekaru purïna. Isinacapas ch'iyanokataraquïnwa, p'ekepas lak'acamaquiraquïnwa.

1 Samuel 4:16

Uca jakesti Elí sacerdoterojj sänwa: —Jichhaquiw nuwasïwit jaltanisina purinta —sasa. —Waway, ¿cunsa jichhajj camachasipqui? —sasaw Elí sacerdotejj jisct'araquïna.