2 Samuel 1:10 - Qullan Arunaka DC

¹⁰ Ukhamasti nayax jak'achasisin jupar jiwayta, nuwasïwin aynacht'xatapat jakañ jan munxatap amuyasina. Ukatsti jank'akiw p'iqipankkän uka pillu apaqta, ukhamarak amparapankkän uka brazaletsa; juman ukar apanxañataki —sasa.

Aymar Bibliia 1986

¹⁰ Uqhamasti nayajj jac'achasisinjja juparojj jiwayjjaractwa, nayasti amuyaraquïyätwa, jupan aynacht'jjatapatjja janiw jaquirjamäcjjänti. Ucatsti janc'aquiw p'ekepanccäna uca corona apakta, uqhamaraqui amparapanccäna uca brazaletsa, juman ucar apanjjañataqui, tata —sasa.

Qullan Arunaca

¹⁰ Uqhamasti nayajj jac'achasisinjja juparojj jiwayjjaractwa, nayasti amuyaraquïyätwa, jupan aynacht'jjatapatjja janiw jaquirjamäcjjänti. Ucatsti janc'aquiw p'ekepanccäna uca corona apakta, uqhamaraqui amparapanccäna uca brazaletsa, juman ucar apanjjañataqui, tata —sasa.

2 Samuel 1:10 Jak'a apnaqawi uñst'ayäwi

2 Samuel 1:16

Davidasti sarakïnwa: —Juma pachpaw jiwañamatak juchanïsktaxa, juma pachparakiw Tatitun ajllit reyipar jiwayatamsa arsusisktaxa —sasa.

2 Samuel 1:9

Ukat nayarux jak'apar jawsasin sarakitu: “Mäpit jiwayxita, t'aqhisisktwa, janiw jank'as jiwirjamäkti” sasa.

2 Samuel 12:30

Ukatsti reyipan p'iqipat quri pillup apaqanïna, uka pillusti suma k'ajkir qalanakamp uchatänwa, kimsa tunka kimsani kilonïnwa, ukatsti uka pillumpix Davidaruw asxatapxäna. Ukhamarus Davidax uka markat jila alani yänak waljpun apsunïna,

2 Reyes 11:12

Ukapachaw Joiadá sacerdotex reyin Joás wawapar irpsunïna, ukat jupan p'iqiparux reyi pillu uchäna, ukatsti marka apnaqañ yatichäwi qillqatanak churarakïna, p'iqipar aceite warxatasinsti reyit utt'ayäna. Ukxarusti taqiniw amparanakap t'axllirasipxäna, jach'at art'asipxarakïna: “¡Jallalla rey!” sasa.

Lamentaciones 5:16

¡Kunakïkan jiwasatxa! Jucha luratasat marka apnaqañsa q'al apt'astanxa.

Mateo 7:2

Kunjämtix jumanakax jaqi masimar juchañchapktas uka pachparak Diosax jumanakarux juchañchapxätam; kunjämtix jumanakax jaqinakar lurapkäta ukhamarak jumanakarux Diosax lurapxätam.

Jueces 1:7

Ukat Adonisédec reyix säna: “Nayrax paqallq tunka reyinakaruw amparanakapata, kayunakapat tayka luk'ananak khariqta, jupanakarux manq'añaxat williqtki uka jilt'anak pallasiyta. Jichhasti Diosax nayaruw kunjämtix nayax jupanakar lurkäyäta uka lurarakitu” sasa. Ukatsti Jerusalén markaruw irpxapxäna, ukan jiwxäna.

Jueces 9:54

Abimélec chachasti ukspachaw yanapiriparux jawsäna, ukatsti sänwa: “Espadam apsusim ukat jiwayita, janiw nayat ‘Mä warmikiw jiwayi’ sapxañap munkti” sasa. Uka yanapiripasti iyawsasaw espadapampi chhuqhuntäna, ukhamaw Abimélec chachax jiwxäna.

1 Samuel 22:18

Ukat reyix edomita Doeg sat jaqirux säna: —¡Jumapun jiwarayam! —sasa. Ukhamasti Doeg sat jaqix sacerdotenakar katuntasinxa, kimsaqallq tunka phisqaniruw jiwarayäna, jupanakasti linot lurat efod sat isimpi isthapitäpxänwa.