2 Samuel 1:9 - Qullan Arunaka DC

⁹ Ukat nayarux jak'apar jawsasin sarakitu: “Mäpit jiwayxita, t'aqhisisktwa, janiw jank'as jiwirjamäkti” sasa.

Aymar Bibliia 1986

⁹ Ucat nayarojj jac'aparu jawscatasitu, ucat: “Mäpita jiwayjjeta” sasaw saraquitu. Niya jiwirjamäscaraquïnwa, ucampisa jacascaraquïnwa.

Qullan Arunaca

⁹ Ucat nayarojj jac'aparu jawscatasitu, ucat: ‘Mäpita jiwayjjeta’ sasaw saraquitu. Niya jiwirjamäscaraquïnwa, ucampisa jacascaraquïnwa.

2 Samuel 1:9 Jak'a apnaqawi uñst'ayäwi

2 Samuel 1:10

Ukhamasti nayax jak'achasisin jupar jiwayta, nuwasïwin aynacht'xatapat jakañ jan munxatap amuyasina. Ukatsti jank'akiw p'iqipankkän uka pillu apaqta, ukhamarak amparapankkän uka brazaletsa; juman ukar apanxañataki —sasa.

2 Samuel 1:8

Ukat jank'akiw nayar jiskt'arakitu: “¿Khitïtasa?” sasa. Nayasti: “Amalecita jaqïtwa” sasaw sista.

1 Crónicas 10:4

Ukhamasti Saúl reyix yanapiriparuw säna: “Espadam apsusim, ukamp jiwayita, aka jucharar jaqinakan nayat jan larusiskañapataki” sasa. Ukampis yanapiripax janiw jiwayañ munkänti, wal axsaräna. Ukhamasti Saúl reyix espadap katusaw espadapxar liwxattäna.

Apocalipsis 9:6

Uka phisqa phaxsinsti, achjat uñjasipkatayna uka jaqinakax, jiwañak munxapxäna, ukampis jakasipkakïnwa. Jiwax jupanakat jaltkaspa ukhamänwa.

Jueces 9:54

Abimélec chachasti ukspachaw yanapiriparux jawsäna, ukatsti sänwa: “Espadam apsusim ukat jiwayita, janiw nayat ‘Mä warmikiw jiwayi’ sapxañap munkti” sasa. Uka yanapiripasti iyawsasaw espadapampi chhuqhuntäna, ukhamaw Abimélec chachax jiwxäna.

1 Samuel 31:4

Ukat Saúl reyix yanapiripar säna: —Espadam apsusim ukatsti jiwayxita, janiw Diosar jan uñt'ir jaqinakan nayar jiwayañap munkti, janirakiw nayat larusiñapsa munkti —sasa. Yanapiripasti jupar axsarasax janiw ukham lurañ munkänti. Ukat Saúl reyix jupapachaw espadap katusin uka patxar liwxattäna.