2 Pedro 3:10 - Qullan Arunaka DC

¹⁰ Ukampis Tatitun jutañap urux akatjamat lunthatar uñtataw purinini. Alaxpachanakasti mä jach'a axsarkañ uxuñampiw t'unthaptani, kunanakatix alaxpachan utjki ukanakax ninamp tukjatäniwa, uraqisti, kunanakapatix utjki ukanakamppach Diosan taripäwipar katuyatäniwa.

Aymar Bibliia 1986

¹⁰ Ucampis Tatitun jutañap urojja acatjamatwa jutani, lunthatar uñtata. Alajjpachanacasti mä jach'a ajjsarcañ warariñanacampiw t'unthaptani, cunanacatejj alajjpachan utjqui ucanacasti ninampi tucjatäniwa, orakensti, cunanacapatejj utjqui ucanacämppacha, Diosan taripäwipar catuyataw kheparani.

Qullan Arunaca

¹⁰ Ucampis Tatitun jutañap urojja acatjamatwa jutani, lunthatar uñtata. Alajjpachanacasti mä jach'a ajjsarcañ warariñanacampiw t'unthaptani, cunanacatejj alajjpachan utjqui ucanacasti ninampi tucjatäniwa, orakensti, cunanacapatejj utjqui ucanacämppacha, Diosan taripäwipar catuyataw kheparani.

2 Pedro 3:10 Jak'a apnaqawi uñst'ayäwi

Salmos 102:26

26 (27) Taqi ukanakax tukusxakiniwa, jumasti pachpakïsktawa. Ukanakax isir uñtataw mirq'isini; wariraptir isir uñtataw tukusini.

Salmos 46:6

6 (7) Markanakax uxuwa, reyinakasti khathatiwa, uraqix khathatiwa, ch'aman arup ist'asiyki ukapachaxa.

Salmos 97:5

Qullunakax lik'ir uñtataw umatati, taqpach uraqin Tatitun nayraqatapana.

Isaías 2:12

Kunürutix taqi ch'aman Tatitux sartkani uka urux jak'achasisinkiwa, uka urun jach'a jach'a tukurinakasa, p'iqi waytat jaqinakasa jisk'achjatäpxaniwa,

Isaías 24:19

Aka uraqisti axsarkañaw khathatini, khathatisinsti jisk'a jisk'aw tukusini.

Isaías 34:4

Alaxpachankir warawaranakax t'unthaptaniwa, alaxpachasti mä papeläkaspas ukhamaw llawthaptani, taqi warawaranakas janiw qhankxaniti, kunjämtix uva alina, higo alin laphinakapax wañsusin willirtki ukhama.

Isaías 51:6

“Alaxpach tuqi uñtapxam, aka uraq tuqirus uñtapxarakim: alaxpachax jiwq'ir uñtatakiw chhaqtxani, uraqisti mä isir uñtatakirakiw mirq'stxani, ukan jakir jaqinakasti chhichhillankhanakar uñtataw jiwarapxani. Ukampis nayax wiñayatakiw qhispiyä, chiqa kankañaxasti janiw tukuskaniti.

Joel 1:15

¡Ay kunakïkani, Tatitun urupaw jak'achasisinki! ¡Axsarkañ uruw jutaski, taqi ch'aman Tatitusti t'unjañanak apaniraki!

Joel 2:1

Jerusalén markan trompet phust'apxam; Tatitun utapan jach'at phust'apxam. Judá markan utjirinakas taqin khathatipxpan, Tatitun urupaw jak'achasisinki:

Joel 2:31

31 (4) Intix ch'amakt'aniwa, phaxsis wilaruw tukuni, Tatitun axsarkay jach'a urupa janïra purinkipana.”

Joel 3:14

14 (14) Tatitun urupan jak'ankxatapatxa, walja jaqinakaw Taripäwi sat qhirwan tantacht'atäpxi.

Amós 9:13

“Urunakasti jutaskiwa, ukkhaw trigo yapu apthapisipkani ukapachax yapux qhulliñäxarakiniwa, janïraw uva apthapisax ch'irwañ tukuyapkaniti, ukkhasti trigox phawañäxarakiniwa. Jach'a qullunaka, jisk'a qullunak tuqsa vinox umjamaw jalani.

Amós 9:5

Taqi ch'aman Tatit Diosax uraqiruw takt'i, uraqisti umatatiwa, jaqinakapax uk uñjasax taqiniw jachapxi. Kunjämatix Nilo jawiran umax jilxatti, wañaqaraki, ukhamaw uraqix uñstani, chhaqtarakini.

Miqueas 1:4

Jupan takt'ataparusti qullunakax pampaw tukuni, kunjämatix lik'ix ninar apxatatax umatatki ukhama, qhirwa aynachanakas jalkir uman kharjatjamaw payar jist'jtani.

Nahúm 1:5

Jupa nayraqatanxa qullunakas khathatiwa; nayräxapansti jisk'a qullunakas chullutatawayxakiwa. Taqi aka uraqpachan jakirinakasa jupar uñjasax wal khathatipxi.

Malaquías 4:5

5 (23) “Kunürutix nayax mutuyapkäma uka uru janïra purinkipanxa, nayax Elías profetaruw khithanipxäma.

Mateo 24:35

Alaxpachampi akapachampix tukusiniwa, arunakaxasti janiw tukuskaniti.

Marcos 13:31

Alaxpachampi akapachampix tukusiniwa, arunakaxasti janiw tukuskaniti.

Lucas 12:39

Ak yatipxam: Mä utanitix kunapacha lunthatan jutañap yatispa ukkhaxa, lunthatarux janiw utaparux kun lunthatsuñatakis mantaykaspati.

Romanos 8:20

Kuna amtampitix akapachax luratäkäna ukax janiw phuqhaskiti, janiw akapachan munatap laykuti, jan ukasti Diosaw ukhamäñapatak wakichatayna; ukampis suyt'äwipax utjaskapunïnwa,

1 Corintios 1:8

Diosax jumanakarux tukuykamaw ch'amañchapxätam, ukhamat jan khitis jumanakar juchañchaskañapataki, Jesucristo Tatitusan kutiniñapkama.

1 Corintios 5:5

uka jaqix Supayar katuyatäñapa, ukhamat janchipan tukjatäñapataki, ajayupasti Tatitux jutkan ukkharaki qhispiyatäñapataki.

2 Corintios 1:14

niyaw nanakat mä juk'a amuyapxtaxa, kunapachatix Tatitux jutkan ukkhaxa, jumanakax nanakat wal kusisipxäta, nanakas uka kipkarakiw jumanakat kusisipxä.

1 Tesalonicenses 5:2

Jumanakax askiw yatipxtaxa, Tatitux kutinkan uka urux jan suyat urüniwa, kunjämatix mä lunthatax arum jutki ukhama.

1 Tesalonicenses 5:4

Ukampis juma jilatanakax janiw ch'amakankapktati, ukhamat Tatitun kutiniñap urux lunthatar uñtat jan katjayasiskañataki.

2 Pedro 3:11

Niyakitix taqi kunas ukham tukjaschinixa, jumanakax Tatit chuyma, jupar katuyasit jakapxañamawa.

2 Pedro 3:12

Tatitun jutañap urun jank'akïñap munas suyt'apxam. Uka urusti alaxpachanakax ninampi nakhantatäniwa, taqi kunas ninampi umatatayatarakïniwa;

2 Pedro 3:7

Ukampisa, Tatitun arunakaparjamax aka uraqimpi alaxpachampix, ninampi t'unjatäñatak imatäskiwa. Uka ninaw taripäwi urun q'al nakhantani, jan walinak lurir jaqinakarus tukjarakini.

Judas 1:6

Ukatsti kawkïr angelanakatix lurañanakap jan sum imapkäna, suma utjäwinakapsa jaytanukupkäna ukanakarusti, Tatitux wiñayatak cadenanakamp ñach'antat katxäsiski, ch'amak manqhanakar jist'antata, jach'a taripäwi uru puriniñapkama.

Apocalipsis 16:15

“Amuyasipxam, nayax lunthatar uñtataw akatjamat jutä. Suyasapun sarnaqir jaqix kusisiñanïniwa, isinakap imasir jaqis kusisiñanïniwa, q'alal jan sarnaqaskañapataki, p'inqapa jan uñachayaskañapataki.”

Apocalipsis 20:11

Ukatsti mä jach'a janq'u qhapaq qunuñ uñjarakta, ukan qunt'atäkän ukampiru. Jupan nayraqatapat uraqimpi alaxpachampix jan mayampitakiw chhaqtawayxäna, janirakiw kawkinsa wasitat uñjañäkxänti.

Apocalipsis 21:1

Ukatsti machaq alaxpachampi, machaq uraqimpi uñjarakta. Nayrïr alaxpachampi uraqimpix tukusxataynawa, janirakiw qutas utjkxänti.

Apocalipsis 3:3

Yatichäwi katuqatamat amtasimaya; ukarjam arkam, Diosar kutikipstarakim. Janitix p'arxtaskätaxa, lunthatar uñtataw akatjamat jutä, janiw kunapacha puriniñaxsa yatkätati.

Apocalipsis 6:14

Alaxpachasti chhaqtawayxänwa, mä llawur uñtatakiw llawthaptawayxäna, ukatsti taqpach qullunakampi, quta taypin utjir wat'anakampix yaqha chiqar unxtayataw uñjasïna.