2 Pedro 3:10 - Qullan Arunaca

¹⁰ Ucampis Tatitun jutañap urojja acatjamatwa jutani, lunthatar uñtata. Alajjpachanacasti mä jach'a ajjsarcañ warariñanacampiw t'unthaptani, cunanacatejj alajjpachan utjqui ucanacasti ninampi tucjatäniwa, orakensti, cunanacapatejj utjqui ucanacämppacha, Diosan taripäwipar catuyataw kheparani.

Aymar Bibliia 1986

¹⁰ Ucampis Tatitun jutañap urojja acatjamatwa jutani, lunthatar uñtata. Alajjpachanacasti mä jach'a ajjsarcañ warariñanacampiw t'unthaptani, cunanacatejj alajjpachan utjqui ucanacasti ninampi tucjatäniwa, orakensti, cunanacapatejj utjqui ucanacämppacha, Diosan taripäwipar catuyataw kheparani.

Qullan Arunaka DC

¹⁰ Ukampis Tatitun jutañap urux akatjamat lunthatar uñtataw purinini. Alaxpachanakasti mä jach'a axsarkañ uxuñampiw t'unthaptani, kunanakatix alaxpachan utjki ukanakax ninamp tukjatäniwa, uraqisti, kunanakapatix utjki ukanakamppach Diosan taripäwipar katuyatäniwa.

2 Pedro 3:10 Jak'a apnaqawi uñst'ayäwi

Salmos 102:26

take ucanacajj tucusjjaquiniwa, jumasti pachpaquïsctawa, ucanacajj isir uñtataw merk'esipjjani, tucusir isir uñtatäpjjaniwa.

Salmos 46:6

Marcanacajj ojjopjjewa, reyinacajj qhathatipjjewa, orakejj qhathatiwa, ch'aman arup ist'asiyqui ucapachajja.

Salmos 97:5

Kollunacajj liq'ir uñtataw umatati, takpach orakenin nayrakatapana.

Isaías 2:12

Cunürutejj take ch'amani Tatitojj sartcani, jach'a jach'a, uqhamaraqui ñankha tucur jakenac toke, uca jach'a jach'a tucur jakenacaru alt'ayañataqui;

Isaías 24:19

Orakesti ajjsarcañaw qhathatini, qhathatisinsti jisc'a jisc'aw tucusiraquini.

Isaías 34:4

Alajjpachan warawaranacas t'unthaptaniwa, alajjpachasti mä papeläcaspas uqhamaw llawthaptawayani, take warawaranacas jiwarjjapjjaniwa cunjämtejj uva alitsa, higo alitsa laphinacapajj wañsusin willirtquejj uqhama.

Isaías 51:6

“Alajjpach toke uñtapjjam, uqhamaraqui aca orak tokerus uñtapjjaraquim. Alajjpachajj jek'er uñtataquiw chhaktjjani, orakesti mä isir uñtataquiraquiw merk'stjjani, ucan jaquir jakenacasti jisc'a chhichhillanqhanacar uñtataw jiwarapjjani; ucampisa, nayajj wiñayataquiw khespiyä, khespiyasiñajjasti janiw tucuscaniti.

Joel 1:15

¡Ay cunaquïcani, Tatitun urupajj jac'achasinjjewa! ¡Ajjsarcañ uruwa, take ch'amani Diosasti t'unjatäñaswa apaniraqui!

Joel 2:1

“Sión kollunsti trompet phust'apjjam; Tatitun kollan kollupansti toct'asin jawsthapipjjam jakenacarojja. Take jumanacasti Judá marcan utjirinaca qhathatipjjam, Tatitun urupajj jac'ancjjatap laycu;

Joel 2:31

Intejj ch'amact'aniwa, phajjsis wilaw tucuraquini, janïra Tatitun urupajj purincan ucqhajja, uca urusti jach'a urüniwa, ajjsarcañaraqui.

Joel 3:14

Walja jakenacaw Decisión sat vallenjja tantacht'ata, Tatitun urupasti jac'ancaraquiwa,

Amós 9:13

“Urunacasti jutasquiwa, ucqhaw trigo yapu apthapisipcani ucapachajj yapu kholliñajj horasäjjaraquiniwa, janïraw uva apthapisajj ch'irwañjj tucuyapcaniti, ucqhasti trigo phawañ horasäjjaraquiniwa. Jach'a jisc'a kollunac toksa vinojj umjamaw jalaraquini.

Amós 9:5

Tatitu take ch'amani Diosajja, orakeruw tact'i, ucatsti orakejj umatatiwa, jakenacapasti takeniw jachapjje. Cunjämatï Nilo sat jawiranjj umajj jiljjataraqui wañakaraqui, uqhamaraquiw uñstani chhactaraquini.

Miqueas 1:4

Jupan jutataparusti kollunacajj pampaw tucuni, cunjämatejj liq'ejj ninar uñacht'ayatajj umatatqui uqhama, vallenacasti payaruw jist'jtapjjani, jalquir uman qharjatjama.

Nahúm 1:5

Jupa nayrakatanjja kollunacas qhathatipjjiwa; nayräjjapansti jisc'a kollunacas chullutatawayjjaquiwa. Take aca orakpacharaquiw jupar uñjasajj qhathati, uqhamarac aca oraken jaquirinacasa.

Malaquías 4:5

“Jumanacasti uñjapjjam, nayasti Elías profetaruw qhitanipjjäma janïra Diosan urupa jutquipana, cawquïri urutï wali jach'äni, uqhamarac wali ajjsarcayäni.

Mateo 24:35

Alajjpachampi acapachampejj tucusiniwa, ucampis arunacajjajj janiw tucuscaniti.

Marcos 13:31

Alajjpachampi acapachampejj tucusiniwa, ucampis arunacajjajj janiw tucuscaniti.

Lucas 12:39

Ac yatipjjaraquim: Mä utanitejj cuna horasa lunthatan jutañapa yatispa ucqhajja, janiw iccaspati, ni lunthatarus utaparojj cun lunthatsuñataquis mantaycaspati.

Romanos 8:20

Acapachasti juchañchatawa, ucasti janiwa jupan sapa munañap laycuti, jan ucasti Diosaw uqhamäñapataqui waquichawayatayna. Ucampis uca suyt'añajj utjapunïnwa,

1 Corintios 1:8

Juparaquiw jumanacarojj suma uñjapjjätam khepa urucama, uqhamat jan qhitis jumanacar juchañchañapataqui Jesucristojj jutcan uca urunjja.

1 Corintios 5:5

Uca jakesti Supayaru catuyatäñapawa janchipajj t'unjatäñapataqui, uqhamat almapajj khespiyatäñapataqui Tatitojj jutcani uca urojja.

2 Corintios 1:14

niyaqui mä juc'a amuyapjjsta, cunapachatï Tatitojj jutcani uca uruna jumanacajj wal nanacata cusisipjjäta, nanacas uqhamaraqui jumanacata cusisipjjä.

1 Tesalonicenses 5:2

Jumanacajj asquiw yatipjjta, Tatitojj purininiwa cunürutejj jan suycañäni ucüru, cunjämatejj mä lunthatajj arum jutqui uqhama.

1 Tesalonicenses 5:4

Ucampis jumanacajj jilatanaca, janiw ch'amacanacancapctati Tatitun jutäwip urupajj acatjamat jumanacar catuntañapataqui, cunjämatejj mä lunthatajj acatjamat jutqui uqhama.

2 Pedro 3:11

Take cunas uqham tucjaschini ucajja, jumanacajj ¡cunja Tatit chuymas jupar wali catuyasita jacapjjañamajja!

2 Pedro 3:12

Tatitun jutañap ursti suyt'apjjam, janc'aquïñapa munasa. Uca urojj alajjpachajj ninampi naqhantatäniwa, take cunas ninampiraquiw umatatatäni.

2 Pedro 3:7

Jichhasti aca orakempi alajjpachampisti ninampi t'unjataraquïniwa, Diosan arunacaparjama, ucatac imatäscaraquiwa. Uca ninawa k'al naqhantani taripäwi urunjja, cunapachatï jan wali jakenacajj tucjatäcani ucapacha.

Judas 1:6

Uqhamaraqui cawquïr angelanacatejj jan sum imapcäna lurañanacapjja, jan ucasti utjäwinacapjja jaytanucupjjän ucanacarojj Diosajj preso catjjäsisqui jach'a taripäwi urutaqui, ch'amacanacan jan tucusquir wiñay cadenanacamp ñach'antata.

Apocalipsis 16:15

“Amuyasipjjam, nayajj acatjamatwa lunthatar uñtata jutä. Cusisiñanïniw qhititejj suyasqui, uqhamarac isipsa jan k'añuchasquiti ucajja, uqhamata jan k'alala sarnakañapataqui janiraqui jakes uñch'uquiñapataqui mä p'enka k'alalätapjja.”

Apocalipsis 20:11

Ucatsti mä jach'a jank'o trono uñjaracta, uqhamarac ucan kont'atäcäna ucsa. Jupa nayrakatansti alajjpachas acapachas tucusjjänwa, janiraquiw cuna chekas jupanacataqui utjcjjänti.

Apocalipsis 21:1

Ucatsti uñjaractwa machak alajjpachampi, machak orakempi. Nayrïri alajjpachampi orakempejj tucusjjataynawa, janiraquiw kotas utjcjjänti.

Apocalipsis 3:3

Amtasimay cuna yatichäwtï catokcta ucjja, ucarjamaraqui arcam, ucatsti arrepientisiraquim. Janitejj p'arjjtascätajja, jan amtat horasaruw mä lunthatjama acatjamat jutä.

Apocalipsis 6:14

Alajjpachasti mä papelar uñtataquiw llawthaptawayjjäna. Take kollunacasa, kota taypincqui uca orakenacasa onjjtayatäpjjaraquïnwa.