2 Juan 1:1 - Qullan Arunaka DC

¹ Naya jilïr irpiri, Diosan ajllit markaparux taqiniruw arunta puriyta. Nayax walpun munasipxsma, janiw naya sapakiti, jan ukasti khitinakatatix chiqa kankañ uñt'apki jupanakaw munasipxtam.

Aymar Bibliia 1986

¹ Naya niya wali chuymanëjjasawa, Diosan ajllit cullacar aca cartjja kellkta, uqhamarac wawanacaparus, qhitinacarutejj nayajj chekpachana munasta, ucanacaru ucampis janiw naya sapaquiti munasctjja, jan ucasti take qhitinacatejj Diosar uñt'apqui ucanacas munasiraquiwa.

Qullan Arunaca

¹ Naya niya wali chuymanëjjasawa, Diosan ajllit cullacar aca cartjja kellkta, uqhamarac wawanacaparus, qhitinacarutejj nayajj chekpachana munasta, ucanacaru ucampis janiw naya sapaquiti munasctjja, jan ucasti take qhitinacatejj Diosar uñt'apqui ucanacas munasiraquiwa.

2 Juan 1:1 Jak'a apnaqawi uñst'ayäwi

Lucas 1:3

Munat Teófilo, nayasti wali amuyumpi taqi ukanakat qalltatpach sum yatxatarakta, ukat amuyataxarjam taqi akanak saraparjam jumar qillqansma,

Juan 8:32

chiqa kankañ uñt'apxäta, ukatsti uka chiqa kankañaw qhispiyapxätam.

Hechos 11:30

Apthapisinsti, Bernabeampi, Saulompiw uka yanapanak Jerusalenar apapxäna, ukatsti iglesiankir jilïrinakaruw churapxäna.

Romanos 16:13

Rufo jilatar aruntapxam, jupax Tatitur iyawsirïtapat wali uñt'atawa, ukhamarak mamaparusa, jupasti nayatakix mä taykjamawa.

Gálatas 2:14

Nayasti suma yatiyäwi arunakarjam jan sarnaqatanakap uñjasin, Pedrorux taqpach jilatanak nayraqatan, ajanupar sista: “Jumax judiökasin, jan judiökasmas ukham jakasksta ukasti, ¿kunatarak jan judiöpki ukanakar judiöpkaspas ukham sarnaqayañ muntasti?” sasa.

Gálatas 2:5

Ukampis janiw kunansa jupanakampix atipayasipkti, nanakasti munapxäyätwa chiqpach qhispiyasiñ arunakax jumanak taypit jan chhaqtañapa.

Gálatas 3:1

¡Galacia markankir pisi amuyt'an jaqinaka! ¿Khitirak jumanakar sallqjapxtamsti? Jumanakar yatiyapksma ukapachax, naya pachpaw jumanakar sum qhanañchapxsma, kunjämättix Jesucristox cruzan ch'akkatat jiwkän uka.

Gálatas 5:7

Jumanakax walik sarantasipkäyätaxa: ¿Khitirak chiqar jaysañ apanukuyapxtamsti?

Colosenses 1:5

kawkïr suyt'äwitix jumanakatak alaxpachan imatäski uka layku. Uka tuqitsti niyaw ist'apxta kunapachatix Diosan suma yatiyäwi arunakapax arsutäkän ukkhatpacha,

1 Timoteo 2:4

jupasti taqinin qhispiyatäñap muni, kunatix chiqäki uk uñt'apxañap munaraki.

Hebreos 10:26

Kunatix chiqäki uk yatkasin juchachasiskakiñän ukax, janiw juchanakasat wilañcha luqtañax wakiskxiti,

1 Pedro 1:2

Jumanakarusti nayratpach Dios Awkix amtataparjam ajllisipxtam. Ajay tuqiw jupatak yaqhachasipxtam, ukhamat jupar jaysapxañamataki, Jesucriston wilapamp q'umachatäpxañamataki. Jumanakasti Diosan jilarkir waxt'äwinakap katuqapxam, suman sarnaqasiñ katuqapxarakim.

1 Pedro 5:1

Jichhasti iglesia irpirinakaruw iwxt'añ munta, Nayasti jupanakjam irpirirakïtwa, Criston t'aqhisitanakapsa sum uñjarakta, Cristox kuttankan ukapachaxa, jupamp chikarakiw jach'a k'ajkir qhanapankäxa.

1 Pedro 5:13

Roma markankir Cristor arkirinakasti aruntanipxtamwa. Jupanakax jumanakjam Diosan ajllitäpxarakiwa. Marcos wawaxas aruntanipxaraktamwa.

1 Juan 2:21

Janiw nayax janis chiqar uñt'apkasma ukham qillqanipksmati, jan ukasti jumanakax yatipxtawa; janiw kuna k'aris chiqäki ukat jutkaspati.

1 Juan 3:18

Munat wawanakaxa, jiwasan munasiñasax janiw lakakïñapäkiti; jan ukasti luräwinak tuqiw uñacht'ayasiñapa.

2 Juan 1:13

Khitinakarutix Diosax ajlliwayki uka jila masinakamax aruntanipxaraktamwa.

2 Juan 1:5

Jichhasti, munat jilatanaka, maynit maynikam munasipxañasatakiw achikt'asipxsma. Kuntix qillqanipksma uka arsutanakax janiw machaq kamachïkiti, jan ukasti qalltatpach katuqktan uka pachpa arsutanakawa.

3 Juan 1:1

Naya jilïr irpirix, Gayo jilataruw aruntta, juparux chiqpachan munasta.