2 Corintios 9:8 - Qullan Arunaka DC

⁸ Diosax jumanakar kunayman walja yänak jilarkir churapxiristam, ukhamat jumanakax munaski ukampi phuqt'ata sarnaqapxañamataki, ukat taqi aski luräwinakan yanapt'asiñamataki.

Aymar Bibliia 1986

⁸ Diosajj jumanacarojj take casta bendicionanacwa jilarquir churapjjeristamjja, uqhamat jumanacajj take cunampis phokt'atäpjjañamataqui, ucat take asqui luräwinacan yanapt'asipjjañamataqui.

Qullan Arunaca

⁸ Diosajj jumanacarojj take casta bendicionanacwa jilarquir churapjjeristamjja, uqhamat jumanacajj take cunampis phokt'atäpjjañamataqui, ucat take asqui luräwinacan yanapt'asipjjañamataqui.

2 Corintios 9:8 Jak'a apnaqawi uñst'ayäwi

2 Crónicas 25:9

Amasías reyisti Diosankir jaqirux jiskt'änwa: —Jichhasti, ¿Israelan ejercitopar kimsa waranqa kimsa patak kilo qullqi churkta ukax kunänisa? —sasa. Diosankir chachasti sänwa: —Tatitux ukatsa juk'amp jila jumar churätam —sasa.

Salmos 84:11

11 (12) Diosaw qhan churistu, imarakistu; jan kamskay askin jakirinakarux, jupaw khuyapayasiñampi, aytat kankañampi churi, Tatitux taqi kun churi.

Proverbios 10:22

Tatitun aski churäwipax qamir kankañawa; janiw kuna llakisiñas ukamp chik jutkiti.

Proverbios 11:24

Masinakapar churir jaqinakax juk'amp katuqi, mich'a jaqinakasti jan kunaniw tukusipxi.

Proverbios 28:27

Jan kunan jaqir yanapt'irix, janiw kuns pist'ayaskaniti, yanapt'añ jan muniristi, wali ñanqhachataw uñjasini.

Proverbios 3:9

Taqi yänakamamp Tatitur jach'añcham, yapu apthapitamat nayrïr achunak churañampirak waqaycham;

Hageo 2:8

“Nayankiw qullqisa, qurisa.

Malaquías 3:10

Sapa tunkat maya churañamäki uksti nayan utaxar apanipxam, ukhamat manq'añax utaxan utjañapataki. Jichhax yant'apxita, nayaw jumanakaru alaxpach ventananak jist'arasin jilarkir suma waxt'äwinak apayanipxäma.

Hechos 9:36

Jope markan Tatitur arkir mä warmiw jakasïna, Tabitá sutini, griego arunxa, Dorcas satawa, Tabitá warmisti aski lurirïnwa, pist'añan sarnaqir jaqinakarux yanapt'apunirïnwa.

1 Corintios 15:58

Ukhamasti munat jilatanaka, jumanakax Tatitumpi sum sayt'asipxam, janirak saraqapxamti. Tatitun luräwipan juk'ampi juk'amp irnaqasa; jumanakax yatipxtawa, Tatitumpi mayaki irnaqapxatamax janiw inamayäkiti.

2 Corintios 13:3

Cristow naya tuqix parli, sapxsmawa. Ukan chiqätap yatiñatakisti jumanakax mä unañcha thaqhasipktaxa. Cristox janiw jumanakatakix t'ukha kankañanïkiti, jan ukasti jumanak taypin ch'aman kankañap uñacht'ayi.

2 Corintios 8:19

Ukhamarus juparux iglesianakaw ajllisipxi, nanakampi chika sarañapataki, taqi akanaksti Tatitur jach'añchañatakiw lurasipkta, ukhamarak yanapt'añ munatanakax uñacht'ayañataki.

2 Corintios 8:2

Jupanakax yant'anakan jikxatasipkchïn ukasa, wali kusisitäpxiwa; jan kunanïpkchi ukasa, qamirinakäkaspas ukham taqi chuymaw waxt'äwinakap churapxi.

2 Corintios 8:7

Jumanakaw taqi kunan jilankapxtaxa: iyawsañana, arunak parlañana, yatiñana, q'apha chuymampi lurañ phuqhañana, nanakat yatiqasipkta uka munasiñana, uka kipkarakiw aka yanapt'a apthapiñan jilankapxañama.

2 Corintios 9:11

Ukhamat jumanakan kunayman qamir yänakamax utjani, ukatsti munasiñampi mayninakar yanapt'apxañamataki. Kuna yanaptix nanakar jilatanakatak apayapkät ukatxa, jilatanakax Diosaruw yuspagarapxarakini.

Efesios 2:10

Diosaw jiwasanakar irnuqistu; Jesucristo tuqi aski luräwinak lurañasataki, nayratpach wakichat thakhin sarañasataki.

Efesios 3:20

Jichhasti Diosax jach'añchatäpan, jupax ch'amaniwa kuntix mayktan, lup'karaktan ukanakat sipan juk'ampi lurañataki, jiwasanakan luraski uka ch'amapat yuspagaratäpan.

Filipenses 4:11

Uksti, janiw nayan pist'ayasitax laykuti sapksma, ukatsipan utjkitu ukampik jakañ yatitätwa.

Colosenses 1:10

Ukhamat Tatitunkirjam sum sarnaqapxañamataki, taqi kunan jupar kusisiyasa, suma luräwinak uñacht'ayasa, Diosan yatiñapan jiltasa.

2 Tesalonicenses 2:17

jupay chuymanakamar ch'amachpan, ch'aman sayt'ayarakpan, kunatix askïki uk arsupxañamataki, lurapxañamatakiraki.

2 Timoteo 2:21

Khititix jan wali lurañanak apanukunixa, jach'a urun apnaqañ yänakar uñtatäniwa; Tatitutak qullanaptayat aski lurir jaqïniwa, aski lurañatakis jasakirakïniwa.

2 Timoteo 3:17

ukhamat Diosar luqtirinakan wali yatiñanïpxañapataki, aski luräwitak suma wakichatäpxañapataki.

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

Tito 3:14

Jiwasankirinakasti aski lurañ yatiqapxarakpan, pist'añansa yanapt'asa, ukhamat jakäwinakapan askïñapataki.

Tito 3:8

Aka arunakasti chiqawa, nayax juman ch'aman sayt'asiñam munta, khitinakatix Tatitur iyawsapki ukanakan askinak lurapxañapataki. Ukanakax taqitakis sumawa, askirakiwa.

1 Pedro 4:10

Sapa mayniw Diosat kuna luräwinaksa katuqapxtaxa. Uka luräwimpix taqinir yanapt'apxam.