2 Corintios 9:7 - Qullan Arunaka DC

⁷ Sapa mayniw kunjämtix chuymapan amtki ukarjam churañapa; janiw pä chuymampi churañapäkiti, janirakiw maynin jariyatakis churañapäkiti, Diosax kusisit chuymampi chuririruw munasi.

Aymar Bibliia 1986

⁷ Sapa mayniw, cunjämtï chuymapanjja amtqui uqhamarjam churañapa; janiw pä chuyma churañapäquiti, janiraquiw maynin jariyataquis churañapäcaraquiti, Diosasti cusisit chuymampi chuririruw munaraqui.

Qullan Arunaca

⁷ Sapa mayniw, cunjämtï chuymapanjja amtqui uqhamarjam churañapa; janiw pä chuyma churañapäquiti, janiraquiw maynin jariyataquis churañapäcaraquiti, Diosasti cusisit chuymampi chuririruw munaraqui.

2 Corintios 9:7 Jak'a apnaqawi uñst'ayäwi

1 Crónicas 29:17

Diosaxay, nayax yattwa, jumaw chuymanak uñt'taxa, jumatakix chiqa kankañaw askixa. Ukat chiqa chuymampix taqi akanak chursma. Jichhasti kusisitaw uñjarakta markamax akan tantacht'atäsina, munasiñ chuymampiw waxt'äwinak churapxtam.

1 Crónicas 29:9

Jaqinakasti taqi uka yanapanakat wal kusisipxäna, taqi ukanak Tatiturux taqi chuymampiw churapxäna. David reyis wal kusisirakïna.

Éxodo 25:2

“Israelitanakar yatiyam, nayatak mä waxt'a apanipxañapataki. Khitinakatix taqi chuymampi churañ munkani jupanak taypit apthapipxäta.

Éxodo 35:5

Jumanak taypin Tatitutak mä churäwi apthapipxäta. Tatitur chuymapatjam churäwi apaniñ munirinakax taqi chuymaw apanipxañapa quri, qullqi, bronce,

Proverbios 11:25

Yanapt'añ yatir jaqiw juk'amp katuqi; waxt'ir jaqisti, katuqarakiwa.

Proverbios 22:9

Khuyapayasiñampi mayninakar uñjir jaqix askinak katuqani, t'ant'ap jan kunan jaqinakamp jaljt'asitap layku.

Isaías 32:5

Jan wali jaqinakaxa, sallqjirinakasa, jisk'achjataw uñjasipxani.

Isaías 32:8

Aski jaqisti, askinak lurañ amti, uka aski amtatanakapan sayt'asiraki.

Hechos 20:35

Uka kipkarak jumanakarus yatichapxsma, wakisipuniw ukham irnaqañaxa, jan utjirininakarus yanapt'añaraki, Tatit Jesusax sawayki uka arunakat amtasisa: ‘Katuqañat sipan, churañaw juk'amp sumaxa’ ” sasa.

Romanos 12:8

khititix mayninakar ch'amañcht'añ waxt'äwi katuqki ukax, ch'amañchañaruy uchaspan. Yänak churirix jisk'ar tukt'asay churpan; khititix sarayañatak uchatäki ukasti, wali amuyumpi saraypan; khititix pist'atanakar yanapki ukax, kusisiñampiy yanappan.

2 Corintios 8:12

Maynitix taqi chuyma churañ munchi ukaxa, Diosax churirin utjiripatjam katuqi. Jupax janiw kunsa maykiti, maynin jan utjkchi ukkhaxa.

Deuteronomio 15:14

jan ukasti uywa tamanakamat uywanak churäta, walja trigompi, vinomp churarakïta. Kuntix Tatit Diosamax churktam ukanakat jupampiw jaljasïta.

Filemón 1:14

Ukampis janiw kunsa juman jan kamsata lurañ munkti, kuntix lurañamatak mayksma uk nayan jan jariyatjam lurañamataki.

Santiago 5:9

Jilatanaka, janirak jumanakkamax chaxwapkamti, ukhamat jan juchañchayasiskañataki; Taripiristi niyaw punkunkxi.

1 Pedro 4:9

Jumanakkamax mä suma chuymamp qurpacht'asipxam, janirak jupanakat jan walinak parlapxamti.