2 Corintios 5:10 - Qullan Arunaka DC

¹⁰ Taqiniw Criston taripäwip nayraqatar uñstañäni, sapaqat maynis luräwipatjam katuqañapataki, janchinkkasin walsa jan walsa lurataparjama.

Aymar Bibliia 1986

¹⁰ Criston tribunalap nayrakatarusti takeniw uñstañäni, sapakat maynis catokañapataqui cunatejj wact'qui uca, walsa jan walsa jacäwipanjja lurataparjama.

Qullan Arunaca

¹⁰ Criston tribunalap nayrakatarusti takeniw uñstañäni, sapakat maynis catokañapataqui cunatejj wact'qui uca, walsa jan walsa jacäwipanjja lurataparjama.

2 Corintios 5:10 Jak'a apnaqawi uñst'ayäwi

Génesis 18:25

¡Janiw wakiskaspati jan juchaniru, juchanimpi chika jiwarayañamaxa, panpachanis pachpa jucha lurapkaspa ukhama! ¡Jan uk luramti! Jumax aka uraqpachan jach'a taripirïtawa, ¿janit chiqapar uñjkäta? —sasa.

1 Reyes 8:32

alaxpachatpach ist'anim, juchañcharakim, uywatanakamarusti chiqapar uñjam. Juchanirusti juchañcham, jan wali luratapat mutuyäwix jupxankañapataki, jan juchanirusti chiqapar uñjarakim, kunjämatix wakt'ki ukhamarjama.

Job 34:11

Jupax sapaqat jaqirus irnaqatapatjam churi; jaqin sarnaqataparjamaw uñjaraki.

Salmos 98:9

kusisiñampi art'asipxpan, aka uraq apnaqir jutir Tatitutaki. ¡Jupax chiqpach aski Diosawa, markanakarusti chiqap kankañampiw apnaqani!

Eclesiastés 11:9

Waynäkas k'uchirtasim; kunatix askïki ukat kusisim. Chuymamax kunjämarutix munki, nayramas kuntix uñjki ukhamar luram; ukampis taqi ukanakat Diosaw taripätam.

Eclesiastés 12:14

Diosax taqi luratanakasat wayt'istani, walitsa, jan walitsa, jamas chiqan luratanakasatsa.

Ezequiel 18:30

Israelita jaqinaka, nayasti luräwinakamarjamaw sapaqat maynir uñjapxsma. Naya, Tatituw uk arsta. Ñanqha lurañanakam jank'ak apanukupxam, jumanak pachpa jan uka ñanqha luräwinakam layku jiwaraskañamataki.

Mateo 16:27

Jaqin Yuqapax Awkipan jach'a munañapampiw, angelanakapampi jutani, ukatsti sapa mayniruw lurataparjam churani.

Hechos 10:42

Uka Tatit Jesusaw nanakarux jaqinakar yatiyir khithapxitu: “Diosax Jesusaruw akapachan Taripiripat utt'ayi, juparakiw jakirinakaru, jiwatanakar taripani” sasa.

Hechos 17:31

Diosax mä uru wakichxi, uküruw chiqa kankañampi akapachar taripani, jupan ajllisit mä chacha tuqi. Uka jaqin chiqätapxa, jupar jiwatat jaktaykän ukapachaw taqi jaqinakar qhanpach yatiyi” —sasa.

Romanos 2:16

kunürutix Diosax taqinin jamasan luratanakap taripkan ukapacha, Cristo Jesús tuqi, nayax Diosan suma yatiyäwi arunakap yatiykta ukarjama.

Romanos 6:19

(Jaqin amuyuparjamakiw uk arsta, jumanakasti pisïtanakam laykux taqi akanak janiw sum amuyapktati). Ukhamasti, kamisatix nayrax janchinakam q'añu jakañaru, ñanqha lurañar katuyapxäyätaxa, jichhax ukhamarakiy janchinakam chiqa kankañ lurañar katuyapxam, ukhamat q'uma jakäwin jakxañataki.

1 Corintios 4:5

Ukhamasti, jumanakax jan kunatsa mäkix taripapxamti; Tatitun jutañap suyt'apxam, jupaw ch'amakankki uk qhanar apsuni, chuyman amtäwinakapsa qhanstayarakini. Ukatsti Diosaw sapaqat maynirux luräwipatjam jach'achaskani.

2 Corintios 7:3

Aksti janiw jumanakar jisk'achañatak sapksmati, niy sapxsmawa: jakañatakisa, jiwañatakis jumanakax nanakan chuymaxankapxtawa.

Efesios 6:8

Ukampis yatipxañamawa, uywatäpasa, jan uywatäpasa, sapa mayniw suma luratanakapatjam Tatitut katuqani.

Hebreos 9:27

Taqi jiwasanakax mä kutikiw jiwañäni, uka qhipatsti taripäwi uruw jutani.

1 Pedro 4:5

Ukampis jupanakax, khititix jiwatanakaru, jakirinakar taripañatak wakichaski, ukaruw luratanakapat arsupxani.

Apocalipsis 22:12

“Nayax jank'akiw jutaskta. Sapa maynitakirakiw churäwi apasinkta luratanakaparjam churiri.

1 Samuel 2:10

Tatituw uñisirinakaparux jisk'a jisk'a tukjani, jupanakxarux alaxpachatpach q'ixu q'ixunak apayanini. Tatituw taqi akapachar taripani; Jupan ajllit reyirusti ch'amancharakiniwa, ch'amapasti juk'ampiw jiltarakini.”

1 Samuel 2:3

Jan khitis jichhax jach'achasiñampi parlpati, janirak khitis sinti yatiñan tukpati, Tatitu Diosaw taqi kunsa yati, juparakiw jaqin luräwinakapsa uñjaraki.