2 Corintios 5:11 - Qullan Arunaka DC

¹¹ Ukalayku, Tatitur axsartañ wakisitap yatisaxa, jaqinakar amuyt'ayañatakiw ch'amachasipxta. Diosax nanakar sum uñt'apxitu, ukhamarakiw jumanakan nanakar sum uñt'apxañam munta.

Aymar Bibliia 1986

¹¹ Ucatpï, nanacajj Tatitur ajjsartirinacjamajja, jakenacarojj amuyt'ayañ munapjjtjja. Ucampis Diosajj yatjjewa cunäpctï nanacajj ucjja, uqhamaraqui jumanacas yatipjjaraquismaw cunäpctejj nanacajj ucjja.

Qullan Arunaca

¹¹ Ucatpï, nanacajj Tatitur ajjsartirinacjamajja, jakenacarojj amuyt'ayañ munapjjtjja. Ucampis Diosajj yatjjewa cunäpctï nanacajj ucjja, uqhamaraqui jumanacas yatipjjaraquismaw cunäpctejj nanacajj ucjja.

2 Corintios 5:11 Jak'a apnaqawi uñst'ayäwi

Génesis 35:5

Jupanakax sarxarxapxäna ukkhasti, Tatituw uka jak'ankir markanakarux axsarañ mantayäna, ukat jupanakax Jacobun wawanakapar jan arktapkänti.

Job 18:11

Taqi tuqit axsarayataw uñjasi; sapa sartäwipan arknaqat amuyasi.

Job 31:23

Nayax Diosan mutuyäwip axsarayätwa; ¡Janiw ch'aman kankañaparus ch'urkhiskiriskäyätti!

Job 6:4

Taqi ch'aman Tatitux mich'inakapampiw nayar usuchjitu, jiwayiri qullapasti janchixanjam saratati. Diosax usuchjatapampiw axsarayañapampi phuqhantitu.

Salmos 73:19

¡Akatjamat t'unjatax uñjasipxani! ¡Axsarañampi tukjataw tukusipxani!

Salmos 76:7

7 (8) ¡Jumax axsarkayapunïtawa! ¿Khitirak nayraqataman sayt'aspasti, q'apisiñaman ninjam aqtatap laykusti?

Salmos 90:11

¿Khitirak phiñasiñamampi lurjatanak yatisti? ¿Khitirak q'apisiñam uñt'isti?

Isaías 19:16

Uka urunxa, kunapachatix taqi ch'aman Tatitux Egipcio jaqinakar mutuyañatak wakicht'askani ukkhaxa, jupanakax wal axsarayasipxani.

Isaías 33:14

Juchararanakax Jerusalén markan khathatipxiwa, ñanqha jaqinakasti axsarañampi phuqhantatäpxiwa, ukatsti sapxarakiwa: “¿Khitirak jiwasanakat nakhantir nina taypin jakaspasti? ¿Khitirak wiñay nina sank'an jakaspasti?” sasa.

Nahúm 1:6

¿Khitirak q'apisitap nayraqatan sayt'aspasti? ¿Khitirak phiñasitapar qallkataspasti? Q'apisiñapax ninjamaw aqatati, jupa nayraqatansti qarqanakas payaruw ch'iyjtawayi.

Mateo 10:28

Janchir jiwayirinakarux jan axsarapxamti, ukampis ajayurux janiw jiwayapkaspati; khititix ajayumpiru janchimpiru infiernor jaquntkaspa uka Diosar axsarapxam.

Mateo 25:46

Uka jaqinakasti wiñay t'aqhisiñaruw sarapxani, aski jaqinakasti wiñay jakañaruw sarapxarakini.”

Lucas 12:5

Ukampis khitirutix axsarapxañamäki uk sapxäma: khititix jakañ apaqasax infiernor jaquntañatak ch'amanïki uka Diosar axsarapxam. Jïsa, jupar axsarapxam.

Lucas 16:31

Abrahamasti saskakïnwa: ‘Janitix Moisesampiru profetanakampir ist'añ munapkanixa, janirakiw jiwatanakat mayni jaktirirus ist'apkaniti’ ” sasa.

Hechos 13:43

Sinagogan tantachasïwi tukuyxatatsti, judionakat waljaniw Pablompiru Bernabeampirux arkapxäna, judionakan iyawsäwipar kutikipstirinakas arkapxarakïnwa. Pablompi Bernabeampisti jupanakarux Diosan munasiñapan ch'aman sayt'apxañapatakiw iwxt'apxäna.

Hechos 18:13

Uka marka apnaqirinakarusti sapxarakïnwa: —Aka jaqix Diosar yupaychañxat kamachinak jan yäqasaw jaqinakar yatichi —sasa.

Hechos 18:4

Pablox sapa sábado uruw sinagogar parlir saräna, ukansti judionakarusa, jan judionakarus iyawsayañkamaw parläna.

Hechos 19:26

Jichhasti jiwasax uñjtanwa, ist'apxaraktanwa, uka Pablo jaqix Éfeso markankirinakaru, taqpach Asia suyunkirinakampiruw parlatapamp mayjt'ayi. Jupax siwa: ‘Jaqinakan lurat diosanakax janiw chiqa diosäkiti’ sasa; uksti walja jaqinakaw iyawsapxi.

Hechos 26:26

Agripa reyix akankaskiwa, jupasti akanak askiw yatiskaraki, ukat nayax jupan nayraqatapan jan axsaras akanak arsta; jupax amuyataxat taqi akanak sum yatiraki, janiw ukanakax kawki jamas k'uchunsa luraskiti.

Hechos 28:23

Ukatsti jilïrinakax mä urutakiw wasitat tantacht'asiñ amtapxäna. Ukürusti Pablox qurpachaskän uka utarux walja judionakaw purinipxäna. Pablosti willjtat jayp'ukamaw Diosan qhapaq markapat jupanakar parläna. Jesusat amuyt'ayañ munäna Moisesan kamachinakap tuqi, profetanakan qillqatanakap tuqiraki.

2 Corintios 2:17

Janiw nanakax Diosan yatiyäwi arunakap aljas sarnaqapkti, kunjämtix waljaninakax lurapki ukhama; jan ukasti, taqi chuymaw Diosan nayraqatapan yatiyapxta, Cristompi mayakïtanakax layku.

2 Corintios 5:20

Ukhamasti nanakax Criston khithanit arsuripäpxtwa, ukasti Dios kipkas jumanakar nanak tuqi achikt'apkiristam ukhamawa. Ukhamasti, Criston sutipxaruw achikt'apxsma, Diosampi sumankxapxañamataki.

2 Corintios 6:1

Nanakasti Diosan luräwipan irnaqirinakjamax jumanakaruw achikt'apxsma, kuna khuyapayasiñtix Diosax jumanakar uñacht'ayapktam uk jan ina ch'usar tukuyapxamti.

Gálatas 1:10

Janiw nayax jaqinakampi walikiw sayasiñ munkti, jan ukasti Diosan nayar walikiw sañap munta. Janiw jaqin munataparjam kusisiyañ munkti. Nayatix jaqinakampi sumat uñt'ayasiñ muniristxa, janiw Criston luqtiripäkxiristti.

Efesios 5:21

Cristor axsarasax maynit maynikam jaysasipxam.

Hebreos 10:31

¡Jakkir Diosan amparapar jalt'añax axsarkayapuniwa!

Hebreos 12:29

Diosasasti taqi kun nakhantir ninar uñtatawa.

Judas 1:23

Manqhapachar sarasipki ukanakarus kuttayanipxam, mayninakat khuyapt'asipxam, ukampis kuna jan walinaktix jupanakax lurapki ukanak jumanakax jan lurapxamti.

Apocalipsis 20:15

khitinakan sutinakapatix wiñay jakañ qillqatan jan qillqatäkän ukanakax, ukar jaquntataw uñjasipxäna.