1 Samuel 5:4 - Qullan Arunaka DC

⁴ Qhipürusti Asdod chiqankir jaqinakax purinipxarakikïnwa, ukatsti Dagón diosarux wasitatampiw Tatitun arcap nayraqatan liwnuqtat jikxatapxarakïna. P'iqipampi paypach amparapampix templo mantañawjan p'akirat willisiskäna, tunupakiw pachpankaskäna.

Aymar Bibliia 1986

⁴ Ucampisa, khepärmanthi alwajj wasitatwa Asdod chekan utjir jakenacajj purinipjjaraquiquïna, ucatsti Dagón diosarojj Tatitun arcapa nayräjjan liwnoktata jicjjatapjjaraquiquïna. P'ekepampi, amparanacapampisti p'aquirataraquïnwa, umbral patan apjjatataraqui. Cuerpopaquiw janejj cunas camacht'atäcänti.

Qullan Arunaca

⁴ Ucampisa, khepärmanthi alwajj wasitatwa Asdod chekan utjir jakenacajj purinipjjaraquiquïna, ucatsti Dagón diosarojj Tatitun arcapa nayräjjan liwnoktata jicjjatapjjaraquiquïna. P'ekepampi, amparanacapampisti p'aquirataraquïnwa, umbral patan apjjatataraqui. Cuerpopaquiw janejj cunas camacht'atäcänti.

1 Samuel 5:4 Jak'a apnaqawi uñst'ayäwi

Isaías 27:9

Israelitanakatix uka yaqha diosanakan altaranakapa, kawkhantix yupaychapxirïkäna ukanak q'al t'unthapipxan ukkhaxa, Tatitux jupanakan juchanakap pampachaniwa.

Isaías 40:20

Mä dios luririx jan ñusantir lawa ajlli, uka jaqin lurat diosan jan liwisiñapatakix mä suma lurir thaqharaki.

Jeremías 10:11

(Jumanakasti, israelitanaka, Tatitur jan uñt'ir jaqinakarux sapxam: “Kawkïr diosanakatix alaxpachsa, akapachsa jan lurki ukanakax aka uraqit chhaqtayatäpxaniwa; janirakiw mayas ukanakat aka uraqin qhiparkaniti”).

Jeremías 10:14

Taqi jaqinakas pisi chuymäpxiwa, jan amuyt'asirïpxiwa. Uka diosanakasti luririnakapatakix mä p'inqawa: sallqjañatak diosanakakiwa, janirakiw jakañanïpkisa;

Jeremías 10:15

jan kunatak inamay yänakakiwa, Tatitusti taripäwipanxa ukanakarux q'al t'unjarakini.

Jeremías 50:2

“Taqi markanak taypin aka arunak yatiyapxam. Yatiyäwi unañchanaksti uñstayapxam; jan kunsa imt'apxamti. Sapxarakim: ‘¡Babiloniax katuntatawa! ¡Bel diosax q'ala p'inqachjatawa, Marduc diosasti aliqakiw khathatxi! ¡Uka k'ari diosanakapasti laruskañ p'inqakïxapxiwa!’ sasa

Daniel (hebreo) 11:8

Ukhamarusa, metalat lurat diosanakaparux Egipto markaruw apasxani, qurita, qullqita, wali jila alani yaqha yänakamp chika. Uka pä markax mä qawqha maranakaw jan nuwasisa sarnaqani,

Miqueas 1:7

Jupanakan diosanakapas taqpach t'unthapitäniwa, ninampi nakhantayatarakïniwa. Jan wali sarnaqir warminakan qullqipampi jikxatatänwa, uka pachpa jan wali sarnaqir warminakan qullqipar tukuyatäniwa” sasa.

1 Samuel 6:5

Uka layku, jichhax qurit uka ch'uphunak lurapxam, ukhamarak markas t'unjkis uka achakunakar uñtasitanaka, ukatsti Israelan Diosapar jach'añchapxarakim, inampis jumanakarusa, diosanakamarusa, uraqinakamarus jan mutuykxapxiristamti.