1 Samuel 5:3 - Qullan Arunaka DC

³ Qhipärmanthisti, Asdod markankir jaqinakan purinitapatxa, Dagón diosarux Tatitun arcap nayräxan liwnuqtat jikxatapxäna. Ukatsti Dagonar aptasin kawkhankkäntix uka chiqaruw uchxapxarakïna.

Aymar Bibliia 1986

³ Kheparmänthi alwasti, Asdod chekan utjasir jakenacasti purinisinjja Dagón diosarojj Tatitun arcap nayräjjapan liwnoktatwa jicjjatapjjäna. Ucatsti Dagonarojj aptasjjapjjänwa, cawqhancäntejj uqhata wasitat uchjjapjjaraquïna.

Qullan Arunaca

³ Kheparmänthi alwasti, Asdod chekan utjasir jakenacasti purinisinjja Dagón diosarojj Tatitun arcap nayräjjapan liwnoktatwa jicjjatapjjäna. Ucatsti Dagonarojj aptasjjapjjänwa, cawqhancäntejj uqhata wasitat uchjjapjjaraquïna.

1 Samuel 5:3 Jak'a apnaqawi uñst'ayäwi

1 Reyes 18:26

Baal diosan profetanakapasti, jupanakar churat vaca qallu katusin wakt'ayapxäna, ukatsti willjtata chika urukamaw Baal diosapar jach'at arnaqasipxäna: “¡Baal ist'apxita!” sasa. Jupanakasti lurapkatayna uka altar thiyan, thuqtas thuqtasaw muyupxäna, ukampis janiw kuna arus ist'askänti.

Salmos 115:7

amparanïkasas janiw llamkt'apkiti; kayunïkasas janiw sarnaqapkiti; mallq'anïkasas janiw arsupkiti.

Salmos 97:7

Akapach diosanakar yupaychirinakax jisk'achjatäpxiwa, uka diosanakat jach'achasirinakas aynacht'apxiwa. ¡Taqpach diosanakaw nayraqatapan qunqurt'asipxi!

Éxodo 12:12

Uka arumasti nayax taqpach Egipto uraqi chiqaw sarakipawayä, ukatsti egipcionakan taqi jilïr tayna yuqall wawanakap jiwaräwayä, ukhamarak uywanakan nayrïr qallunakaparu, ukhamat Egipton diosanakaparux mutuyä. Naya, Tatituw uk arsta.

Isaías 19:1

Egipto markataki profecía arunaka: Tatitur uñtapxam, Egiptoruw jutaski mä jaliri qinayar lat'xatata. Jupa nayraqatansti Egipton diosanakapax khathatipxiwa, Egiptonkir jaqinakasti wal axsarapxi.

Isaías 40:20

Mä dios luririx jan ñusantir lawa ajlli, uka jaqin lurat diosan jan liwisiñapatakix mä suma lurir thaqharaki.

Isaías 41:7

Yaqha diosanak luriristi qurita, qullqit lurir jaqiruw ch'amañchi, martillompi liq'iristi yunquer liq'iriruw ch'amañchi, luratapas walikïskiw sarakiwa, ukatsti uka dios luratapxa jan liwisiñapatakix clavonakampiw sum sayt'ayi.

Isaías 46:7

Kallachinakapxaruw uka dios apapxi, mä chiqawjaruw uskupxi, ukasti janirakiw kawksarus unxtkiti. Yanapa mayiñatakis arnaqasisipkpan, ukampis uka diosax janipuniw ist'kiti, janirakiw llakinakatsa qhispiykiti.

Jeremías 10:8

Uka markanakan utjasirinakapax t'axmar jaqikamakïpxiwa, jupanakan yatichirinakapasti, mä k'ullut khitsut diosanakakiwa.

Sofonías 2:11

Tatitusti jupanakampix wali axsarkañanak lurani. Markanakan diosanakapsa q'al t'unjani, taqi chiqan jakir jaqinakasa, quta wat'anakan jakir jaqinakas juparukiw yupaychapxarakini.

Marcos 3:11

Ñanqha ajayunakasti Jesusar uñjasinxa, nayraqatapar killt'asisin jach'at wararipxäna: —¡Jumax Diosan Yuqapätawa! —sasa.

1 Samuel 6:1

Tatitun arust'äwi arcapax paqallqu phaxsiw filisteonakan uraqipankäna.

1 Samuel 6:5

Uka layku, jichhax qurit uka ch'uphunak lurapxam, ukhamarak markas t'unjkis uka achakunakar uñtasitanaka, ukatsti Israelan Diosapar jach'añchapxarakim, inampis jumanakarusa, diosanakamarusa, uraqinakamarus jan mutuykxapxiristamti.