1 Samuel 2:8 - Qullan Arunaka DC

⁸ Diosaw pisi utjirinirux jan walt'añanakat apsu, mayjasir jaqirusti t'unanak taypit waysuraki, aytat jaqinak taypin qunt'ayañataki. ¡Tatitunkiw taqi akapachaxa!

Aymar Bibliia 1986

⁸ Diosajj oraket pobrerojj wayti, limosna mayjasirirusti k'añunac taypit waysuraqui, jilïri jakenac taypiru kont'ayañataqui, mä jach'a jilïrinacan konuñapar kont'ayañataqui; Tatitunquiw take cunasa, aca oraken utt'äwinacapatsa, ucanacjjaruraquiw aca oraksa utt'ayaraqui.

Qullan Arunaca

⁸ Diosajj oraket pobrerojj wayti, limosna mayjasirirusti k'añunac taypit waysuraqui, jilïri jakenac taypiru kont'ayañataqui, mä jach'a jilïrinacan konuñapar kont'ayañataqui; Tatitunquiw take cunasa, aca oraken utt'äwinacapatsa, ucanacjjaruraquiw aca oraksa utt'ayaraqui.

1 Samuel 2:8 Jak'a apnaqawi uñst'ayäwi

Génesis 41:14

Ukat faraonax Josear jawsayanïna, ukatsti jank'akiw carcelat irpsunipxäna. Joseasti ñik'utap mururasïna, yaqha isimpiw uchasirakïna, ukat faraón reyin nayraqatapar uñstäna.

Génesis 41:40

Jumaw jichhax jach'a utaxa apnaqäta, markaxankir jaqinakasti taqiniw jumar jaysapxarakïtam. Reyïtax laykux nayakiw jumat sipan jilïrïyä.

2 Samuel 7:8

Ukhamasti, David luqtirixarux saskakim, naya, taqi ch'aman Tatituw jupar sista: ‘Nayaw jumarux uywa awatkirit irpsunsma, oveja taman qhipap sarañatsa irpaqaraksma, Israel markaxan jilïripäñamataki;

1 Reyes 16:2

“Nayax laq'at jumar aptsma, ukatsti Israel markaxan jilïripat uchsma. Ukampis jumax, Jeroboam reyjamarakiw Israel markaxarux jucha luraytaxa. Jucha luratanakamampiw nayar q'apisiyista.

2 Reyes 9:6

Ukspachaw Jehú capitanax sartasisin utar mantäna. Ukat profetax jupan p'iqipxar aceitempi warxatäna, akham yatiyasa: —Israelan Tatit Diosapax siwa: “Nayaw Israel markaxan reyipat utt'aysma.

Job 1:21

Ukat säna: —Nayax taykaxan purakapat q'alalakiw yurta, q'alalakirakiw sarxä. Tatit Diosaw taqi kun churitu, Tatituw apaqasxarakitu. ¡Tatitun sutipax jach'añchatäpan! —sasa.

Job 2:8

Ukat Job chachax qhilla taypir qunur saräna, ukatsti ñiq'i phukhu p'akit jik'illitampiw janchip jat'isïna.

Salmos 102:25

25 (26) Uraqirux qalltatpach sum utt'aytaxa; alaxpachasti amparamamp luratawa.

Salmos 104:5

Uraqirux qalltapxaruw sum thurt'aytaxa, utt'ayatäkän ukawjat janipun unxtañapataki.

Salmos 107:41

Jan kunan jaqinakarusti Tatituw llakipat waysu; ¡uywa tamar uñtat wila masinakaparux mirantayi!

Salmos 24:2

Tatituw aka uraqirux lamar qutxar utt'ayi, jupaw jawiranakxar utt'ayaraki.

Salmos 75:3

3 (4) Aka uraqix jaqinakapamppach khathatki ukkhaxa, nayaw saphitpach thuruñchiripätxa” sasa.

Salmos 75:4

4 (5) Jach'a jach'a tukur jaqinakarux sistwa: “Jan jach'achasipxamti; ñanqha lurir jaqinakarusti saraktwa: p'iq jan waytapxamti;

Salmos 75:7

7 (8) jan ukasti, taripir Diosat juti: mayninakarux aynacht'ayiwa, yaqhanakarusti jach'aruw aptaraki.

Eclesiastés 4:14

Uka waynax carcelat mistunisin reyit qunt'askchi ukasa, jan ukax jan kunanïkas reyïñar purkchi ukasa, nayax akapachan jakir jaqinakarux jupar yanapt'ir uñjta.

Isaías 22:23

Wila masinakapatakix jupax jach'ar aptatäniwa, Tatiturakiw taqi uñisirinakapat imani.

Daniel (hebreo) 2:48

Uka qhipatsti reyix Danielar mä jach'a jilïrit utt'ayäna, juparusti walja churäwinak waxt'arakïna; ukhamarus Babilonia suyu apnaqañapatakiw utt'ayäna, ukxarusti uka markan utjir yatiñani jaqinakan jilïripat utt'ayarakïna.

Daniel (hebreo) 4:17

17 (14) Tatitun qullan angelanakapaw juchañchäwi arunak arsuwayapxi, ukhamat taqi jaqinakax yatipxani, alaxpachankir Diosax ch'amanïtapa, jaqinakan marka apnaqañanakapxaru, jupaw marka apnaqañanaksa churaraki, khitirutix churañ munki ukaru, ukatsti mä markan jilïripat utt'ayaraki, khititix taqi jaqinakat sipan llamp'u chuymanïki ukaru.’ ”

Daniel (hebreo) 6:3

3 (4) Danielasti maynïr uñjirinakat sipansa wali askïnwa; ukat reyix jupar taqinin jilïripat utt'ayäna, ukhamarus markan jilïr apnaqiripat utt'ayañ amtarakïna.

Hebreos 1:3

Jupaw Diosan k'ajkir kankañapaxa, jupan uñnaqaparakiwa, ch'aman arupampikiw taqi kunsa katxäsi. Juchanakasat q'umachasiñ utjayasinsti, Diosan kupïxaparuw alaxpachan qunt'asxi,

Santiago 2:5

Munat jilatanakaxa, aka arunak ist'apxam: Diosax aka uraqin jan kunaninakaruw ajllisi, jupanakan iyawsañan qamirïpxañapataki, ukhamat Diosan qhapaq markap mä waxt'äwjam katuqapxañapataki, jupar munirinakatakiw uk arsuwayi.

Apocalipsis 1:6

ukatsti reyinaka sacerdotenak jiwasarux tukuyistu Dios Awkiparu luqtañasataki. ¡Qhapaq kankañasa, ch'aman kankañas wiñayatak jupankpan! Ukhamäpan.

Apocalipsis 22:5

Ukanxa janiw arumax utjkxaniti, ukan jakirinakasti janiw micha qhansa, intin qhanapsa munkxaniti, Dios Tatitukiw qhanani, jupanakasti wiñayatakiw ukan jakapxani.

Apocalipsis 3:21

Jan walt'añanakar atipjirinakarux, qhapaq qunuñaxan nayamp chik qunt'asiyä, kamisatix nayax atipjasin Awkixampi chik qhapaq qunuñapan qunt'askta ukhama.

Apocalipsis 5:10

Jupanakat mä marka tukuytaxa, reyinaka, sacerdotenak Diosatak tukuytaxa, taqi aka uraqpachar apnaqapxañapataki” sasa.

1 Samuel 15:17

Ukat Samuelux säna: —¿Janit jumasti jan yäqatjam amuyaskäyätasti? Ukampis jichhax israelita ayllunakan jilïripaw tukxtaxa, Tatitusti Israelan reyipat utt'ayaraktamxa.