1 Samuel 2:8 - Qullan Arunaca

⁸ Diosajj oraket pobrerojj wayti, limosna mayjasirirusti k'añunac taypit waysuraqui, jilïri jakenac taypiru kont'ayañataqui, mä jach'a jilïrinacan konuñapar kont'ayañataqui; Tatitunquiw take cunasa, aca oraken utt'äwinacapatsa, ucanacjjaruraquiw aca oraksa utt'ayaraqui.

Aymar Bibliia 1986

⁸ Diosajj oraket pobrerojj wayti, limosna mayjasirirusti k'añunac taypit waysuraqui, jilïri jakenac taypiru kont'ayañataqui, mä jach'a jilïrinacan konuñapar kont'ayañataqui; Tatitunquiw take cunasa, aca oraken utt'äwinacapatsa, ucanacjjaruraquiw aca oraksa utt'ayaraqui.

Qullan Arunaka DC

⁸ Diosaw pisi utjirinirux jan walt'añanakat apsu, mayjasir jaqirusti t'unanak taypit waysuraki, aytat jaqinak taypin qunt'ayañataki. ¡Tatitunkiw taqi akapachaxa!

1 Samuel 2:8 Jak'a apnaqawi uñst'ayäwi

Génesis 41:14

Ucat faraonajj Josear jawsayani, ucatsti janc'aquiw carcelat irpsunipjjäna. Joseasti ñic'utap mururasïna, isipsa trocsusiraquïna, ucat faraón reyin nayrakatapar uñstäna.

Génesis 41:40

Jumajj jichhajj palaciojjan jach'a jilïrïyätawa, jumaw apnakäta. Take jakenacasti jumaruw jaysapjjaraquïtam. Nayasti juman jilïrimaquïyäwa reyïtajj laycu.

2 Samuel 7:8

Uca laycu, David sirvirejjarojja sascaquim, naya take ch'amani Tatitun arsutajja: ‘Nayaw jumarojj awatquirit irpsunsma, uqhamaraqui tama khepäjja sarañsa apakaracsma, uqhamat Israel marcajjan jilïripäñamataqui.

1 Reyes 16:2

“Nayasti lak'atwa aptsma, ucatsti Israel marcajj-jjarojja jilïritwa uchsma. Ucampis jumajj Jeroboam reyjamaraquiquiw jucha luraytajja Israel marcajjarojja. Jumasti colerayistawa jucha luratanacamampi.

2 Reyes 9:6

Ucspachaw Jehú capitanajj sartasisina utaru mantäna. Ucatsti profetajj p'ekeparuwa aceite warjjatäna, aqham yatiyasa: —Israelan Tatit Diosapajj aqham siwa: ‘Nayawa Israel marcajj-jjarojj reyita utt'aysma.

Job 1:21

Jupasti sänwa: “Nayajj taycajjan puracapatjja k'alalaquiw nasta, k'alalaquiraquiw cuttjjaraquëjja. Tatitu Diosaw take cunsa churitu, ucatsti jupaw apakasjjaraquitu. Ucampis ¡Tatitun sutipajj jach'añchatäpan!” sasa.

Job 2:8

Ucat Job chachajj khella taypiru konuriw sarjjäna, uqhamaraqui ñek'e phuqhu p'aquit jiq'illitampiw jat'isiscäna.

Salmos 102:25

Orakerojj kalltatpach sum utt'aytajja; alajjpachasti amparamamp luratawa;

Salmos 104:5

Oraken saphiparojj sumpun thurt'asiytajja, utt'ayatäcän ucawjat janipun onjjtañapataqui.

Salmos 107:41

Jan cunan jakenacarusti Tatituw llaquipat waysu; uywa tamar uñtat sarakerinacaparojj mirantayi.

Salmos 24:2

Jupaw aca orakerojj lamar kotjjar utt'ayi, jupaw jawiranacjjarojj utt'ayaraqui.

Salmos 75:3

Aca orakejj jakenacapamppachas qhathatiscpan, nayaw saphitpach thuruñchiripätjja” sasa.

Salmos 75:4

Jach'a jach'a tucur jakenacarojj sistwa: jan jach'achasipjjamti; ñankha lurir jakenacarusti saractwäjan p'ek waytapjjamti,

Salmos 75:7

Jan ucasti, Diosaquiw taripirejja: mayninacarojj aynacht'ayiwa, yakhanacarusti jach'aruw aptaraqui.

Eclesiastés 4:14

Uca waynajj carcelat mistusinsa tronona reyïcchispa uca rey lanti, jan ucajj pobresana jaquiritsa reyïñaru purcchispa ucajja, nayajj uñjtwa, jakenacajj jupar munapjjatapa aca orakena.

Isaías 22:23

Jupasti mä jach'ar aptata tronor uñtatäniwa awquipan familiapataquejja. Nayaw juparojj cawqhancquitejj ucqharojj sum sayt'ayaraquï, mä clavöcaspas uqhama.

Daniel (hebreo) 2:48

Ucatsti reyejj Daniel waynarojj mä jach'a jilïrit utt'ayaraquïna, walja suma wajjt'asiñanacapwa churaraquïna; uqhamarus Babilonia provincia apnakañapataquiw utt'ayaraquïna, ucjjarusti take yatiñani jakenacatejj utjcäna uca marcanjja ucanacjjaru munañanïñwa churaraquïna.

Daniel (hebreo) 4:17

Uca juchañchäwi arunacwa arsuwayapjje kollana uñjiri angelanacajja, uqhamat take jakenacajj yatipjjañapataqui, alajjpachanquiri Diosajj ch'amanïtapa, take jakenacana apnakañanacapjjarojja, jupaw marca apnakañanacsa churaraqui qhitirutejj churañ munqui ucaru, ucatsti mä marcan jilïripatwa utt'ayaraqui, qhititejj take jakenacat sipansa llamp'u chuymanïqui ucarojja.’

Daniel (hebreo) 6:3

Jupasti mayni uñjirinacat sipansa janc'aquiw jilaru mistsuraquïna, uqhamaraqui take jilïrinacjjarusa jupajj take cunataquis yatiñanïtap laycu; ucatwa reyejj juparojj utt'ayañ munäna mä jach'a apnakerita uca marcanjja.

Hebreos 1:3

Jupawa Diosan jach'a c'ajquir khanapajja, juparaquiw cunäquitejj Diosajj uc uñacht'ayirejja, juparaquiw ch'aman arupampejj take cuns catjjäsi. Juchanacasat k'omachasinjja, alajjpachanjja Diosan tronopan cupëjjaparuw kont'asi.

Santiago 2:5

Munat jilatanacajja, ist'apjjam aca arunaca: Diosajj aca oraken pobrenacaruw ajlli, jupanacajj iyawsañanacapanjja kamirïpjjañapataqui, uqhamarac Diosan reinopsa herenciat catokapjjañapataqui, cuntejj jupajj churapjjämaw sisqui jupar munirinacarojj ucanacataqui.

Apocalipsis 1:6

Ucatsti reyinaca sacerdotenacaracwa jiwasarojj tucuyistu Dios Awquiru sirviñasataqui. ¡Jach'a cancañasa, munañanïñasa jupancaracpan wiñayataqui! Uqhamäpan.

Apocalipsis 22:5

Ucanjja janiw arumajj utjcjjaniti, ucan jaquirinacasti janiw lamparinsa, intin khanapasa munascjjaniti, Dios Tatituquiwa khanani, jupanacasti wiñayaraquiw ucanjja reinapjjani.

Apocalipsis 3:21

Qhitinacatejj atipjcani ucanacarojja, nayamp chicwa kont'asiyä tronojjana, cunjämatejj nayajj atipjtjja ucatsti Awquejjampi chicajj tronopan kont'asctjja uqhama.

Apocalipsis 5:10

Reyinaca, sacerdotenacracwa tucuyapjjestajja Diosataquejja. Take aca orakpacharu apnakapjjañajjataqui” sasa.

1 Samuel 15:17

Ucat Samuelojj säna: —¿Janit jumajj jan yäkcañac amuyascäyätajja? Ucampisa Israel tribunacan jilïripaw tucuwaytajja, Tatitusti Israelan reyipatwa utt'ayaractamjja.