1 Samuel 2:30 - Qullan Arunaka DC

³⁰ Uka layku, Israelan Tatitu Diosapax sänwa, jumampi utamankirinakamampix wiñayataki jupar luqtapxañama, ukampis jichhax akham sarakiwa: “Janipuniw ukhamäkaniti, jan ukasti, khitinakatix nayar yäqapkitani ukanakarux yäqäwa, nayar jisk'achapkitani ukanakarusti mä p'inqa uñjarakï. Naya, Tatituw uk arsta.

Aymar Bibliia 1986

³⁰ Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: “Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.

Qullan Arunaca

³⁰ Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: ‘Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.’

1 Samuel 2:30 Jak'a apnaqawi uñst'ayäwi

1 Reyes 11:11

Ukat Tatitux Salomonar säna: “Jumax jan walpun sarnaqtaxa, janirakiw suma arust'äwi luratarusa, churksma uka kamachinakarjamas phuqktati, ukat jichhax marka apnaqäwi apaqxäma, ukatsti mayni uywatamaruw katuyxä.

1 Reyes 2:27

Ukhamat Salomón reyix Abiatarar Tatitun sacerdotëñapat jaqunuküna, ukampiw Tatitun arsutapax phuqhasïna, Siló chiqan Elí chachan wila masinakapat arskatayna ukaxa.

1 Crónicas 17:18

¿Naya luqtirimar jach'ar aptatamatsti kamsarakirismasti? Jumax luqtirimarux sum uñt'taxa.

2 Crónicas 15:2

jupasti Asá reyir jikxatiriw saräna, juparusti sänwa: “¡Asá, ukhamarak Judá, Benjamín markankir jaqinaka, ist'apxita! Tatitux jumanakampïskiwa, jumanakatix jupampïpxäta ukaxa. Jumanakatix jupar thaqhapxäta ukaxa, jikxatapxätawa; ukampis jumanakatix jupar apanukupxäta ukasti, jupax jumanakar apanukupxarakïtamwa.

2 Crónicas 26:18

ukat reyimpi jikintasisin, jupar sapxarakïna: “Ozías rey, Tatitur incienso luqtañax janiw juma reyir wakt'ktamti, jan ukasti, Aarón chachat saraqir sacerdotenakaruw wakt'i, jupanakaw ukanak lurañatakix ajllitäpxi. Qullan chiqawjat mistum, jumax Tatit nayraqatan jan wal lurtaxa, Diosax janiw uka luratamat jumar jach'ar aptkätamti” sasa.

Salmos 18:20

20 (21) Tatitux q'uma sarnaqataxatjam churäwip waxt'itu,

Salmos 18:26

26 (27) qhana chuymanitakix qhana chuymanirakïtawa, sallqa chuymanitakisti ch'ikhi chuymanïtawa.

Salmos 50:23

nayar yuspagaririx jach'aruw aptitu; thakhixan sarnaqirirusti nayaw qhispiyä” sasa.

Salmos 73:20

Tatay, ikit p'arxtasir jaqjam sartaskät ukapachasti, k'ari uñnaqaparux jisk'achätawa.

Salmos 91:14

“Nayar munasitap laykusti, juparux qhispiyäwa, nayar uñt'atap laykusti, juparux imarakïwa.

Salmos 91:15

Nayar art'asitan ukapachaxa, mayisitaparux jaysäwa. Jupamp chikaw t'aqhisiñankä, llakisiñat irpsü, jach'aruw aptä;

Éxodo 28:43

Uka calzoncillo ucht'ataw Aaronampi, wawanakapampix Tatitump Jikisiñ Carpar mantapxani, jan ukax qullan chiqawjan sacerdote lurañanakap phuqhir altarar jak'achasipkani ukapachasa, ukhamat kuna juchsa jan lurapkaniti, janirakiw jiwapkanisa. Aka kamachix wiñayatak utt'ayatawa, Aaronampitaki, wawanakapan wawanakapampitaki.

Éxodo 29:9

Aaronarusa, wawanakaparusa, wak'anakap sum chint'äta, p'iqir uchasiñ turbante satsa sum ucharakïta. Ukhamat jilïr kankañ jupanakar churäta, jupanakaruw sacerdote kankañax wiñayatak wakt'ani.

Proverbios 12:8

Yatiñan jaqix, yatiñ kankañapatjam jach'ar aptatäni, jan amuyt'an jaqisti, jan amuyt'asirïtapat jisk'achatäni.

Proverbios 4:8

Yatiñ kankañar munasim, ukasti jach'aruw aptätam; ukar yäqam, ukasti jach'añchätamwa;

Proverbios 8:17

Nayar munasirinakarux munastwa, nayar thaqhirinakasti, jikxatapxituwa.

Isaías 29:13

Tatitusti sarakituwa: “Aka markax pata chuymakiw arkitu, lakanakapampikiw nayarux jach'añchitu, ukampisa chuymapax nayat jayankaskiwa, nayar yupaychapkitu ukaxa, jaqin amtataparjamakiwa.

Jeremías 29:32

Naya, Tatituw arsta, Semaiasarusa, wawanakaparus mutuyäwa. Markax taypinxa janiw saraqiripax utjkaniti, janirakiw kuna askinaktix markaxar apayankä ukanaksa katuqkaniti, parlatanakapampi jaqinakar nayatak sayt'asir tukuyatap layku. Naya, Tatituw uk arsta.”

Jeremías 49:15

Edom, nayasti taqi markanakat sipansa wali jisk'aruw tukuyäma, jaqinak taypinsa wali jisk'achjat markaruw tukuyäma.

Ezequiel 34:10

naya, Tatitux sapksma uka arunak ist'apxam: Awatirinaka, nayax jumanakan uñisirimaw jichhax sayt'ta, tamaxat jumanakar wayt'apxäma; ovejanakar awatiñsti apaqxapxämawa, jumanakpach jan uñjasisipkañamataki; ovejanakaxar tumpasxäwa, jumanakan jan manq'arasipkañamataki.’

Daniel (hebreo) 4:34

34 (31) “Kunapachatix uka juchañchäwi urunakax phuqhasxäna ukapachasti, naya Nabucodonosor reyix alaxpacha uñtta, ukatsti luqhi kankañaxat qullatätaxa amuyasirakta, ukat nayax alaxpachankir Diosar jach'añchta, aka arunakampiw wiñayatak jakiriru yupaycharakta: “ ‘Ch'amapax wiñayatakipunïniwa; jupan marka apnaqañapax wawanakansa wawanakapatakïniwa.

Malaquías 1:6

Taqi ch'aman Tatitux sacerdotenakar akham siwa: “Wawanakax awkinakapar waqaychapxiwa, uywatanakas uywirinakaparux yäqapxarakiwa. Nayatix jumanakan awkimästa ukasti ¿kunatarak nayar jan waqaychapxistasti? Nayatix jumanakan uywirimästa ukasti, ¿kunatarak nayar jan yäqapxistasti? Jumanakax nayar jisk'achapxistawa, yatkasas sasipkakistawa: ‘¿Kun lurasarak nanakasti jumar jisk'achapxsmasti?’ sasa.

Malaquías 2:3

“Taqi ch'amanïñamsa nayax apaqapxämawa, ukatsti kawkïr uywanaktix luqtañatak apanipkäta uka uywanakan wanupampiw ajanut qhallkatapxäma, uka wanump chikarakiw pichanukut uñjasipxäta.

Números 11:20

jan ukasti phaxspachaw aycha manq'apxani, axtasiñkama, nasanakapat mistuyañkama, jupanak taypin jikxataskasasa, naya, Tatitur jisk'achapxatapata, naya nayräxan jachapxatapata: ‘¿Kunatakirak Egiptot mistunpachätansti?’ sapxatap layku.

Números 35:34

“Jakapkät uka uraqir janiw ñanqhachapxätati, nayax uka uraqin jakarakï, naya, Tatitux israelitanak taypin jakasta.”

Juan 12:26

Maynitix luqtañ munchituxa, arkitpan, nayar arkiristi, nayamp chikaw utjasini. Nayar arkasin luqtirirusti, Awkixaw jach'añchaskani —sasa.

Juan 5:23

kamisatix Awkir jach'añchapki, ukhamarak Yuqar taqpachan jach'añchañapataki. Yuqar jan jach'añchirix, janiw khithanki uka Awkir jach'añchkiti.

Juan 5:44

¿Kamisarak jumanakasti maynit maynikam jach'añchasiñ katuqirïkasina, mä sapa Diosat jutir jach'añchäwi jan thaqhapktasti?

Juan 8:49

Jesusasti jupanakarux sarakïnwa: —Janiw nayax ñanqha ajayun mantatäkti. Jan ukasti, lurataxampix Awkixaruw jach'achaskta; ukampis jumanakax jisk'achapxistawa.

1 Corintios 4:5

Ukhamasti, jumanakax jan kunatsa mäkix taripapxamti; Tatitun jutañap suyt'apxam, jupaw ch'amakankki uk qhanar apsuni, chuyman amtäwinakapsa qhanstayarakini. Ukatsti Diosaw sapaqat maynirux luräwipatjam jach'achaskani.

1 Pedro 1:7

Jumanakan iyawsañamasti kunjämtix qurix ninampi yant'atäki ukham yant'atäñaparakiwa. Yant'ampi q'iwtasir iyawsäwix, tukusir qurit sipansa, juk'amp jila alaniwa. Ukhamat jumanakan iyawsañamax yant'atäsinxa, Jesucristox jutkani ukapachaxa, sumat uñt'atänixa, jach'arus aptatarakïnixa.

Jueces 9:10

“Ukatsti quqanakax higo aliruw reyipäñapatak mayipxäna.