1 Samuel 2:30 - Qullan Arunaca

³⁰ Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: ‘Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.’

Aymar Bibliia 1986

³⁰ Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: “Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.

Qullan Arunaka DC

³⁰ Uka layku, Israelan Tatitu Diosapax sänwa, jumampi utamankirinakamampix wiñayataki jupar luqtapxañama, ukampis jichhax akham sarakiwa: “Janipuniw ukhamäkaniti, jan ukasti, khitinakatix nayar yäqapkitani ukanakarux yäqäwa, nayar jisk'achapkitani ukanakarusti mä p'inqa uñjarakï. Naya, Tatituw uk arsta.

1 Samuel 2:30 Jak'a apnaqawi uñst'ayäwi

1 Reyes 11:11

Ucatsti Tatitojj Salomonarojj sänwa: “Jumajj uqhamjjay sarnakstajja, janiraquiw phokcaractati suma amtäwïqui ucsa, ni leyinacajja churcsma lurañataqui ucsa, jichhasti reyïñamjja apakjjämawa, ucatsti maynïri uywatamaruwa churäjja.

1 Reyes 2:27

Uqhamatwa Salomonajj Abiatararojj apanucüna Tatitun sacerdotëñapatjja, uqhamaraqui phokhasiscaraquïna cuntejj Tatitojj Silo chekana arscäna Elí familiatjja.

1 Crónicas 17:18

¿Cunampsa nayajj siristjja naya sirvirimaru jach'ar aptatamatjja, jumatejj aca sirvirimaru uñt'sta ucajja?

2 Crónicas 15:2

jupasti Asa reyiru jicjjatiriw saräna, aqham sasa: “¡Jumajj Asa ist'ita, uqhamarac Judá, Benjamín ucanacanquiri jakenaca! Tatitusti jumanacampïsquiwa, jumanacatejj jupampïpjjäta ucajja. Jumanacatejj jupar thakapjjät ucajja, jicjjatapjjätawa, ucampis jumanacatejj jupar apanucupjjätajja, jupajj jumanacarojj apanucupjjaraquïtamwa.

2 Crónicas 26:18

Jupanacasti reyimpi jiquintasisinwa, aqham sapjjäna: “Uzías reyi, Tatitur incienso loktañasti janiw juma reyiru wact'ctamti, jan ucasti Aarón chachan saraker sacerdotenacaparuwa wact'i, jupanacaraquiw ucanac lurañataqui loktatäpjje. Santuariotjja juma reyejj mistunim, jumajja Dios nayrakatan aqham jan wali lurtajja, ucatsti Diosajj janiw jumar jach'ar aptcätamti” sasa.

Salmos 18:20

Tatitojj k'oma sarnakatajjatjam churäwip wajjt'itu.

Salmos 18:26

khana chuymanitaquejj khana chuymaniraquïtawa, sallka chuymanitaquisti ch'iqhi chuymanïtawa.

Salmos 50:23

nayar yuspagarirejj jach'aruw aptitu; asqui thaquejjan saririrusti Diosan khespiyäwip uñjayä” sasa.

Salmos 73:20

Tatay, samcat p'arjjtasir jakjam sartascät ucapachasti, c'ari uñnakaparojj jisc'achätawa.

Salmos 91:14

“Nayar munasitap laycusti, juparojj khespiyäwa, nayar uñt'atap laycusti, juparojj imaraquïwa.

Salmos 91:15

Nayar art'asitan ucapachajja, mayisitaparojj jaysäwa. Jupamp chicaw t'akhesiñancä, llaquisiñat irpsü, jach'aruw aptä;

Éxodo 28:43

Uca calzoncillo ucht'ataw Aaronampi, wawanacapampejj Tatitumpi Jiquisiñ Carpan tantachasiñ chekarojj mantapjjañapa, uqhamarac kollana chekaru mantasinsa sacerdotjama lurañanacap phokheri, altar jac'anccani ucqhasa, uqhamat jan jucha lurasa jiwapjjañapataqui. Aca leyisti wiñayataqui churatawa juparu, uqhamarac wawanacapan wawanacaparusa.

Éxodo 29:9

Aaronampiru, wawanacapampirusti cinturonampiw isinacap suma chinthapis catuyäta, uqhamarac turbante satsa sumarac ucharaquïta. Ucatsti churaraquïtawa jilïr cancaña, uqhamata jupanacajj wiñayatac sacerdotenacajjäpjjañapataqui.

Proverbios 12:8

Yatiñan jakejj, yatiñapatjamajja jach'ar aptatäniwa, ucampis jan amuyt'ani ñankha jakejja jisc'achatäniwa.

Proverbios 4:8

Yatiñ cancañar munam, jupasti jach'aruw aptätam; jupar khomantasim, ucatsti jach'achätamwa;

Proverbios 8:17

Nayasti muntwa qhitinacatejj munapquitu ucanacaru, qhitinacatejj thakapquitani ucanacasti jicjjatapjjetaniwa.

Isaías 29:13

Tatitusti saraquituwa: “Aca marcajj pata chuymaquiw sirvitu, lacanacapampiquiraquiw nayaru jach'añchapjjetu, ucampisa chuymapajj nayatjja jayancasquiwa, nayar yupaychañ culto loktanipquitu ucasti jakenacan amuyataparjamaquiwa, p'eket yatekataquiraqui.

Jeremías 29:32

Naya, Tatituw, arsta, Semaiasaru wawanacaparusa mutuyaraquïwa. Aca marcanjja jan wawaniw sarnakapjjani. Cuna asquinactejj marcajjaru apayancä ucanacjja janiw jupanacajj catokapcaniti, parlatanacapampi jakenacaru naya toke sayt'asiyatap laycu. Naya Tatituw ucjja arsta.”

Jeremías 49:15

Nayasti take marcanacat sipansa wali jisc'aruw tucuyäma, jakenac taypina wali jisc'achjataraqui.

Ezequiel 34:10

cuntejj naya Tatitojj sapcsma uca arunac ist'apjjam: Awatirinaca, nayajj jichhajj jumanacan uñisirimaw sayt'ta, tamanacajjsti jumanacatwa apsupjjaraquïma, ovejanacar awatiñsti apakjjapjjaraquïmawa, uqhamat jan jumanacajj awatisipcañamataqui; ovejanacajjsti tumpasjjaraquïwa, jan jumanacan mank'arasipcañanacamataqui.’

Daniel (hebreo) 4:34

“Cunapachatejj uca juchañchäwi urunacajj phokhasjjäna ucapachasti, naya Nabucodonosor reyejj alajjpacha uñtta, ucatsti lokhe cancañajjatjja kollatätajjwa amuyasjjaracta, ucat nayajj alajjpachanquiri Diosaru jach'añchta, aca arunacampiw juparojj yupaycharacta, qhititejj wiñayataqui jacqui ucaru: ‘Ch'amapajj wiñayataquipuniwa; munañapasa wawanacapans wawanacapataquiraquïniwa.

Malaquías 1:6

Take ch'aman Diosasti sacerdotenacarojj aqham siwa: “Wawanacasti awquinacaparojj munapjjewa, uqhamaraqui uywatanacas uywirinacaparojj munapjjaraquiwa. Ucampisa nayatejj jumanacan awquinacamästa, ucapachasti ¿cunatarac jan nayarusti munapjjesta? Nayatejj jumanacan uywirimästa ucqhasti, ¿cunatarac jan nayarusti ajjsarañampi uñjapjjesta? Jumanacasti jisc'achapjjestawa, ucatsti sasipcactawa: ‘¿Cunanarac nanacasti jumarojj jisc'achapjjsma?’ sasa.

Malaquías 2:3

“Nayaw yapunacamarus ñankhacharaquï, take ch'amanacamsa apakapjjaraquïmawa, ucatsti cawquïri uywanactï sacrificio loktañataqui apanipcäta uca uywanacan wanupampiraquiw ajanuta khallcatapjjäma. Ucatsti uca quicpa wanumpi chicaraquiw pichanucutäpjjäta.

Números 11:20

jan ucasti phajjspachaw aycha mank'apjjäta, nasanacamatsa jaksuñcama, uqhamarac cunapachatejj ajjtasjjapjjäta ucqhacama, naya Diosaru jisc'achapjjesta, uqhamarac naya nayräjjan jachapjjta uca laycu, ‘¿Cunatsa Egiptot mistunpachätan?’ sasa.

Números 35:34

“Janiraqui k'añuchapjjamti cawquïri orakentejj jacapcta ucarojja, cawqhantejj nayas jaccä ucarojja, naya Tatitojj israelitanac taypin jacascatajj laycu.”

Juan 12:26

Maynitejj sirviñ munchitu ucajja arquitpan, cawquinccätejj nayajj ucancaraquiniw sirvirejjajja. Qhititejj sirvquitani ucarojj Awquejjajj jach'añchaniwa —sasa.

Juan 5:23

Yokaru takenis Awquirjam jach'añchapjjañapataqui. Qhititejj Yokaparojj jan jach'añchqui ucajja, janiraquiw qhitanqui uca Awquirojj jach'añchquiti.

Juan 5:44

Jumanacatejj jakenacan jach'añchäwinacapac maynit maynita catokapjjta ucatsti janiraqui mä sap Diosata jach'añchäwinacapa thakapcstati, ucarojja ¿cunjäms jumanacajj iyawsapjjasmajja?

Juan 8:49

Jesusajj saraquïnwa: —Janiw cuna ñankha ajayunïctsa. Cuntejj nayajj lurcta ucajja Awquejjan jach'achatäñapataquiwa, jumanacasti jisc'achapjjestawa.

1 Corintios 4:5

Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.

1 Pedro 1:7

Jumanacan iyawsañanacamasti mä korir uñtataw ninampi yant'atäñaparaqui. Cawquïri iyawsañatï uca yant'anaca pasqui ucasti uca tucusir korit sipansa juc'ampi jila alaniwa. Uqhamatpï jumanacan iyawsañanacamajja, yant'atäsinjja sumat uñt'atänejja, jach'aru aptataraquïniwa cunapachatejj Tatit Jesucristojj jutcani ucapachajja.

Jueces 9:10

“Ucatsti kokanacajja higo sat kokaruraquiw sapjjaraquïna: ‘Uqhamajj jumay nanacan reyejjäma’ sasa.