1 Samuel 2:2 - Qullan Arunaka DC

² ¡Tatay, jumjam qullanax janiw khitis utjkiti! ¡Nanakan Awkixa, jumjam arxatirix janiw khitis utjkiti! ¡Jumat juk'ampix janiw khitis utjkiti!

Aymar Bibliia 1986

² ¡Janiw jumjam kollanajj qhitis utjquiti, Tatitu! ¡Janiw jumat juc'ampejj qhitis utjquiti!

Qullan Arunaca

² ¡Janiw jumjam kollanajj qhitis utjquiti, Tatitu! ¡Janiw jumat juc'ampejj qhitis utjquiti!

1 Samuel 2:2 Jak'a apnaqawi uñst'ayäwi

2 Samuel 22:3

Jumaw Diosaxätaxa, jumaw nayar imantir qarqaxätasa, imir jark'aqasiñaxätasa, qhispiyir ch'amaxätasa, wali amstankir imantasiñaxätasa ¡Nuwasiñanakat nayar qhispiyista!

2 Samuel 22:32

¿Khitirak Tatitut sipan yaqha diosasti utjisti? ¿Khiti diosarak jiwasanakar arxatiristi utjisti?

2 Samuel 7:22

¡Kunja jach'ätas jumax Tatituxay! Nanak pachpaw yatiqapxta, janiw khitis jumjamax utjkiti, janiw yaqha diosas jumat sipan utjkiti.

1 Reyes 8:23

“Israelan Tatit Diosapa, janiw alaxpachansa, aka uraqinsa jumjam yaqha Diosax utjkiti, jumax arust'äwimar phuqtawa, taqi chuymampi jumar jaysirinakarux khuyapayasiñam uñacht'ayaraktaxa;

Salmos 111:9

Markaparux qhispiyiwa, arust'äwipsti wiñayatakiw utt'ayi. Diosax qullanawa, axsarkayarakiwa.

Salmos 18:2

2 (3) Jumaw arxatirixätaxa, imantasiñaxätasa, jumaw qhispiyirixätaxa, Diosaxätasa, nayar imantir qarqaxätasa, imir jark'aqasiñaxätasa, qhispiyir ch'amaxätasa, wali amstankir imantasiñaxätasa.

Salmos 18:31

31 (32) Israel markan Diosapa, juma sapakiw chiqpach Diosätaxa, ¡juma sapakiw arxatir Diosätaxa!

Salmos 71:19

Diosay, muspharkañ aski kankañamax alaxpachkamaw puri; jumax jach'a luräwinak uñachaytaxa; ¡janiw khitis jumjamax utjkiti!

Salmos 71:3

Jumay nayan arxatir qarqaxäma, jumarak imantasiñ jach'a utaxäma, ¡jumaw qarqaxätaxa, jach'a utaxätasa!

Salmos 73:25

¿Khitis alaxpachan utjitu? ¡Juma sapakïtawa! Jumampi chik utjasax janiw kuns aka uraqin munkti.

Salmos 86:8

¡Tatay, janiw khiti diosas jumjamax utjkiti! ¡Janirakiw luratanakamjamax utjkiti!

Salmos 89:6

6 (7) ¡Tatay, janiw kawkïr diosas alaxpachanxa, jumampi chikachaskaspati!

Salmos 89:8

8 (9) Taqi ch'aman Tatit Diosay, taqpach ch'amax jumankiwa, chiqa kankañasti jumar muyuntiriwa; janiw khitis jumjamax utjkiti.

Salmos 99:3

Axsarkañ sutipax jach'añchatäpan; ¡Tatitux qullanawa!

Salmos 99:5

¡Tatit Diosasar jach'añchapxam, kayunakap nayraqatar killt'asipxam! ¡Tatitux Qullanawa!

Salmos 99:9

Tatit Diosasar yupaychapxam, ¡qullan qullup nayraqatar killt'asipxam! ¡Tatit Diosasax Qullanawa!

Éxodo 15:11

Tatay, ¡janiw khiti diosas jumjam utjkiti! ¡Janiw khitis jumjam qullanasa, jach'a ch'amanis utjkiti! ¡Jumax kunayman muspharkañanaka, axsarkañanak utjaytaxa! ¡Askïtaw yupaychatäñataki!

Isaías 40:18

¿Khitimpirak Tatiturusti kikipayapxasmasti? ¿Kuna k'ari diosampirak jupar uñtasiyapxasmasti?

Isaías 44:6

Tatitu, jach'a reyi, Israelan qhispiyiripa, taqi ch'amani Tatitux siwa: “Nayätwa qalltasa, tukuyasa; nayat juk'ampix janiw yaqha diosax utjkiti.

Isaías 44:8

Ukampis ¡ch'amañcht'asipxam, jan axsarapxamti! Kunatix nayratpach lurasiñapäki ukanak yatiyapxsma, jumanakasti taqi ukanak uñjapxtawa. Janiw yaqha diosax nayat sipan utjkiti, Janiw yaqha diosax nayjam imirix utjkiti; Utjkchi ukasa, janiw nayax uñt'kti.”

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Isaías 6:3

Maynit maynikamaw jach'at arsupxäna: “Qullana, Qullana, Qullanawa taqi ch'amani Tatituxa; taqi aka uraqisti jupan jach'a kankañapampi phuqhantatawa” sasa.

Jeremías 10:6

Tatay, janiw jumjamax khitis utjkiti: Jumax jach'a ch'aman Tatitütawa, sutimas jach'arakiwa.

Levítico 11:44

Nayätwa jumanakan Tatit Diosamaxa. Jumanakasti q'umachasipxañamawa, ukatsti qullanäpxañamarakiwa, nayan qullanätax layku. Janipuniw jumanakax kawkïri laq'unakatix uraqinjam qatatnaqtapki ukanakampix q'añuchayasipxätati.

Levítico 11:45

Nayätwa Tatituxa, nayarakiw jumanakan Diosamäñaxatak Egipto markat irpsunipxsma. Jumanakax qullanäpxañamawa nayan qullanätax layku.”

Levítico 19:2

“Israelitanakarux akham sarakim: “Jumanakasti qullanäpxam, naya Tatit Diosamax qullanätwa.

Romanos 15:4

Taqi kunatix nayratpach Qillqatäkän ukanakax jiwasanakaruw yatichistu, uka Qillqatanakan jikxatapxtan; llamp'u kankaña, chuymachasiña, suyt'äwin ch'amañchasiña.

Romanos 4:8

¡Kusisiñaniwa khitirutix juchapat jan juchañchatäki ukaxa!” sasa.

Deuteronomio 3:24

‘Dios Tatay, jumaw aka luqtirimar ch'amam uñacht'aytaxa. Janiw jumjam jach'a muspharkañanak lurir yaqha Diosax utjkiti alaxpachansa, akapachansa.

Deuteronomio 32:20

Ukat saraki: ‘Qhiparuw uñtxä, ¡kunakxay lurapxchini! Chiqpachansa qhuru chuyman jaqinakäpxiwa, jan iyawsañan wawanakäpxarakiwa.

Deuteronomio 32:39

Jichhax amuyasipxam, naya sapakïtwa Diosaxa. Janiw nayat sipan yaqha diosanakax utjkiti. Nayaw jakañ churta, nayarakiw jakañ apaqta; nayaw usuchnuqta, nayarakiw k'umarachta. ¡Janiw khitis utjkiti ch'amaxat qhispirixa!

Deuteronomio 32:4

Jupaw jiwasan arxatirisaxa; luräwinakapax jan kamskayawa, luratapas chiqaparakiwa. Jupax chiqa kankañan Diosapawa, janiw ñanqha luratapax utjkiti, ¡jupax chiqawa, askirakiwa!

Deuteronomio 4:35

Ukanakasti Tatitun chiqpach Diosätapa yatipxañamataki uñacht'ayatawa, jupat sipansa yaqhax jan utjatap yatiñamataki.

Deuteronomio 4:39

“Ukhamasti, chuymanakamar sum imapxam Tatitukiw Diosaxa, alaxpachansa, akapachansa, janiw yaqhax jupat juk'amp utjkiti.

1 Pedro 1:16

Tatitun qillqatapan siwa: “Nayax qullanätwa, jumanakax qullanäpxarakimaya” sasa.