1 Samuel 2:1 - Qullan Arunaka DC

¹ Ukatsti Anax akham Tatiturux q'uchüna: “Tatay, nayasti taqi chuymaw juman kusista, jumax nayar ch'ama churatamata. Jichhakuchaw uñisirinakatakix arsusïxa, jumaw nayarux yanapt'ista uka layku. ¡Wali kusisitätwa!

Aymar Bibliia 1986

¹ Anasti aca oración luraraqui: “Tatitu, nayasti take chuymaw juman cusista, jumajj nayar ch'ama churatamata. Jichhacuchapï uñisirinacajjatjja arsusïjja, jumaw nayarojj yanapt'ista uca laycu. ¡Wali cusisitätwa!

Qullan Arunaca

¹ Anasti aca oración luraraqui: “Tatitu, nayasti take chuymaw juman cusista, jumajj nayar ch'ama churatamata. Jichhacuchapï uñisirinacajjatjja arsusïjja, jumaw nayarojj yanapt'ista uca laycu. ¡Wali cusisitätwa!

1 Samuel 2:1 Jak'a apnaqawi uñst'ayäwi

2 Crónicas 20:27

Uka qhipatsti Judá, Jerusalén markankir jaqinakax Josafat reyin qhipap wali kusisitaw Jerusalén markar kutt'anxapxäna, Tatituw jupanakarux kusisiñ churäna uñisirinakapat qhispiyasina.

Nehemías 11:17

Matanías, jupasti quch'urinakan sarayiripänwa, jupax yupaychañ q'uchunak q'uchuyäna, Tatitur mayisiñäki ukkhax yuspagarañ luqtayarakïna; Mataniasan nayra awkinakapax: Micaías, Zabdí, Asaf ukanakänwa. Bacbuquías chachax, jilanakap taypit payïrïnwa; Abdá chachan nayra awkinakapax: Samúa, Galal, Jedutún ukanakänwa.

Job 16:15

Llakin phuqhantataw chhankha isinakamp isthapista, p'iqixsa laq'aruw muqintarakta.

Salmos 118:14

Tatituruw nayax jach'añchta, jupaw ch'am churirixaxa. ¡Jupaw qhispiyirixaxa!

Salmos 13:5

5 (6) Nayax khuyapayasiñamaruw iyawsta; chuymaxax nayar qhispiyatamat kusisi.

Salmos 148:14

¡Jupaw markaparux ch'amañchi! ¡Jupar iyawsirinakapax yupaychañäni, jupan ajllit Israel markapätanwa! ¡Tatitur yupaychapxañäni!

Salmos 18:2

2 (3) Jumaw arxatirixätaxa, imantasiñaxätasa, jumaw qhispiyirixätaxa, Diosaxätasa, nayar imantir qarqaxätasa, imir jark'aqasiñaxätasa, qhispiyir ch'amaxätasa, wali amstankir imantasiñaxätasa.

Salmos 20:5

5 (6) Atipjatamat taqpachaniw kusisipxä, Tatitusan sutiparusti wiphalanak khiwtapxä, ¡Tatitux taqpach mayisitanakamar jayspan!

Salmos 21:2

2 (3) Munataparjamaw phuqtaxa; mayisitanakaparuw ist'araktaxa.

Salmos 35:9

Nayasti Tatitumpiw kusisï, nayar qhispiyatapat layku.

Salmos 51:15

15 (17) Tatay, lakaxay jist'arita, lakaxampisti jumar jach'añchasaw q'uchü.

Salmos 71:8

Lakaxax sapüruw qhapaq kankañamatxa, jach'añchäwi q'uchunakampi phuqt'atäski;

Salmos 75:10

10 (11) jupaw ñanqha lurir jaqinakan munañap tukjani, aski jaqin ch'aman kankañapsti jilxatayaniwa.

Salmos 89:17

17 (18) Jumaw ch'amapätaxa, aytat kankañapätasa, khuyapayasiñam laykuw ch'amanakaxax jilxati.

Salmos 89:18

18 (19) ¡Jiwasanakan arxatirisax Tatituwa! ¡Reyisasti Israel markan Qullanapawa!

Salmos 89:24

24 (25) Munasiñaxampi, aski kankañaxampi katuqani, sutix laykuw ch'amapax jilxatani.

Salmos 9:14

14 (15) Ukhamat Jerusalén punkunakanxa, taqi jaqinakar Tatitur yupaychapxam sä, nayar qhispiyatamat kusisitaxsa yatiyarakï.

Salmos 92:10

10 (11) Jumaw ch'am yapxatista, urqu vacan ch'amapar uñtata, p'iqixarusti q'apkir qullampiw warxatista.

Éxodo 15:1

Ukatsti Moisesampi, israelitanakampix Tatitur jach'añchasaw aka q'uchu q'uchupxäna: “Tatitur jach'añchasaw nayax q'uchü, atipjäwipax muspharkañawa: ¡carronaksa, caballonaksa qutaruw chhaqtayi!

Éxodo 15:21

Mariasti akham sasaw q'uchüna: “Tatitusar jach'añchas q'uchupxam, atipjäwipax muspharkayawa, ¡caballonakarusa, jaqinakarus qutaruw jaqunti!” sasa.

Habacuc 3:1

Akax Habacuc profetan Tatitur mayisitapawa.

Lucas 1:69

Mä ch'aman Qhispiyir khithani, David luqtiripan wawanakap taypita.

Romanos 5:11

Janiw ukakïkiti, jan ukasti Diosankxasinxa, Jesucristo Tatitus tuqiw kusisiraktan, Cristo tuqi Diosampi sumankthapitas layku.

Deuteronomio 33:17

Efraín, Manasés wawanakaman jaqinakapaxa, jach'a ch'amanïpxiwa, urqu vacanakar uñtata, bufalonakar uñtata. Lanzanakapampiw t'unjapxani uraq tukusinkir uñisirinakaparusa” sasa.

Filipenses 3:3

chiqpach q'umachatanakax jiwasanakätanwa, khitinakatix Diosaru Ajayun yupaychapktan ukanaka. Cristo Jesusankxasin kusisitätanwa, janirakiw kunatix janchin luraski ukanakarux iyawskxtanti.

Filipenses 4:4

Tatitunkasax kusisipxapunim. Wasitat sapxsma, ¡Kusisipxam!

Filipenses 4:6

Janipun kunatsa llakisipxamti, taqi kunsa Diosarupun mayisipxam, ukatsti yuspagarapxarakim.

1 Pedro 1:8

Jumanakax Jesucristor jan uñjkasas, juparux munapxtawa, jichhasa, jan uñjkas iyawsasin walrak kusisipxtaxa. Uka jach'a kusisiñanakamasti janiw arunakamp arsuñjamäkiti,

Apocalipsis 18:20

“¡Alaxpacha, jichhax uka markan tukusitap layku kusisim. Qullananaka, apostolunaka, profetanaka, kusisipxam; Tatituw uka luratapampix chiqapar uñjapxtam” sasa.

1 Samuel 1:6

Ukat Peninax, Anar wal jisk'achäna, ukampiw t'aqhisiyäna, jan wawachasir warmir Tatitun tukuyatap layku.

1 Samuel 1:7

Sapa marapuniwa, kunapachatix Tatitun utapar sarapxirïkän ukkhaw Peninax Anar ukham jisk'achjirïna; ukat Anax wal jachirïna janirakiw manq'sa munirikänti.