1 Samuel 12:23 - Qullan Arunaka DC

²³ Nayasti jumanakatak Tatitur mayiñxa janipuniw armaskäti, jan maykirista ukax juchaspäwa. Ukampis jumanakarux suman jakaña, chiqapan sarnaqañ yatichapxäma.

Aymar Bibliia 1986

²³ Nayasti Tatitu contrajj janic juchañchasïti, jumanacataqui mayiñ apanucusajja. Ucampisa nayajj yatichapjjämawa, sumana uqhamarac chekapana sarnakapjjañamataqui.

Qullan Arunaca

²³ Nayasti Tatitu contrajj janic juchañchasïti, jumanacataqui mayiñ apanucusajja. Ucampisa nayajj yatichapjjämawa, sumana uqhamarac chekapana sarnakapjjañamataqui.

1 Samuel 12:23 Jak'a apnaqawi uñst'ayäwi

1 Reyes 8:36

jumax alaxpachatpach ist'anim, ukatsti Israel markamampina, uywatanakamampin juchanakap pampacham, aski thakhinjam sarnaqapxañapäki uk yaticharakim. Ukatsti kawkïr uraqtix markamar churkta uka uraqirux wasitatay jallum purxatayanim.

2 Crónicas 6:27

jumax alaxpachatpach ist'am, ukatsti Israel markaman juchanakap pampacham, aski thakhinjam sarapxañapatak yaticharakim. Ukatsti markamar juman churata tuti uraqirux jallsa purxatayarakim.

Salmos 122:6

Jumanakax taqpach chuymamp sapxam: “¡Jerusalén, sumankañax juman utjpan; jumar munirinakax jan khitin kamsat jakasipxpan.

Salmos 34:11

11 (12) Wawanakaxay, jutapxam, ist'apxita: Tatitur axsartañ yatichapxäma.

Salmos 34:12

12 (13) ¿Walja maranak jakañ munasmati? ¿Taqi kunan phuqt'at jakañ munasmati?

Éxodo 32:30

Qhipürusti, Moisesax jaqinakaruw säna: —Jumanakax wali jach'a jucha lurapxtaxa. Jichhasti nayax Tatitun ukaruw qullur makhatä, inach jupax uka juchat pampachapxiristam —sasa.

Proverbios 4:11

Nayaw yatiñ kankañ thakhinjam irpäma, suma thakhinjam sarnaqayarakïma.

Eclesiastés 12:10

Taqi tuqit suma arunak jikxatañatakiw thaqhäna, chiqpach säwi arunak wakisitarjam qillqañataki.

Isaías 30:21

Kupi tuqiru, jan ukax ch'iqa tuqirus saranukütaxa, qhipäxamatsti mä aru ist'äta, sarakïtamwa: “Aka chiqaw thakhixa, sarasipkakim” sasa.

Jeremías 15:1

Tatitux sarakituwa: “Moisesampi, Samuelumpis nayan nayraqataxar uñstanisipkpan, ukkhas janipuniw nayax aka jaqinakat khuyapayaskiristti. Nayan nayraqataxat mistupxpan, jayar sarapxpan.

Jeremías 27:18

Jupanakatix chiqpach profetäpxchi, ukat nayan arunakaxarak parlapxchi ukaxa, kawkïr yänakatix utaxana, Judá uraqin reyipan utapana, Jerusalén markansa jilt'atäski uka yänakax Babiloniar jan apatäñapatak naya, taqi ch'aman Tatitur mayipxitpan.’

Jeremías 42:4

Jeremías profetasti jupanakarux sarakïnwa: —Walikiwa. Nayaw jumanakatak Tatitut mayirapipxäma, kunjämtix sapkista ukhamarjama, ukatsti jan kunsa imt'asaw kuntix Tatitux siskitani taqi ukanak yatiyxapxarakïma —sasa.

Jeremías 6:16

Tatitux markaparux siwa: “Thakhi jak'anakar sayt'asipxam ukatsti uñatatasipxarakim, nayra thakhinakat jiskt'asipxam; kawkïris suma thakhix ukata; ukatsti uka thakhinjam sarapxam, ukapachaw samarañ jikxatapxäta.” Ukampis jupanakax sapxiwa: “Janiwa, janiw uka thakhinjam sarapkiristti” sasa.

Hechos 12:5

Pedron carcelankañapkamasti, iglesiankir iyawsirinakax taqi chuymaw jupatak Diosar mayipxäna.

Hechos 20:20

Ukampis jumanakar Tatitun arunakapat parlañ janiw inakt'kti, jumanakatak askïtap layku, taqi jaqin uñjkataw jumanakar yatichapxsma, utanakaman yatichapxaraksma.

Romanos 1:9

Nayax kawkïr Diosarutix taqi chuymaxampi arkaskta, Yuqapan suma yatiyäwi arunakap qhanañchasa, jupax jumanakat amtasitax yatiwa,

1 Corintios 9:16

Nayatakix Diosan suma yatiyäwi arup qhanañchañax janiw kuna jach'achasiñäkisa, uka qhanañchañan wakisipunitap amuyta. ¡Kunakïkan nayatakixa, Diosan arunakap jan qhanañchkirista ukaxa!

Colosenses 1:28

Nanakax Cristo Tatitut parlapxta, taqiniruw yatiñ kankañamp iwxt'as yaticht'apxta, ukhamat Tatit Cristjam chiqäpxañamataki.

Colosenses 1:9

Ukat nanakax, yatipkta ukürutpach jumanakatakix jan qarjasisaw Tatitut mayipxta, Diosan jumanakar munañap uñacht'ayañapataki, kunayman yatiñ kankaña, ajay tuqin amuyt'a kankañ churañapatakiw mayipxarakta.

1 Tesalonicenses 3:10

Jumanakar uñkatañatakix uruy arumaw Diosat mayipxta, ukhamat kunatix iyawsäwiman jan phuqhatäki ukax phuqhachatäñapataki.

2 Timoteo 1:3

Arumas urus Diosat mayiskasax jumat nayax amtasipuntwa, ukat Diosarux yuspagarta, juparurakiw q'uma chuymaxamp arkta, kunjämtix nayra awkinakaxax lurapkän ukhama.

1 Samuel 12:19

Ukat Samuelurux taqiniw sapxäna: —Jumax Tatitu Diosamar achikt'am, aka luqtirinakamax jan jiwarapxañaxataki; nanakan taqi jucha luratanakaxarusti mä reyi mayitaxampiw yapt'apxta —sasa.

1 Samuel 8:6

Samuelutakisti ukham mä reyi markar apnaqañapatak mayipxatapax janiw walïkänti, ukat Tatitut mayisïna,