1 Samuel 12:22 - Qullan Arunaka DC

²² Tatitusti sutipan sinti jach'ätap laykux janiw apanukupkätamti, jupasti jumanakarux markapa tukuyasiñ munapxtam.

Aymar Bibliia 1986

²² Tatitusti sutipar munatap laycojja janiw apanucupcätamti, jupasti jumanacarojj marcapwa tucuyasiñ munapjjtam.

Qullan Arunaca

²² Tatitusti sutipar munatap laycojja janiw apanucupcätamti, jupasti jumanacarojj marcapwa tucuyasiñ munapjjtam.

1 Samuel 12:22 Jak'a apnaqawi uñst'ayäwi

1 Reyes 6:13

ukatsti nayax israelita jaqinak taypin jakä, janiw Israel markaxarux apanukkäti” sasa.

1 Reyes 8:57

“Jichhasti, Tatitu Diosax jiwasampïpan, kamisatix nayra awkinakasampïkän ukhama. Janipuni apanukustpanti, janirak jaytistpansa,

2 Reyes 14:27

Tatitux janïraw akapachat Israel markan sutipa chhaqtayañ munkänti, ukat jupax Joás chachan Jeroboam yuqap tuqi Israel markar qhispiyäna.

2 Reyes 21:14

Markaxat jilt'ir jaqinakarusti, jaytanuküwa, ukatsti uñisirinakapan amparaparuw katxaruyä, taqi yänakap apaqat uñjasiñapataki.

1 Crónicas 28:9

Jumasti, Salomón, munat wawaxa, awkiman Diosapar wasitat uñt'xam, ukatsti taqi chuymampi, suma amtampirak luqtam, Tatitusti taqi amuyunakas uñt'i, jiwasan amtäwinakasa, lup'ïwinakas uñt'araki. Ukhamasti jumatix jupar thaqtätaxa, jikxatätawa, ukampis jumatix jupar apanukütaxa, jupax wiñayatakiw apanukütam.

2 Crónicas 15:2

jupasti Asá reyir jikxatiriw saräna, juparusti sänwa: “¡Asá, ukhamarak Judá, Benjamín markankir jaqinaka, ist'apxita! Tatitux jumanakampïskiwa, jumanakatix jupampïpxäta ukaxa. Jumanakatix jupar thaqhapxäta ukaxa, jikxatapxätawa; ukampis jumanakatix jupar apanukupxäta ukasti, jupax jumanakar apanukupxarakïtamwa.

Nehemías 9:17

Kuna jach'a luräwinaktix jupanak layku lurkta uk janiw jupanakax ist'añ munapkänti, janirakiw amtañsa munapkänti. Jupanakax chuymanakap qalarayasisax mä jilïri ajllisipxäna, Egiptor wasitatampi t'aqhisiyatäñaru irpañapataki. Ukampis jumax pampachasir Tatitütawa, munasiri, khuyapayasir Tatitütawa, llamp'u chuymanïtawa, janiw jank'ak phiñasktati, munasiñamax jach'awa, ukat jupanakar jan jaytanukktati.

Salmos 106:8

Ukampis juma, Diosaw jupanakarux qhispiyäyätaxa, ukhamat juman sutimax jach'achatäñapataki.

Salmos 94:14

Tatitux janiw markaparux apanukkaniti, janirakiw jupankirinakarus jaytanukkaniti.

Éxodo 32:12

¡Janiy q'apisimti! ¡Janikiy markamar t'unjamti! Janiy egipcio jaqinakan jumat phiskasipxañap munamti, ukat sasipkañapataki: “Diosax jan wali amtampiw jumanakar irpsuwayapxtam wasar qullunakan jiwarayañataki” sasa.

Isaías 37:35

Nayaw aka markarux arxatä, nayarakiw qhispiyä, David luqtirixar munatax layku, ukhamarak naya kipkar munasitaxatsa’ ” sasa.

Isaías 41:17

“Jan yänakani jaqinakax uma thaqapxi, janiw jikxatapkiti. Laxranakapas umatjamaxa, q'ala wañantataw uñjasi; ukampis naya Tatituw jupanakarux uñjaskä, naya, Israelan Diosapasti janiw jupanakarux antutkäti.

Isaías 42:16

Juykhunakarusti jan uñt'at thakhinakanjam irpä. Jupanakan nayraqatapansti ch'amakxa qhanaruw tukuyä, qullunaksti pampa uraqiruw tukuyä. Taqi ukanaksti lurapunïwa.

Isaías 43:25

“Ukampis naya, Diosamätax laykuxa, juchanakam pampachsmawa, janirakiw mayampsa ukanak amtaskxäti.

Isaías 43:7

Nayaw jupanakarux lurt'asta, nayar jach'añchañapatakiw irnuqt'asta, nayar yupaychañapatakiw lurt'asta’ sasa.

Isaías 48:11

Nayan jach'añchäwix laykuw ukham lurta, sutixasti janiw takisitäkaspati. Janirakiw nayar jach'añchañäki uk yaqhar churaykäti.

Isaías 49:15

Ukampisa: ¿Mä taykax wawanakapat armasispati, jan ukax, munasiñap janirakich churkaspa? Inas uka taykax armaschispa, ukampis nayax janipuniw armaskämati.

Isaías 63:8

Tatitux siwa: “Jupanakax nayan markaxawa, aka wawanakaxax janiw ch'uxña lurapkitaniti” sasa.

Jeremías 14:21

¡Sutiman jach'ätap laykukisay nanakat khuyapt'ayasipxita; kawkha markankkitix suma k'ajkir qunuñamaxa, uka markarux janikiy jisk'achañampi uñjamti! ¡Kuna arust'äwtix jumax nanakampi lurkta uk amtt'asikimaya, janikiy uka arust'äwir phuqhañ armt'asimti!

Jeremías 14:7

¡Tatay, jan wali luratanakaxas nanakar juchañchapkchitu ukasa, sutim laykusay nanakat arxatt'asipxita! Walja kutiw nanakax jan jumatakjam sarnaqapkti, juma nayraqatan jucha lurapxarakta.

Jeremías 14:9

¿Kunatsa mä luqhirat jaqjam tukta, ch'axwan nuwasir jaqir uñtat jan yanapt'asa? Ukampis Tatay, jumax nanak taypinkasktawa, nanakan juman markamätax taqiniw yatipxaraki; ¡janikiy nanakar apanukt'asipxistati!

Lamentaciones 5:20

¿Kunatarak wiñayatak armapxitätasti? ¿Kunatarak walja maranak apanukupxitätasti?

Ezequiel 20:14

ukampis sutixan jach'ätap laykuw uk jan lurkti, jupanak Egiptot irpsunir uñjapkitu uka markanak nayraqatan jan jisk'achat uñjasiskañaxataki.

Ezequiel 20:9

Ukampis sutixan jach'ätap laykuw Egiptot irpsunta, ukhamat yaqha markanak nayraqatan sutixan jan jisk'achatäñapataki, kawkïr markanak taypintix israelitanakax jakapkän uka markanak nayraqatana, uka markanak nayräxan jupanakarux uñstäyäta, Egiptot irpsunxañatakis arsurakïyäta.

Malaquías 1:2

Tatitux siwa: “Nayax jumanakar munasipxsmawa” sasa. Jumanakasti sapxtawa: “¿Kunjämatsa yatipxirista juman nanakar munatamxa?” sasa. ¿Janit Esaú chachasti Jacob chachan jilapäkänsti? Ukampisa, nayax Jacoburuw munasïyäta,

Mateo 11:26

Tatay, jumaw ukham muntaxa.”

Juan 15:16

Janiw jumanakax nayar ajllisipkistati, jan ukasti, nayaw jumanakar ajllisipxsma, ukatsti walja achunak churapxañamatakiw khithapxsma, uka achun jan pist'añapataki. Ukhamat Awkix kuntix nayan sutixar mayipkäta uk churapxätam.

Romanos 11:1

Jichhasti jiskt'araktwa: ¿Diosax markapar apanukpachati? ¡Janiw ukhamäkiti! Naya kipkaw israelit jaqïtxa, Abrahamat saraqiri, Benjamín ayllut jutiriraki.

Romanos 11:29

Kuntix Diosax churki uk janiw aparaskiti, janirakiw jupan jawsatapsa mayjt'aykiti.

1 Corintios 4:7

Ukampis, ¿khitirak jumarusti mayninakat sipan juk'ampi sum churtamsti? ¿Kunatix utjktam uksti, janit Diosasti churktamsti? Jupatix churstam ukasti, ¿kunatarak jach'a jach'a tukta jumas jikxataskasma ukhamsti?

Efesios 1:12

Jupasti jiwasanakan nayrïrïñas muni, Criston suyt'äwi tuqi jakañasataki, ukhamat taqpachani muspharkañ ch'amapat jach'añchañasataki.

Efesios 1:6

Diosan muspharkañ khuyapayasiñapat jach'añchañasataki, uka pachpa khuyapayasiñapampiw munat Wawap tuqi askinak waxt'istu.

Deuteronomio 14:2

Jumanakax Tatit Diosamatak yaqhachat markäpxtawa; jupaw aka uraqin utjir taqi markanak taypit jumanakar ajllisipxtam, jupan markapäpxañamataki.

Deuteronomio 31:17

Ukampis q'apisiñaxaw jupanakatak aqtani, jupanakarusti apanukurakïwa; janiw kunatakis jupanakat amtaskäti, jan walt'añanaka, llakisiñanak jupanakxar apayanï, ukat jupanakax sapxani: ‘¿Tatit Diosasasti janit jiwasampïkxpacha, ukatti aka t'aqhisiñanakan jikxataspachätansti?’ sasa.

Deuteronomio 31:6

Ch'amañcht'asipxam, qamas katxatapxarakim, jupanakamp nuwasipkät ukkhaxa, jan axsarapxamti, janirak khathatipxamsa, Tatit Diosamaw jumanakampïski, janiw jaytapkätamti, janirakiw apanukupkätamsa” sasa.

Deuteronomio 31:8

Tatituw juman nayräxam sarani, jumampïskaniwa; janiw jaytkätamti janirakiw antutkätamsa; ukhamasti, jan axsaramti, janirak llajllasimsa.”

Deuteronomio 7:6

Jumanakasti Tatit Diosamatak ajllit markäpxtawa; Tatituw jumanakarux aka uraqin utjir taqi markanak taypit ajllisipxtam, ukhamat jumanakan jupatak yaqhachat markäpxañamataki.

Deuteronomio 9:5

Janiw jumanakan aski luratanakam laykuti uka uraqinak katuntapkäta, Tatitux jan wali luratanakapat uka markanakarux jumanak nayräxat jaqunukuni. Ukhamat Abraham, Isaac, Jacob nayra awkinakamar arsutap phuqhañataki.

Filipenses 1:6

Diosaw suma luräwinakap jumanakampix qalltawayi, ukanakasti Jesucriston jutañapkamax juk'amp sumaw tukuskani.

Hebreos 13:5

Jan qullqirux munapxamti; qawqhatix utjapktam ukampix kusisitakïpxam, Diosasti siwa: “Janiw jaytjkämati, janirakiw armkämasa” sasa.

Josué 7:9

Cananeonakasa, uka chiqan jakir jaqinakasa ukanak yatipxaniwa, ukatsti jupanakax mayacht'asisin nanakar chhaqtayañkamaw tukjapxitani. Jumasti, ¿kunarak luräta jach'a sutiman jan p'inqachatäñapatakisti? —sasa.

1 Pedro 2:9

Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.