1 Pedro 5:2 - Qullan Arunaka DC

² Diosan arkirinakaparux sum uñjapxam, jupanakasti jumanakar katuyatawa. Kunjämtix Diosax munki ukhamarjam taqi munasiñamp lurapxam, janiw ukham luram satakisa, qullqi munañ laykukisa, jan ukasti, taqi chuymapun lurapxam.

Aymar Bibliia 1986

² Tatitun ovejanacapsti sum awatipjjam, ucanacasti jumanacar catuyatawa. Take munasiñampi ucjja lurapjjam, cunjämtejj Diosajj munqui uqhamarjama, janiw phokhayam sat laycuquiti, ni kollke munañ laycuquisa, jan ucasti take chuyma ucjja lurapjjam,

Qullan Arunaca

² Tatitun ovejanacapsti sum awatipjjam, ucanacasti jumanacar catuyatawa. Take munasiñampi ucjja lurapjjam, cunjämtejj Diosajj munqui uqhamarjama, janiw phokhayam sat laycuquiti, ni kollke munañ laycuquisa, jan ucasti take chuyma ucjja lurapjjam,

1 Pedro 5:2 Jak'a apnaqawi uñst'ayäwi

2 Reyes 12:6

6 (7) Ukampis pä tunka kimsan mara Joás reyix marka apnaqkän ukkhakamasti, sacerdotenakax janiw kunsa Tatitun utapan askichapkataynati.

Cantar de los cantares 1:8

Munkañ warminak taypinsa munkaya, janitix yatksta ukkhax uywanakan saräwip arktam; cabritonakamarusti, awatirinakan chhujllanakap jak'an awatim.

Isaías 40:11

Kunjämatix mä awatirix ovejanakap sum uñjasixa, ukhamarakiw jupax amparapar ovejanak ichxart'asi, jichha wawachat ovej qallunakarus sum uñjaraki.

Isaías 56:11

Manq'at jiwat anunakjamäpxiwa, janirakiw sisthapipkisa, jan kun amuyiri awatirinakäpxiwa; sapa maynis thakhipanak sarasipki, kunatix jupanakatakix askïki ukak thaqhasipki.

Isaías 6:8

Ukatsti Tatitun arup ist'ta akham siri: “¿Khitirus khithäxa? ¿Khitis nayat parlir sarani?” sasa. Nayasti saraktwa: “Nayar khithita, nayaw jumxat parlanï” sasa.

Isaías 63:11

Jupanakasti nayra pachanakat amtasipxi, khititix markapar qhispiyki uka Moisesat amtasipxi, jiskt'asipxarakïnwa: “¿Kawkinkarak Nilo jawirat Moisesar qhispiyki uka Diosasti? Uka Moisesax israelitanakan jilïripächixaya. ¿Kawkinkarak khititix Moisesar Qullan Ajayupa churki uka Diosasti?

Jeremías 13:17

Jumanakatix jan ist'asipkätaxa, jach'a jach'a tukupxatamat jamasan jachä; nayranakaxatsti jachanakaw warasinini, Tatitun tamapar katuntat apasxatap layku.

Jeremías 13:20

Uñatatapxam, kunjämtix uñisirinakax amsta tuqit jutantki uka. ¿Kawkinkis nayax katuyksma uka tamaxa, kawkïr tamattix jumax jach'a jach'a tukkäyäta ukaxa?

Jeremías 6:13

“Taqinisa, jisk'as jach'asa, lunthatasiñampi jikxatañatak lup'isipki; profetanakasa, sacerdotenakasa, taqiniw lunthatasiñar katuyasipxi.

Jeremías 8:10

Ukatpï jichhax, warminakapsa yaqha chachanakar katuyäxa, uraqinakapsa yaqhanakaruw katuyarakï. Jisk'a jaqinakasa, jach'a jaqinakasa, lunthatasiñak amtasipki; profetanakasa, sacerdotenakasa taqiniw lunthatasiñar katuyasipxi.

Ezequiel 34:23

David luqtirixaruw kuttayanxä, jupa saparukiw ovejanakaxa awatiñapatakix uskt'ä, jupaw uñjani. Jupaw awatiripäni.

Ezequiel 34:31

Jumanakax nayan ovejanakaxäpxtawa, nayan uywa awatisiñaxan manq'asir ovejanakaxäpxtawa. Nayaw jumanakan Diosamätxa. Naya, Tatituw uk arsta.”

Ezequiel 46:24

Ukat nayarux akham sarakitu: “Tatitun utapan luqtirinakax aka qhirinakan wilañcha luqtat uywanakan aychanakap qhathiyapxani, kawkïrinaktix jaqinakax Tatitur luqtapki uka uywanakan aychanakapa” sasa.

Miqueas 3:11

Kunatix chiqäki ukanak uñjirinakasa qullqi chilltayasipxi, sacerdotenakas qullqi laykukiw yatichapxi, profetanakasti profecía arunakapxa aljapxarakiwa; taqi akanakatxa Tatitux walikiw siskaspasa ukhama. Ukatsti sapxarakiwa: “Tatituw jiwasampïski, janiw kuna jan walis jiwasxar jutkaniti” sasa.

Miqueas 5:4

4 (3) Reyisti markapar awatiñatakiw sartani, Dios Tatitupan ch'amapampi, jach'a kankañapampiw awatini. Jupanakasti samart'atarakiw jakasxapxani, Tatitux taqi akapachan jach'ar aptatätap layku.

Miqueas 7:14

¡Tatitu, markamarux uñjamaya, juman ovejanakamawa, suma uraqinakan muyuntatäkasinsa, jupanakax ch'umi manqhanakanjam jikxatasipxi! Jumästaxay nanakan awatirixaxa, nayra pachanakanjamay irpapxita, Basán, Galaad uka chiqankir suma chhuxllanakaru.

Zacarías 11:17

¡Ay, kunakïkani oveja tama ananukuri jan wali awatiritxa! ¡Walïspaw mä espadampi amparap khuchhuqañaxa, mä cuchillompi kupi nayrap k'ilsuñaxa! ¡Amparapax taqpach pharspan, nayrapasti q'ala juykhuptarakpan!”

Malaquías 1:10

Taqi ch'aman Tatitux siwa: “¡Walïspaw jumanakat kawkïrisa utaxan punkunakap jist'antaspa ukaxa, ukhamat jan inamayataki altaraxan ninapa aqtayasipkañamataki. Janiw jumanakatak chuymaxax utjkituti, janiw waxt'äwinakam katuqkarakïti.

Números 18:7

ukampis jumampi, wawanakamampikiw sacerdote luräwinak phuqhapxäta, altarana, velo qhipäxansa. Uka lurañasti jumanakaruw wakt'apxtam, nayaw jumanakar sacerdote luräwinak churapxsma. Maynitix jan sacerdotëkasin sacerdoten luräwip luranixa, jiwañapatak juchañchatäniwa” sasa.

Lucas 12:32

“Jisk'a tama ovejanakaxa, jan axsarapxamti, Dios Awkimax khuyapayasiñapan qhapaq markap churañ munapxtam.

Hechos 20:29

Nay sarxä uka qhipatsti, yaqhanakaw jutapxani, jupanakasti qamaqinakar uñtataw iglesia t'unjañ munapxani.

Hechos 21:13

Ukampis Pablox sänwa: —¿Kunatsa jachapxta? Ukham jachasax nayar llakisiyapxistawa. Nayax ñach'antayasiñatakisa, Jerusalén markan Tatit Jesús layku jiwañatakis wakicht'atakïsktwa —sasa.

Romanos 1:15

ukat nayax Diosan suma yatiyäwi arunakap jank'ak yatiyañ munta, jumanak Roma markan jakirinakarus yatiyañ munarakta.

1 Corintios 9:7

Ejercitonxa, janiw mä soldadox ukankatapat pachpa qullqip irsuskiti. Uva yapuchirinakasti, uva achunakapat manq'apxi. Ovejanak awatirinakasti, ch'awaqapki uka leche umapxi.

1 Timoteo 3:3

janiw machirïñapäkiti, nuwasir chuymanïñapäkisa, janirakiw qullqi munirïñapäkiti, jan ukasti, khuyapayasiri, munasir suma jaqïñapawa.

1 Timoteo 3:8

Diacononakax aytat jaqit uñt'atäñapawa, jupanakax janiw arsutap p'akintirïñapäkiti, janiw machañar chuyma churatäñapäkiti, janirakiw jan wali tuqit yänak jikxatirïñapäkisa.

Tito 1:11

Ukanakarux amukt'ayañaw wakisi, taqpach wila masinakaruw mayjt'ayapxi, kunatix jan walïki ukanak yatichasina, jan wali chuymampi qullqi jikxatasiñ laykuki.

Tito 1:7

Khititix jilïr irpirit uchatäki ukax Tatitun yänakap uñjirit uchatawa, ukat chiqap jakañapax wakisi. Janiw jalta chuymäñapäkiti, janirakiw jan wali chuymanïñapäkisa, janiw machirïñapäkiti, ch'axwañ munirïñapäkisa, janirakiw lunthatasiñampi qullqsa jikxatañ munirïñapäkiti.

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

Tito 3:1

Tatitur iyawsirinakar amtayam, marka apnaqirinakaru, jilïrinakaparus ist'apxpan, kunatix sumäki uk lurañatakis jank'akïpxarakpan.

Filemón 1:14

Ukampis janiw kunsa juman jan kamsata lurañ munkti, kuntix lurañamatak mayksma uk nayan jan jariyatjam lurañamataki.

Hebreos 12:15

Janiy khitirus Diosan munasiñapax pist'pati, ukhamat jan maynis mä k'ask'a qurar uñtat jaqinakar jan walt'ayaskañapataki.

2 Pedro 2:3

Uka k'ari yatichirinakan qullqir sinti munapxatap laykuxa, k'ari yatichäwinakampix jumanakat q'al taqi kunsa apsupxätam; ukampis Diosax nayratpach jupanakar juchañchxi, janirakiw mutuyäwit qhispipkaniti.