1 Pedro 5:3 - Qullan Arunaka DC

³ Jumanakax jupanakxarux janiw kuna munañanïpktasa, jan ukasti jupanakarux mä sum uñacht'ayas sarnaqapxam.

Aymar Bibliia 1986

³ jan jumanacas uca ovejanacjjaru munañïpcasmasa uqhamjja, jan ucasti ovejanacarojj mä suma yatichäwi uñacht'ayasa.

Qullan Arunaca

³ jan jumanacas uca ovejanacjjaru munañïpcasmasa uqhamjja, jan ucasti ovejanacarojj mä suma yatichäwi uñacht'ayasa.

1 Pedro 5:3 Jak'a apnaqawi uñst'ayäwi

Salmos 33:12

Tatitut Diosanïki uka markax kusisiñaniwa, jupar ajllisipki uka markax kusisiñaniwa.

Salmos 74:2

Nayra pachatpach jikxatasit markamat amtasim, jumankañapatak qhispiyat markamat khuyapayasim; kawkhantix utjaskäyäta uka Sión qullut amtasirakim.

Ezequiel 34:4

Jumanakax janiw pisi ch'ama ovejanakarux yanapt'apktati, usutanakarus janiw qullt'apktati, kayu p'akit ovejanakarus janiw ch'uqxatt'apktati, yaqha tuqir saranukurinakarux janiw kuttayanipktati, janirakiw chhaqhatanakar thaqhiris sarapktati, jan ukasti qhuru kankañampi jawq'jasaw usuchjapxtaxa.

Miqueas 7:14

¡Tatitu, markamarux uñjamaya, juman ovejanakamawa, suma uraqinakan muyuntatäkasinsa, jupanakax ch'umi manqhanakanjam jikxatasipxi! Jumästaxay nanakan awatirixaxa, nayra pachanakanjamay irpapxita, Basán, Galaad uka chiqankir suma chhuxllanakaru.

Números 18:7

ukampis jumampi, wawanakamampikiw sacerdote luräwinak phuqhapxäta, altarana, velo qhipäxansa. Uka lurañasti jumanakaruw wakt'apxtam, nayaw jumanakar sacerdote luräwinak churapxsma. Maynitix jan sacerdotëkasin sacerdoten luräwip luranixa, jiwañapatak juchañchatäniwa” sasa.

Juan 13:15

Nayax jumanakaruw uñacht'ayapxsma, kunjämtix nayax jumanakar lurapksma uka pachpa lurapxañamataki.

Hechos 20:28

Ukhamasti, jumanak pachpa amuyasipxam, iyawsirinakarus taqpachanir uñjapxarakim, Qullan Ajayuw jumanakar Tatitun iglesiap awatipxañamatak uchapxtam, wilapampiw uka iglesiap alasiwayi.

1 Corintios 11:11

Ukampis Cristonkxasax janiw chachax jan warmïpan utjkaspati, janirakiw warmis jan chachäpan utjkaspati.

1 Corintios 3:5

May sipansti, ¿khitirak Pablosti? ¿Khitirak Apolosti? Jupanakax irnaqirinakakïpxiwa, jupanak tuqiw jumanakax Tatitur iyawsapxta. Jiwasanakat sapa mayniw kuntix Tatitux luram siski uk luri:

1 Corintios 3:9

Jiwasanakax Diosan luräwipan irnaqir masinakapäpxtanwa, jumanakasti yapuchat yapunakäpxtawa, Diosan utachat utäpxaraktawa.

2 Corintios 1:24

Janiw nanakax iyawsäwinakam apnaqañ munapkti; nanakax jumanakar yanapt'añak munapxsma, ukhamat kusisiñaman utjañapataki, jumanakasti iyawsañan niy thurt'atäxapxtawa.

2 Corintios 4:5

Janiw nanak pachpat yatiyasipkti, jan ukasti Jesucriston Tatitütap yatiyapxta; nanakax Tatitur munatanakax laykuw jumanakan yanapirimar tukupxta.

Deuteronomio 32:9

Diosan katuqäwipasti, jaqinakapawa, Jacobun markapawa.

Filipenses 3:17

Jilatanaka, taqinis nayjam sarnaqapxam, ukatsti khitinakatix nanakjam sarnaqapki ukanakar uñtasarak sarnaqapxam.

Filipenses 4:9

Kuntix yatichapksma ukanakay lurapxam, kuntix nayat ist'apkta, uñjapkarakta ukanakay lurapxam, ukatsti sumankañan Diosax jumanakampïniwa.

1 Tesalonicenses 1:7

Ukhamat jumanakan sarnaqäwimax Macedonia, Acaya chiqanakan Cristor taqi iyawsirinakatakix uñtkayänxa.

2 Tesalonicenses 3:9

Chiqpachansa, jumanakat yanap mayiñax wakisïnwa, ukampis nanakax irnaqañaruw uchasipxta, ukhamat jumanakan nanakat yatiqasis sarnaqapxañamataki.

1 Timoteo 4:12

Waynätam laykux janipun jisk'achayasimti; jan ukasti, iyawsirinakan mä suma uñtkañ sarnaqam, parläwimana, sum sarnaqañana, munasiñana, Cristor iyawsañana, q'uma kankañan jakañansa.

Tito 2:7

Juma pachparaki mä suma uñtäwi taqi kunansa uñacht'ayam. Yatichañansti, chiqa kankañampi phuqhasarak yaticham,

1 Pedro 2:9

Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.