1 Pedro 3:1 - Qullan Arunaka DC

¹ Chachan warminaka, chachanakamar ist'as sarnaqapxam, ukhamata, kawknïr chachatix Tatitur jan iyawskchi ukax, jumanakan sarnaqäwinakam tuqi Tatitutak jikxatatäñapataki,

Aymar Bibliia 1986

¹ Uqhamaraqui jumanacajj warminaca, chachanacamar ist'asa sarnakapjjam, uqhamata inas cawquïri chachas Tatitur jan iyawscchi ucajj jumanacan sarnakäwinacam toke Tatitutaqui jicjjatatäñapataqui jan cuna arumpisa,

Qullan Arunaca

¹ Uqhamaraqui jumanacajj warminaca, chachanacamar ist'asa sarnakapjjam, uqhamata inas cawquïri chachas Tatitur jan iyawscchi ucajj jumanacan sarnakäwinacam toke Tatitutaqui jicjjatatäñapataqui jan cuna arumpisa,

1 Pedro 3:1 Jak'a apnaqawi uñst'ayäwi

Génesis 3:16

Warmirusti sarakïnwa: —Wawachaskäta ukkhasti wali t'aqhisiñampiw ususïta. Ukampis chachamampix wawanïñ munaskakïtawa, jupasti jumaruw apnaqätam —sasa.

Proverbios 11:30

Chiqa kankañax jakañ churi, ñanqha lurañasti jakañ apaqi.

Proverbios 18:19

Mä jach'a pirqa tinkuyañax juk'amp jasakiwa, chuyma usuchjat jila masir chuymachañat sipana.

Mateo 18:15

“Jilamatix jan wal lurätamxa, jupa saparuki jan wal luratapat parlt'am. Uka iwxt'amarutix ist'ätamxa, jilamampix sumankxätawa.

Romanos 10:16

Ukampis janiw taqpachan Diosan suma yatiyäwi arup iyawsapkiti. Kamisatix Isaías profetax siski: “Tatay, ¿khitirak yatiyatasar iyawsisti?” sasa.

Romanos 6:17

Jumanakax nayrax juchan t'aqhisiyat jaqinakäpxäyätawa, Diosasti yuspagaratäpan, yatichäwinak taqi chuyma katuqasin phuqhapxatamata.

Romanos 7:2

Amuyt'añäni, jaqichat warmix chachapan jakañapkamax kamachirjam chinkatatawa; ukampis chachapatix jiwxchixa, warmix kamachirjamax sapakïxiwa.

1 Corintios 11:3

Ukampis nayax amuyt'apxañam munta, Cristow taqi chachan p'iqipaxa, chachasti warmipan p'iqipawa, kunjämtix Diosax Criston p'iqipäki ukhama.

1 Corintios 14:34

warminakax iglesian tantachasïwinakapan amukïpxañapawa, janiw parlañapax wakiskiti. Jupanakax chachanakapar jaysapxañapawa, kamisatix kamachix siski ukhamaru.

1 Corintios 7:16

Cristor iyawsir warmi, ¿kunjämatarak chachamar qhispiyasma uk yattasti? Cristor iyawsir chacha, ¿kunjämatarak Cristor jan iyawsir warmimar qhispiyasma uk yattasti?

Efesios 5:33

Ukhamasti, sapa mayni jumanakay warmipar jupa pachparjam munaspan, warmisti chachaparux yäqarakpan.

Colosenses 3:18

Warminaka, chachanakamar ist'apxam, Diosankirjamax ukham lurapxañamaw wakt'apxtam.

Colosenses 4:5

Tatitur jan iyawsirinakampisti, suma amuyt'ampi sarnaqapxam, sapa kuti ukham lurañ utjkipansa, askinak lurapxam.

2 Tesalonicenses 1:8

Khitinakatix Diosar jan uñt'apki ukanakaru, Jesucristo Tatitusan suma yatiyäwi arunakap jan jaysapki ukanakar mutuyiriw jutani.

Hebreos 11:8

Abrahamax iyawsäwi laykuw Diosan jawsatap jaysäna, ukatsti kawkharutix Diosax churämaw siskän uka chiqar sarañatakiw mistuwayäna. Uraqipat mistusax janiw kawkir saratapsa yatiskänti,

Hebreos 5:9

ukham t'aqhisisasti jupar iyawsirinakatakix wiñay qhispiyasiñ chuririw tukuwayi,

1 Pedro 1:22

Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.

1 Pedro 3:2

jan kuna arumpiki, jan ukasti jumanakan sum sarnaqatam uñjasaki.

1 Pedro 3:7

Chachanakasti warminakamampix suma chuymanïpxam. Kunjämarutix wakiski ukhamar jupanakar jach'ar aptapxam, jupanakax janiw jumanakjam wali ch'amanïpkiti, ukampis Tatitux wiñay jakañ churarakini. Jumanakatix ukham lurapxätaxa, Tatitux mayisitanakam ist'apuniniwa.

1 Pedro 4:17

Diosax markapar taripañ qalltkani uka urux purinxiwa. Uka taripäwitix jiwasampi ukham qalltchinixa, khitinakatix Diosar jan iyawsapki ukanakan tukuyäwipax, ¿kunjamäpachanisa?