1 Pedro 3:1 - Qullan Arunaca

¹ Uqhamaraqui jumanacajj warminaca, chachanacamar ist'asa sarnakapjjam, uqhamata inas cawquïri chachas Tatitur jan iyawscchi ucajj jumanacan sarnakäwinacam toke Tatitutaqui jicjjatatäñapataqui jan cuna arumpisa,

Aymar Bibliia 1986

¹ Uqhamaraqui jumanacajj warminaca, chachanacamar ist'asa sarnakapjjam, uqhamata inas cawquïri chachas Tatitur jan iyawscchi ucajj jumanacan sarnakäwinacam toke Tatitutaqui jicjjatatäñapataqui jan cuna arumpisa,

Qullan Arunaka DC

¹ Chachan warminaka, chachanakamar ist'as sarnaqapxam, ukhamata, kawknïr chachatix Tatitur jan iyawskchi ukax, jumanakan sarnaqäwinakam tuqi Tatitutak jikxatatäñapataki,

1 Pedro 3:1 Jak'a apnaqawi uñst'ayäwi

Génesis 3:16

Warmirusti saraquïnwa: —Wawachasiña horasansti t'akhesiñampwa yapt'ämajja, wali t'akhesiñampiw wawachasiraquïta. Ucampisa munañamajja chachamataquïniwa, juparaquiw jumarojj apnakätam —sasa.

Proverbios 11:30

Cheka cancañajj jacañwa churi, ñankha lurañasti jacañjja apakewa.

Proverbios 18:19

Chuyma usuchjat jilatajja, jach'a perkanacampi muyuntayat marcjamäjjewa, janiraquiw cun ist'añsa munquiti. Jila pura ch'ajjwañanacasti, cunjämatï mä palacion rejanacapajj jan pascaya wali uchantatäquejja uqhamaw jaljtayaraqui.

Mateo 18:15

“Jilamatejj cuna jan wals lurätam ucajja, jupampi sapa pur parlt'am, saraquim cuna jan waltejj lurctam uca. Uca ewjjt'amarutejj ist'ätam ucajja, jilamampejj sumancthapjjtawa.

Romanos 10:16

Ucampis janiw qhitis yäkquiti khespiyasiñ arunacjja. Cunjämtï Isaías profetajj sisqui uqhama: “Tatitu, ¿qhitis suma yatiyäwisarojj iyawsejja?” sasa.

Romanos 6:17

Ucampis nayajj Diosarojj yuspagartwa jumanacan uca juchan esclavöñat mistunitanacamata, take chuymanacamampi Diosar iyawsasa, cuna yatichäwinactejj jumanacajj catokapcta ucarjama.

Romanos 7:2

Acasti mä uñacht'äwiwa: Mä casada warmejja leyirjamajj chachapa jacquipanacwa jupar catuyasiñapa. Chachap jiwjje ucapachajj warmejj librëjjewa leyitjja.

1 Corintios 11:3

Ucampis nayajj muntwa jumanacajj acanac amuyt'apjjañama: Cristowa take chachan p'ekepajja, chachasti warmin p'ekeparaquiwa, cunjämatejj Diosajj Criston p'ekepäqui uqhama.

1 Corintios 14:34

“Warminacajj jan parlapjjpati cultonjja” sasa. Jupanacarojj janiw: “Parlapjjam” satäquiti. Jan ucasti warminacajj ist'asirïpjjañapawa cunjämtï Diosan arunacapajj sisqui uqhama.

1 Corintios 7:16

Iyawsiri warmi, ¿cunjämatsa jumajj yatta jan iyawsiri chachamaru khespiyañjja? Uqhamaraqui iyawsiri chacha, ¿cunjämatsa jumajj yatta jan iyawsiri warmimaru khespiyañjja?

Efesios 5:33

Ucampis: sapa mayni jumanacajj warminacamaru munasipjjañamawa juma pachpas munascasma uqhama, warmisti chacharojj ist'añaparaquiwa.

Colosenses 3:18

Warminaca, chachanacamaru ist'apjjam, uqham lurañanacamaraquiw Diosanquirjamajj wact'apjjtam.

Colosenses 4:5

Qhitinacatejj jan iyawsirïpqui ucanacampejj suma amuyt'ampi sarnakapjjam, take horasanacansa asquinac lurapjjam.

2 Tesalonicenses 1:8

Diosar jan catokerinacar mutuyiriw jutani, uqhamarac Tatit Jesucristosan khespiyasiñ arunacapar jan ist'irinacarusa.

Hebreos 11:8

Iyawsäwi tokeraquiw Abrahamajj cunapachatejj Diosajj jawscäna ucqhajj ist'äna, ucatsti jupajj mistuwayjjänwa cawqharutejj Diosajj orak churañapäcäna ucaru. Orakepat mistusinsti janiw cawcsar sarataps yatiscaraquïnti.

Hebreos 5:9

Uqhama suma tucuyatäsinjja wiñay khespiyasiñ chuririw tucu take jupar jaysirinacarojja;

1 Pedro 1:22

Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.

1 Pedro 3:2

jan ucasti jumanacan suma sarnakatam uñjasaqui.

1 Pedro 3:7

Chachanacasti warminacamampejj suma chuymanïpjjaraquim. Jumanacasti jach'aru aptapjjam, cunjämarutejj waquisqui uqhamaru, janiw warmin pisi ch'amätap laycuquiti, jan ucasti Diosajj munasiñapanjja mayacwa jacañjj churapjjtam uca laycu. Uqham lurapjjam Diosat mayisitanacamajj ist'atäñapataqui.

1 Pedro 4:17

Horasajj purinjjewa, Diosan taripäwipajj wawanacapata kalltañapataqui. Taripäwitejj jiwasampi uqham kalltchi ucajja, ¿cunjämaraquïni qhitinacatejj Diosar jan iyawsapqui ucanacan tucuyapasti?