1 Juan 4:9 - Qullan Arunaka DC

⁹ Diosax jupan mä sapa Wawap akapachar khithanisaw munasiñap uñacht'ayistu, ukhamat jiwasax jupïpan wiñay jakañanïñasataki.

Aymar Bibliia 1986

⁹ Diosajj qhitaniw mä sapa Wawapa aca orakeru, wiñay jacañanïñasataqui, uqhamanwa Diosajj munasiñap uñacht'ayistu jupa toke.

Qullan Arunaca

⁹ Diosajj qhitaniw mä sapa Wawapa aca orakeru, wiñay jacañanïñasataqui, uqhamanwa Diosajj munasiñap uñacht'ayistu jupa toke.

1 Juan 4:9 Jak'a apnaqawi uñst'ayäwi

Génesis 22:2

Tatitusti sarakïnwa: —Isaac sapa yuqall wawamar irpxarum, sinti munat wawamaru, ukatsti Moria uraqir saram. Uka chiqar purisinsti, kawkïri qulltix nayax uñacht'aykäma uka qullun nayar wawam mä nakt'ayat wilañcha luqtäta —sasa.

Salmos 2:7

Tatitun arsutap yatiyä: Jupax situwa: “Jumaw nayan wawaxätaxa: jichhüruw jumarux jakañ chursma.

Marcos 12:6

“Ukampis maynikiw khithañatak utjxäna, ukasti munat yuqapänwa. Tukuyarusti uka sapa yuqaparuw khithäna: ‘Yuqaxarux axsarapxaniwa’ sasa.

Lucas 4:18

“Tatitun Ajayupaw nayxanki, jan kunaninakar suma yatiyäwinak churañatakiw ajllisitu; llakt'atanakar chuymachiriw khithanitu, katuntatanakar qhispiyasiñ yatiyäwinak yatiyiriw khithanitu, juykhunakar uñatatayiri, t'aqhisiyatanakar qhispiyiri,

Juan 10:10

“Lunthatax lunthatsuñataki, jiwayañataki, tukjañatakiw juti; ukampis nayax jakañanïpxañamatakiw jutta, jilarkir jakañanïpxañamataki.

Juan 14:6

Jesusasti sarakïnwa: —Nayätwa thakhixa, chiqasa, jakañasa. Naya tuqikiw Awkin ukar puriñax utji.

Juan 3:16

Diosax akapachar wal munatap laykuw mä sapa Yuqapar khithani, taqi khitinakatix jupar iyawsapkani ukanakan jan chhaqhañapataki, jan ukasti wiñay jakañanïñapataki.

Juan 3:18

Khititix Diosan Yuqapar iyawski ukax, janiw juchañchatäkiti, khititix jan iyawski ukasti niya juchañchatäxiwa, Diosan mä sapa Yuqapar jan iyawsatap layku.

Juan 5:23

kamisatix Awkir jach'añchapki, ukhamarak Yuqar taqpachan jach'añchañapataki. Yuqar jan jach'añchirix, janiw khithanki uka Awkir jach'añchkiti.

Juan 6:29

Jesusasti jupanakarux sarakïnwa: —Diosax jupan khithanitapar iyawsapxañam muni, ukaw luräwipaxa —sasa.

Juan 6:51

Nayätwa alaxpachat saraqanir jakañ churir t'ant'axa; khititix aka t'ant'at manq'kani ukax wiñayatakiw jakani. Nay churkä uka t'ant'ax nayan janchixawa, uksti akapachan jakañanïñapatakiw churä —sasa.

Juan 6:57

Khithankitu uka Awkix jakañaniwa, nayasti jupïpan jakaskta; uka pachparakiw khititix nayat manq'ki ukax nayïpan jakani.

Juan 8:29

Khititix nayar khithankitu ukax nayampïskiwa; Awkixax janiw sapak jaytkituti, kunatix jupar kusisiyki ukpin nayax lurta.

Juan 8:42

Jesusasti jupanakarux sänwa: —Chiqpachan Diosatix awkimäspa ukaxa, jumanakax munapxitasmawa, nayax Diosat jutta ukat akankarakta. Janiw nayax munañaxat jutkti, jan ukasti Diosaw nayarux khithanitu.

Juan 9:3

Jesusasti jupanakarux sarakïnwa: —Janiw jupan juchap laykut ukham yurki, janirakiw awkinakapan juchap laykus ukham yurkiti, jan ukasti, Diosan luräwinakapax jupa tuqi uñstañapatakiwa.

Romanos 8:32

Diosasti pachpa Wawaparuw taqi jiwasanak laykux jiwar katuyi, ukhamasti, ¿kamisarak Wawapamp chika kunsa jan churkistaspasti?

Hebreos 1:5

Diosax janiw kawkïr angelarus siskiti: “Jumax nayan Yuqaxätawa; nayaw jichhürux jakañ chursma” sasa. Janirakiw kawkïr angelatsa siskiti: “Nayaw jupan awkipäyä. Jupasti nayan wawaxäniwa” sasa.

1 Juan 3:16

Jiwasax kunäkitix munasiñax uk yatxtanwa, Jesucristox jiwas laykuw jakañap apt'asiwayi; jiwasanakasti uka pachparakiw jilanakas layku jakañas apt'asiñasa.

1 Juan 4:10

Munasiñax akan uñsti: janiw jiwasanakat Diosarux munapkäyätan, jan ukasti jupaw jiwasanakar munistu, ukat Wawap khithani, juchanakas layku jakañap luqtasiri.

1 Juan 4:16

Jiwasax ukham tuqiw Diosan jiwasar munasitap yattan. Diosax munasiñawa; khititix munasiñan jakki ukax Diosan jaki, Diosasti jupan jakaraki.

1 Juan 5:11

Aka qhanañchäwix akhamawa: Diosax wiñay jakañ churistu, uka wiñay jakañasti Yuqapan utji.

1 Juan 5:13

Aksti Diosan Yuqapar iyawsirinakaruw qillqanipxsma, wiñay jakañanïpxatam yatipxañamataki.