1 Juan 4:9 - Qullan Arunaca

⁹ Diosajj qhitaniw mä sapa Wawapa aca orakeru, wiñay jacañanïñasataqui, uqhamanwa Diosajj munasiñap uñacht'ayistu jupa toke.

Aymar Bibliia 1986

⁹ Diosajj qhitaniw mä sapa Wawapa aca orakeru, wiñay jacañanïñasataqui, uqhamanwa Diosajj munasiñap uñacht'ayistu jupa toke.

Qullan Arunaka DC

⁹ Diosax jupan mä sapa Wawap akapachar khithanisaw munasiñap uñacht'ayistu, ukhamat jiwasax jupïpan wiñay jakañanïñasataki.

1 Juan 4:9 Jak'a apnaqawi uñst'ayäwi

Génesis 22:2

Diosasti saraquïnwa: —Isaac wawamar irpjjarum, sapa yokall wawamaru, sinti munat wawamaru, ucatsti Moriah oraker saram. Uca chekar purisinsti, cawquïri kolltejj nayajj uñacht'aycäma uca chekan nayaru wawama sacrificiot loktita —sasa.

Salmos 2:7

Tatitun arsutap yatiyä: Jupajj situwa: “Jumaw nayan wawajjätajja: jichhüruw jumarojj jacañ chursma;

Marcos 12:6

“Ucampis mä sapa yokapaw oraken jakenjj utjascäna, wali munata. Uywatanacat kheparusti uca sapa yokaparuw qhitäna: ‘Yokajjarojj ajjsarapjjaniwa’ sasa.

Lucas 4:18

“Tatitun Ajayupaw nayjjanqui, suma yatiyäwinac pobrenacar churañataquiw ajllisitu; llact'at chuymanacar kolliriw qhitanitu, carcelanquirinacar khespita sarnakañat yatiyiriraqui, uqhamarac juyqhunacarus uñatatayiri; t'akhesiyatanacarus khespiyiriraqui;

Juan 10:10

“Lunthatajj jutiwa lunthatasiñataqui, jiwayañataqui, tucjañataqui, ucampis nayajj juttwa jacañanïpjjañamataqui, uqhamarac jilarquir jacañanïpjjañamataquiraqui.

Juan 14:6

Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.

Juan 3:16

“Diosajj acapachar wal munatap laycuw mä sapa Yokapar qhitani, take qhitinacatejj jupar iyawsapqui ucanacajj jan chhakañapataqui, jan ucasti wiñay jacañanïñapataqui.

Juan 3:18

Qhititejj Diosan Yokapar iyawsqui ucajja, janiw juchañchatäquiti, ucampis qhititejj jan iyawsqui ucajj niyaw juchañchatäjje, Diosan mä sapa Yokapar jan iyawsatap laycu.

Juan 5:23

Yokaru takenis Awquirjam jach'añchapjjañapataqui. Qhititejj Yokaparojj jan jach'añchqui ucajja, janiraquiw qhitanqui uca Awquirojj jach'añchquiti.

Juan 6:29

Jesusasti jupanacarojj saraquïnwa: —Diosajj cawquïrirutejj jupajj qhitanqui ucar iyawsapjjañamwa muni —sasa.

Juan 6:51

Nayätwa alajjpachat sarakanir jacañ churir t'ant'ajja. Qhititejj aca t'ant'at mank'cani ucajja wiñayataquiw jacani. Naya churcä uca t'ant'ajja nayan janchejjawa; ucsti churäwa acapachajj jacañanïñapataqui —sasa.

Juan 6:57

Qhitanquitu uca Awquejjajj jacañaniwa, nayasti jupïpanracwa jacascta; uca pachparaquiw qhititejj nayat mank'qui ucajja nayïpanwa jacani.

Juan 8:29

Qhititejj nayar qhitanquitu ucajja nayampïsquiwa; Awquejjajj janiw sapac jaytquituti, nayajj jupar cusisiyquirpun cuns luratajj laycu.

Juan 8:42

Jesusajj jupanacarojj sänwa: —Chekpachan Diosajj awquimäspa ucajja, jumanacajj munapjjetasmawa, nayasti Diosatwa jutta ucatwa acancaractjja. Janiw nayajj munañajjatti jutctjja, jan ucasti Diosaw nayaru qhitanitu.

Juan 9:3

Jesusasti saraquïnwa: —Janiw jupan juchap laycuti, awquinacapan juchap laycusa, jan ucasti Diosan luräwinacapajj jupa toke uñstañapataquiwa ucajj uqhama.

Romanos 8:32

Diosajj janiw Wawaparus perdonquiti, ucatpï Wawaparojj jiwañaru catuyejja jiwasanacan juchanacas laycu. Uqhamasti ¿janiquit take cuns churquistani Wawapamp chicjja?

Hebreos 1:5

Diosasti janiw cunapachas cawquïr angelarus sisquiti: “Jumätaw Yokajjajja; nayaw jichhürojj jacañjj chursma” sasajja. Janiraquiw cawquïr angelats siscaraquiti: “Nayasti jupataquejj awquipäyawa. Jupasti yokajjaraquïniwa” sasa.

1 Juan 3:16

Yattanwa cunäquitejj munasiñajj ucjja, Tatit Jesucristojj jacañapwa jiwasanac laycu churawayäna; uca pachparaquiw jiwasanacajj jilatanacas laycu jacañas churañasa.

1 Juan 4:10

Aqhamanquiw munasiñajja: janiw jiwasanacati Diosar munapcäyätanjja, jan ucasti jupaw munistu Wawap qhitanisina juchanacasat khespiyañataqui.

1 Juan 4:16

Uqhamanwa yattanjja, iyawsaractan Diosajj jiwasanacar munatapa. Diosajj munasiñawa; qhititejj munasiñan jacqui ucajja Diosanwa jaqui, Diosasti jupanaraqui.

1 Juan 5:11

Aca khanañchäwejja, Diosajj wiñay jacañ churistu ucawa; aca wiñay jacañasti Yokapanquiwa.

1 Juan 5:13

Acjja kellkanipjjsmawa Diosan Yokapar iyawsapcta ucanacaru, wiñay jacañanïpjjatam yatipjjañamataqui.