1 Corintios 4:9 - Qullan Arunaka DC

⁹ Nayan amuyataxat Diosax nanak apostolunakarux qhiparjamakiw uchapxitu, jiwañatak juchañchat jaqinakjamäpxtwa. Angelanakansa, taqi jaqinakansa, uñch'ukitäñatakiw tukupxta.

Aymar Bibliia 1986

⁹ Amuyatatjja, Diosas nanaca apostolonacarojj mä thiyarjamaquiw apanucjjapjjetu. Jiwayañatac uscut jakenacjamäpjjtwa, uqhamarac angelanacansa, take jakenacansa uñch'uquitäñataquiraquiw tucupjjtjja.

Qullan Arunaca

⁹ Amuyatatjja, Diosas nanaca apostolonacarojj mä thiyarjamaquiw apanucjjapjjetu. Jiwayañatac uscut jakenacjamäpjjtwa, uqhamarac angelanacansa, take jakenacansa uñch'uquitäñataquiraquiw tucupjjtjja.

1 Corintios 4:9 Jak'a apnaqawi uñst'ayäwi

Salmos 44:22

22 (23) Jumar arkatax laykuw jiwayañ munapxitu, khariñ ovejanakarjamaw uñch'ukipxitu.

Salmos 71:7

Waljaniw sarnaqäwixampix muspharapxäna, jumakiw nayan arxatirixätaxa.

Jeremías 20:18

¿Kunatarak nayasti taykaxan purakapat mistpachätsti, t'aqhisiñanaka, llakisiñanak uñjañataki, jakañaxasa mä p'inqa tukuyatäñapatakisti?

Hechos 19:29

Ukat markachirinakax taqpachan uxtapxäna, yaqhipanakasti Gayompiru, Aristarcompiruw katuntapxäna, Pablon pani masinakaparu, jupanakax Macedoniat Pablompi chik jutapxatayna. Jaqinakasti jupanakar katuntasin markan tantachasïwi utapkamaw qatatipxäna.

Hechos 19:31

Asiankir jilïrinak taypin yaqhipanakax Pablon masinakapaw utjarakïna, jupanakasti Pabloruw iwxt'ayapxi uka taypir jan mantañapataki.

Romanos 8:36

Kamisatix Qillqatan siski: “Juma laykuw jiwañar katuyat uñjasipxta; khariñ ovejanakarjamaw uñjapxitu” sasa.

1 Corintios 15:19

Cristor suyt'añasatix akapachan jakañatakikïchixa, taqi jaqinakat sipan sinti llakkañätanwa.

2 Corintios 11:23

¿Jupanakax Criston irnaqiripäpxiti? Nayax jupanakatsa juk'ampïtwa, ukham parlasax inas mä luqhi jaqjam parlsta. Nayax jupanakat sipan juk'ampi irnaqawayta, nayarux jupanakat sipan walja kutiw carcelar jist'antapxitu, nayax jupanakat sipan juk'ampi jawq'jataw uñjasta, walja kutiw jiwayat niy uñjasta.

2 Corintios 6:9

Jan uñt'at jaqinakarjamaw uñjapxitu, wali uñt'atäpkta ukasa. Nanakax niy jiwirpachjamäpxtwa, ukampis jakasipkaktwa; jawq'japxituwa, ukampis janiw jiwayapkituti.

1 Tesalonicenses 3:3

ukhamat jan maynis uka jan walt'añanakampi mayjt'asiskañapataki. Ukampis jumanak pachpaw ukanakampi t'aqhisiñ wakisitap yatipxtaxa.

Hebreos 1:14

Diosar luqtañanxa, taqpach angelanakaw ajayüpxi, qhispiyasiñ katuqapkani ukanakar yanapt'añatak khithanitawa.

Hebreos 10:33

Jumanakat yaqhipanakax taqi jaqinakan uñjkataw jisk'achat uñjasi, yaqhipanakasti wali nuwjataw uñjasi, mayninakasti t'aqhisirinakamp chikaw muturaki.

Hebreos 11:36

Yaqhipanakasti sawkch'ukita, jawq'jata, cadenanakampi ñach'antata, carcelanakar jist'antataw t'aqhisipxäna.