1 Corintios 4:8 - Qullan Arunaka DC

⁸ Jumanakax amuyatax niy qamirïxapxtawa, munatamarjamax taqi kunanïxapxtawa, reyinakjam tukusax janiw nanakar munkxapxistati. ¡Añchakit chiqpach reyinakäpxasma, ukhamat nanakan jumanakampi chik markamankapxañaxataki!

Aymar Bibliia 1986

⁸ Jumanacajj niya kamir tucutjamaquëjjapjjtawa, take cunansa phokt'atjamäjjapjjaractawa, reyinacaw tucupjjaracta, nanacarusti mä tokeruw apanacupjjaraquista. ¡Añchaquit chekpachansa reyïpjjasma uqhamata nanacajj jumanacamp chekäpjjaraquirista uca reinomanjja!

Qullan Arunaca

⁸ Jumanacajj niya kamir tucutjamaquëjjapjjtawa, take cunansa phokt'atjamäjjapjjaractawa, reyinacaw tucupjjaracta, nanacarusti mä tokeruw apanacupjjaraquista. ¡Añchaquit chekpachansa reyïpjjasma uqhamata nanacajj jumanacamp chekäpjjaraquirista uca reinomanjja!

1 Corintios 4:8 Jak'a apnaqawi uñst'ayäwi

Proverbios 13:7

Yaqhipanakax jan kunanïsinsa, qamirïpkaspas ukhamaw tukupxi; yaqhipanakasti taqi kunanïkasinsa, jan kunanïpkaspas ukhamaw tukupxaraki.

Proverbios 25:14

Jan kuna churkasa: “Nayax churtwa” sasa jach'achasiri jaqix; mä thayjamaw thayi, jan uman qinayar uñtatarakiwa.

Isaías 5:21

¡Ay, kunakïkan jumanakatakixa, khitinakatix taqi kuns yatir yatiri tukupkta, wali ch'ikhïpkasmas ukham amuyasipkta ukanakatakixa!

Jeremías 28:6

—¡Jïsa, añchakit Tatitux ukham luraspa! ¡Añchakit Tatitux, kuna arunaktix siskta ukanak phuqhaspa, taqi kunanakatix Tatitun utapat apatäki uka yänaksa aka chiqar kuttayanitäxarakispa, taqi khitinakatix Babiloniar katuntat apatäpki jupanakas kuttanxapxarakispa!

Números 11:29

Moisesasti jupar sänwa: —¿Kunatarak jumasti naya sapan parlañaxak muntasti? ¡Nayax Tatitun taqpach markapar ajayup churañapa, ukatsti taqinis profetäpxañap munirista! —sasa.

Mateo 5:1

Jesusax walja jaqinak uñjasinxa, mä qulluruw makhatäna ukat qunt'asïna. Ukatsti yatiqirinakapax jupan ukaruw jak'achasipxäna,

Lucas 6:25

“¡Ay, kunakïpkät jichha sist'atanaka, jumanakax awtjayasipxätawa! “¡Ay, kamachapkakït jichha larusirinaka, jumanakax llakisiñatsa jachapxätawa!

Hechos 26:29

Ukxaruw Pablox sarakïna: —Mä juk'a pachatsa jan ukax, walja pachatsa, Diosax jan juma saparuki, jan ukasti, khitinakatix jichhür ist'apkitu ukanakan nayjam tukupxañap munpan, ukampis jan nayjamax aka cadenamp ñach'antatäkarakpati —sasa.

Romanos 12:3

Diosax munasiñapan iwxa arunak nayar churatap laykuw taqi jumanakar sapxsma, jan maynis jumanak pachpax jilankatam amuyasipxamti, jan ukasti, kunatix wakiski ukhamak amuyasipxam, kuntix Diosax waxt'äwinak iyawsañamp chika churki ukarjama.

1 Corintios 1:5

Jupa tuqiw Diosax ajay tuqin qamirïñ churapxtam, aru tuqina, yatiñ tuqina,

1 Corintios 4:18

Jumanakat yaqhipanakax jach'a jach'aw tukupxi; janis jumanakar uñjir purinkirista ukham amuyapxaraki;

1 Corintios 5:6

Jumanakasti janiw kunat jach'achasiñamas utjkiti. Aka säwi yatipxtawa: “Mä juk'a levadurax taqpach t'ant'a masaruw puqtayi” sasa.

2 Corintios 11:1

¡Nayan pisi chuyman jaqjam parlataxat jan mayjt'asipxamti! Llamp'u chuymampiy ist'apxita.

2 Corintios 13:9

Ukat nanakax t'ukha kankañankasax kusisipxta, jumanakan ch'amanïpxañamax wakisipuniwa; nanakasti Diosat mayisipkakïwa, jumanakan aski jaqir tukupxañamataki.

Gálatas 6:3

Maynitix jan kunäkasin jach'achaschixa, jupa pachpaw sallqjasi.

Filipenses 1:27

Jumanakasti, kunjämtix Jesucriston suma yatiyäwi arunakapax yatichki ukhamarjam sarnaqapxam. Nayasti jumanakar uñjir jutäsa jan ukax janis jutkäxa, jumanakan mä wawar tukt'asak jakasipxañam munta, taqi kunansa mä amtäwir purisa, ukatsti qhispiyasiñ arunak qhanañchañatak wal ch'amachasisa,

Filipenses 2:12

Munat jilatanaka, jumanakampïkäyät ukkhax nayarux jaysapxapunistawa, jichhasti jumanakat jayankatax laykux juk'ampiy jaysapxita. Axsartañampi, khathatiñampiy qhispiyasiñamatak ch'amachasipxam;

Apocalipsis 3:17

Jumax sistawa: Nayax qamirïtwa, taqi kunas sumaruw misturapitu, taqi kunan phuqt'atätwa, janiw kunas pist'kituti, sasa. Ukampis janiw amuyasktati: juman aynacht'ata juykhütama, jan kusisiñani, mich'a, q'alalarakïtama.

Apocalipsis 5:10

Jupanakat mä marka tukuytaxa, reyinaka, sacerdotenak Diosatak tukuytaxa, taqi aka uraqpachar apnaqapxañapataki” sasa.