1 Corintios 4:7 - Qullan Arunaka DC

⁷ Ukampis, ¿khitirak jumarusti mayninakat sipan juk'ampi sum churtamsti? ¿Kunatix utjktam uksti, janit Diosasti churktamsti? Jupatix churstam ukasti, ¿kunatarak jach'a jach'a tukta jumas jikxataskasma ukhamsti?

Aymar Bibliia 1986

⁷ ¿Qhitirac jumarusti mayninacat sipansa juc'amp suma tucuytamsti? Jan ucajj ¿cuncha Diosajj jan churctamjja? Diosatejj cunsa churstam ucajj ¿cunataraqui jach'a jach'a tucta jumas ch'amamampi jicjjatcasmas uqhama?

Qullan Arunaca

⁷ ¿Qhitirac jumarusti mayninacat sipansa juc'amp suma tucuytamsti? Jan ucajj ¿cuncha Diosajj jan churctamjja? Diosatejj cunsa churstam ucajj ¿cunataraqui jach'a jach'a tucta jumas ch'amamampi jicjjatcasmas uqhama?

1 Corintios 4:7 Jak'a apnaqawi uñst'ayäwi

Proverbios 2:6

Tatituw yatiñ kankañ churirixa; amuyt'añampi, yatiñ kankañampix lakapat mistu.

Ezequiel 29:3

Jupanakarusti sarakim: “ ‘Tatitux akham siwa: Faraón, Egiptonkir rey, nayax juman uñisirimaruw tukta, jumasti mä jach'a katarir uñtataw jawiraman winkusktaxa, ukatsti saraktawa: Nilo jawirax nayankiwa, nayaw lurt'asta, sasa.

Daniel (hebreo) 5:18

“Alaxpachankir Diosaw Nabucodonosor awkimarux churäna marka apnaqaña, jach'a kankaña, qamir kankaña, taqi jach'añchäwinaksa.

Daniel (hebreo) 5:23

Jan ukasti, alaxpachankir Tatitut larustawa, jupan utapankir qirunakampi aptayanisax, jawsayat jaqinakamamp chikaw uka qirunakat vino umtaxa; ukhamarusa, qurita, qullqita, bronceta, hierrota, lawata, qalat lurat diosanakaruw yupaychtaxa; uka diosanakasti janiw uñjapkiti, janiw ist'apkisa, janirakiw kuns yatipkiti. Janiw jumax Diosar jach'añchktati, juma reyin jakañamax jupan amparapankiwa, kuntix lurkta ukanakasa jupïpan lurasi.

Lucas 19:13

Janïr sarkasasti, tunka uywataparuw jawsäna, sapaqat mayniruw walja qullqi churäna, ukat sarakïna: ‘Nayan kuttaniñaxkamax aka qullqimpi alakip lurapxam’ sasa.

Juan 1:16

Taqiniw jupan jilarkir churäwinakap katuqapxtan; askita, askiru,

Juan 3:27

Juanasti jupanakar sänwa: —Janiw khitis kunsa katuqkaspati janitix Diosax churkaspa ukaxa.

Romanos 1:5

Jesucristo tuqiw apostolüñatak katuqta, lurañanakap phuqhañataki, ukhamat sapa mayni markanakan jupar iyawsas jaysapxañapataki.

Romanos 12:3

Diosax munasiñapan iwxa arunak nayar churatap laykuw taqi jumanakar sapxsma, jan maynis jumanak pachpax jilankatam amuyasipxamti, jan ukasti, kunatix wakiski ukhamak amuyasipxam, kuntix Diosax waxt'äwinak iyawsañamp chika churki ukarjama.

Romanos 12:6

Diosax kunayman waxt'äwinak churistu, kunjämtix sapa maynir churañ munki ukarjama. Ukhamasti, Diosatix jutir urut arsuñ waxt'äwi churchistu ukaxa, iyawsañasax utjkistu ukarjam arsuñäni;

1 Corintios 15:10

Ukampis Diosan khuyapayasiñap laykukiw kunäktix ukätxa; munasiñapasti nayatakix janiw inamayäkiti. Jan ukasti, nayax taqi apostolunakat sipan juk'amp irnaqawayta; janiw nayat irnaqktxa, jan ukasti, Diosawa, jupasti munasiñapan nayarux yanapitu.

1 Corintios 3:5

May sipansti, ¿khitirak Pablosti? ¿Khitirak Apolosti? Jupanakax irnaqirinakakïpxiwa, jupanak tuqiw jumanakax Tatitur iyawsapxta. Jiwasanakat sapa mayniw kuntix Tatitux luram siski uk luri:

1 Corintios 5:6

Jumanakasti janiw kunat jach'achasiñamas utjkiti. Aka säwi yatipxtawa: “Mä juk'a levadurax taqpach t'ant'a masaruw puqtayi” sasa.

1 Corintios 7:7

Nayax taqinis nayjamäpxañam munirista; ukampis Diosax sapa mayniruw kunayman churäwinak churi, maynirux mayja, mayninakarusti mayjaraki.

Santiago 1:17

Kunatix askïki, chiqäki ukax alaxpachankir Diosat juti, jupax alaxpachankir warawaranak lurawayi. Diosax pachpakïskiwa, jupansti janiw mayjt'añasa, ch'amakt'añas utjkiti.

1 Pedro 4:10

Sapa mayniw Diosat kuna luräwinaksa katuqapxtaxa. Uka luräwimpix taqinir yanapt'apxam.