1 Corintios 4:10 - Qullan Arunaka DC

¹⁰ Cristor iyawsapxatax laykux luqhinakarjamaw jaqinakax uñjapxitu; ukatsipana, jumanakarux Cristo laykux ch'ikhinakarjamaw jaqinakax uñjapxtam. Nanakax pisi ch'amanïpxtwa, ukampis jumanakax wali ch'amanïpxtawa. Nanakarux jisk'achapxituwa, jumanakarusti yäqapxtamwa.

Aymar Bibliia 1986

¹⁰ Jumanacasti nanacarojj mä pisi chuyma jakenacarjamaw amuyapjjesta Cristoncatanacajj laycu, uqhamaraquiw jumanacajj take cunsa wali yatir yatiriw tucupjjtajja, Cristotjja wals yatipcasma uqhama. Nanacajj pisi ch'amaquïpjjtwa, jumanacasti wali ch'aman ch'amaniw tuct'apjjtajja. Nanacarojj jakejj jisc'achapjjetuwa, jumanacarusti wali jach'a uñjañampiw uñjapjjaractamjja.

Qullan Arunaca

¹⁰ Jumanacasti nanacarojj mä pisi chuyma jakenacarjamaw amuyapjjesta Cristoncatanacajj laycu, uqhamaraquiw jumanacajj take cunsa wali yatir yatiriw tucupjjtajja, Cristotjja wals yatipcasma uqhama. Nanacajj pisi ch'amaquïpjjtwa, jumanacasti wali ch'aman ch'amaniw tuct'apjjtajja. Nanacarojj jakejj jisc'achapjjetuwa, jumanacarusti wali jach'a uñjañampiw uñjapjjaractamjja.

1 Corintios 4:10 Jak'a apnaqawi uñst'ayäwi

2 Reyes 9:11

Ukatsti kunapachatix Jehú chachax reyin yanapirinakapan ukar kuttkäna ukkhasti, jupanakat mayniw jiskt'äna: —¿Kunas kamachi? ¿Kunarurak uka luqhi jaqisti juman ukar jutataynasti? —sasa. Ukxaruw Jehú capitanax säna: —Jumanakax jupar uñt'apxtawa, kunjäm parlirïtapsa yatipxaraktawa —sasa.

Proverbios 11:12

Jan amuyt'asir jaqix jaqi masipat jan wal parli; amuyt'asir jaqisti amukïskiwa.

Isaías 53:3

taqiniw juparux jisk'achjapxäna, apanukupxarakïna. Usuyasiñapampis wal t'aqhisïna, ukham t'aqhisiñatakis wakicht'atarakïnwa. Taqinis jupar ukham uñjañ janiw munapktanti; jisk'achapxtanwa, janirakiw juparux yäqapktanti.

Oseas 9:7

¡Mutuyäwi urunakax purinxiwa! ¡Luratanakamat katuqañ urux purinxiwa! ¡Israel markax ukanakan puritap yatirakiniwa! Jumanakasti sapxtawa: “Profetax pisi amuyt'an jaqiwa, suma amuyt'ayat jaqisti luqhirakiwa” sasa. Ñanqha lurañanakampi phuqhantatäpxatamata, uñisiñanakaman jach'ätapat ukham sapxtaxa.

Mateo 24:9

“Jumanakarusti, nuwjañataki, jiwayañatakiw katuyapxätam, taqi jaqinakarakiw nayar arkapxatam laykux uñisipxätam.

Mateo 5:11

“Kusisipxam kunapachatix jaqinakax nayar arkapxatam layku tuqipxätam, usuchjapxätam, k'arintapxätam ukkhaxa.

Lucas 10:16

“¡Khititix jumanakar ist'ki ukax nayaruw ist'itu; khititix jumanakar jan katuqapktam ukanakasti nayaruw jan katuqkituti; nayar jan katuqirïki ukasti khithankitu ukaruw jan katuqkiti!”

Lucas 18:9

Jesusax yaqha uñtasïwit parläna, kunjämatix yaqhipanakax jupapach askit uñt'asisin mayninakar jisk'achapkän ukanakaruw sarakïna:

Lucas 6:22

“Kusisiñanïpxtaw kunapachatix jaqinakax uñisipkätam, jupanak taypit jaqunukupkätam, kunayman jan wali sapkätam, sutinakamsa ñanqha sutjam amuyapkani, Jaqin Yuqap layku ukapachaxa.

Hechos 17:18

Yaqhipanakax epicúreo, ukhamarak estoico sat yatiñan jaqinakänwa, jupanakasti Pablompiw jiskhintasipxäna. Mayninakax sapxänwa: —¿Kunxatarak aka jaqist parlisti? —sasa. Yaqhipanakasti sapxarakïnwa: —Yaqha markankir jan uñt'at diosanakat parlir jaqjamakiwa —sasa. Jupanakax Jesusan suma yatiyäwipampita, jiwatat jaktatapampit Pablon arsutap laykuw ukham sapxäna.

Hechos 17:32

Jiwatanakan jakatatañapxat parlir ist'asinsti, mayninakax larusipxänwa, yaqhipanakasti sapxarakïnwa: —Ukanakxat qhipüruw juk'amp parlapxitäta —sasa.

Hechos 26:24

Pablox arsusiñ tukuyxän ukapachasti, Festo jilïrix jach'at art'äna: —Pablo, luqhïtawa. Sinti yatitamaw luqhiptaytam —sasa.

Hechos 9:16

Nayaw juparux uñachayä kunanaktix sutix layku t'aqhisiñap wakiskani uka” sasa.

1 Corintios 1:21

Diosax yatiñ kankañap uñachaykäna ukapachaxa, janiw akapachankirinakax jaqin yatiñ kankañap tuqi Diosar uñt'apkänti, ukat Diosax munasiñapan jupar iyawsirinakarux yatiyäwip tuqi qhispiyañ amtäna, uka yatiyäwix luqhi kankañar uñtatäpasaya.

1 Corintios 1:23

jiwasanakasti ch'akkatat Cristot yatiyapxtan. Ukaw judionakarux chuymap ust'ayi, jan judiöpki ukanakatakisti luqhi kankañarakiwa;

1 Corintios 1:25

Diosan luqhi kankañapjam amuyaschi ukaxa, jaqin yatiñ kankañapat sipansa juk'ampi yatiñ kankañawa; Diosan jan chamanïtapjamak amuyaschi ukasa, jaqin ch'amapat sipansa juk'ampi ch'amaniwa.

1 Corintios 10:12

Ukhamasti maynitix ch'amanjam amuyaschixa, wal amuyaspan, ukatarak tinkuskaspa.

1 Corintios 2:14

Khititix jan Dios chuymäki ukax, janiw Diosan Ajayupankki uka yänak katuqkiti, jupatakix luqhi kankañäkaspas ukhamawa. Janirakiw amuyt'kisa, taqi ukanakax ajay tuqin taripatäñap wakisitap layku.

1 Corintios 2:3

Jumanak nayraqatansti jan ch'amanjama, axsarañatsa khathatisaw uñstapxäyäsma,

1 Corintios 3:18

Janiy khitis jupapach sallqjaspati: maynitix jumanak taypin akapach yatiñ kankañaparjam yatiñan tukchixa, jan kun yatirjamak tukpan, ukhamat chiqpach yatiñan tukuñapataki.

1 Corintios 3:2

Jumanakarux jasa yatichäwik yatichapxsma, kunjämtix mä asu wawarux lecheki manq'a lanti churatäki ukhama, jumanakax janïraw ch'ama yatichäwinak katuqirjamäpkäyätati. ¡Jichhas janïraw katuqirjamäpktati,

1 Corintios 4:8

Jumanakax amuyatax niy qamirïxapxtawa, munatamarjamax taqi kunanïxapxtawa, reyinakjam tukusax janiw nanakar munkxapxistati. ¡Añchakit chiqpach reyinakäpxasma, ukhamat nanakan jumanakampi chik markamankapxañaxataki!

2 Corintios 10:10

Yaqhipax nayan qillqatanakaxax wali ch'aman qhuru arumpi qillqataw sapxiwa, ukampis jupampi parlañax arsutapas jan yäqañjamakiwa, sasa.

2 Corintios 11:19

Jumanakax wali yatiñan jaqïkasinsa, taqi chuymampiw luqhi jaqinakarux katuqapxtaxa,

2 Corintios 11:29

Maynitix usuntchixa, nayax usuntaraktwa; maynirutix tinkuyapxchixa, nayax wal llakista.

2 Corintios 13:9

Ukat nanakax t'ukha kankañankasax kusisipxta, jumanakan ch'amanïpxañamax wakisipuniwa; nanakasti Diosat mayisipkakïwa, jumanakan aski jaqir tukupxañamataki.

2 Corintios 4:12

Ukhamat jiwañax nanakampïñapataki, jakañasti jumanakampïñapatakiraki.

2 Corintios 6:8

Yaqhip urunakax jach'ar aptatäpxtwa, yaqhip urunakasti ñanqhachatäpxtwa; yaqhip urux nanakat sum parlapxi, yaqhip urusti jan walirak nanakat parlapxi. Chiqap parlapkta ukasa, k'ari jaqinakarjamaw uñjapxitu.

1 Tesalonicenses 4:8

Ukhamasti khititix aka yatichäwir jisk'achki ukax janiw khiti jaqirus jisk'achkiti, jan ukasti Diosaruw jisk'achaski, khititix Qullan Ajayup churkistu ukaru.

1 Pedro 4:14

Cristo laykutix jumanakar jan wali arunakamp tuqipxätamxa, kusisiñanïpxtawa, Diosan Ajayupax jumanakampïskiwa.