1 Corintios 14:3 - Qullan Arunaka DC

³ Ukatsipana, khititix profecía arunak yatiyki ukax iglesiar jiltayañatakiw parli, ukampiw ch'amañchi, chuymacharaki.

Aymar Bibliia 1986

³ Ucampis qhititejj Diosan arunacapa parlqui ucajj Diosat catokasinjja jakenacaruw parli iyawsañanacapan jiltapjjañanacapataqui, ch'am catjjatayañataqui uqhamarac chuymachañataquisa.

Qullan Arunaca

³ Ucampis qhititejj Diosan arunacapa parlqui ucajj Diosat catokasinjja jakenacaruw parli iyawsañanacapan jiltapjjañanacapataqui, ch'am catjjatayañataqui uqhamarac chuymachañataquisa.

1 Corintios 14:3 Jak'a apnaqawi uñst'ayäwi

Lucas 3:18

Ukham yaqha walja iwxanakamp churasaw Bautisir Juanax suma yatiyäwinak jaqirux yatiyäna.

Hechos 13:15

Kamachi qillqatampi, profetanakan qillqatapamp ullart'at qhipatsti, sinagogan jilïrinakapax Pablompiru, mayninakampiruw jawsayapxäna akham sasa: —Israelit jilatanaka, jumanakantix kuna iwxt'añanakas utjapxstam ukax, arsusipkakim —sasa.

Hechos 14:22

Uka markanakansti Tatitur iyawsirinakarux ch'amañcht'apxänwa, ixwt'apxarakïnwa: “Tatitur iyawsañanakaman ch'aman sayt'apxam. Diosan markapar mantañatakix, t'aqhisiñax wakisipuniwa” sasa.

Hechos 15:32

Judasampi Silasampix, Diosan profetanakaparakïnwa, arunakapampiw jilatanakar wal chuymacht'apxäna ch'amañcht'apxarakïna.

Hechos 4:36

Jupanak taypin Chipre wat'ankir levita jaqiw utjäna, José sata, juparusti apostolunakax Bernabé sasaw sutichapxäna (uka sutisti “chuymachiri” sañ muni).

Hechos 9:31

Ukapachasti jach'a samarañaw iglesianakan utjxäna, Judeana, Galileana, Samaria uksa tuqinakana. Jupanakasti wali ch'amaniw tukxapxäna. Tatitur axsarasaw sarnaqapxäna, Qullan Ajayun ch'amapampisti, waljaniptapxarakïnwa.

Romanos 12:8

khititix mayninakar ch'amañcht'añ waxt'äwi katuqki ukax, ch'amañchañaruy uchaspan. Yänak churirix jisk'ar tukt'asay churpan; khititix sarayañatak uchatäki ukasti, wali amuyumpi saraypan; khititix pist'atanakar yanapki ukax, kusisiñampiy yanappan.

Romanos 14:19

Ukhamasti kunatix sumankañar irpki, maynit maynikam ch'amañchasiñar irpki uk thaqtapxañäni.

Romanos 15:2

Taqi jiwasanakaw jaqi masisarux kusisiyañasa, ukatsti jupan askipatakiw taqi kunsa lurañasa, purapat jiltañasataki.

1 Corintios 10:23

Jumanakat yaqhipanakax sapxiwa: “Maynix kuntix munki uk lurakispawa” sasa. Ukax chiqawa, ukampis janiw taqpachapun askïkiti. Jïsa, maynix kuntix munki uk luraspawa, ukampis janiw ukax taqinir ch'amañchkiti.

1 Corintios 14:12

Ukalayku, niyakixay jumanakax ajayun churäwinakap katuqañ munapxstaxa, kunanakatix iglesiar jiltaykaspa ukanakan utjañapay munapxam.

1 Corintios 14:17

Juman yuspagaratamax wali sumäskaspawa, ukampis maynitakix janiw askïkaspati.

1 Corintios 14:26

Ukhamax jilatanaka, kunapachatix tantachasipkät ukkhaxa, mayninakax q'uchunak q'uchupxasma, mayninakasti yatichapxasmawa, jan ukax kuntix Diosax sapktam uk qhanañchapxasma, jan ukax jan uñt'at arunakat parlapxasma, uka arunakat qhanañchapxarakisma. Taqi ukanakax purapat jiltañatakïñapawa.

1 Corintios 14:31

Ukhamat taqpachanix maynit maynit parlasax profecía arunak yatiyapxani, ukat taqpachan yatiqañapataki, ch'amañchasiñapatakiraki.

1 Corintios 8:1

Jichhasti yaqha diosanakar luqtat manq'anakat parlapxäma. Chiqpachansa sistanwa: taqiniw chiqpach yatiñ kankañanïtan; ukampis uka yatiñ kankañax jach'a jach'a tukuyi, munasiñasti Diosan markaparux jiltayiwa.

2 Corintios 1:4

Jupaw taqi t'aqhisiñanakasan chuymachistu, ukhamat jiwasanakan t'aqhisirinakar chuymachañasataki, Diosax churkistu uka pachpa chuymachasïwimpi.

2 Corintios 2:7

Jichhasti uka jaqirux pampachaña, yanapt'añaw wakisi, ukhamat llakimpi jan atipjayasiñapataki.

Efesios 4:29

Jan wali arunakax lakamat jan mistpati, jan ukasti mayninakar ch'amañchir suma arunak mistpan, ukhamat ist'irinakatak askïñapataki.

Efesios 6:22

Ukatakiw khithanta, kunjämäsipktix nanakax uk jumanakar yatiyiri, ukhamat jumanakar ch'amañcht'añataki.

Colosenses 4:8

Ukat jumanakan ukar khithanta, kunjämäpktix nanakax uk jumanakar yatiyiri, ukhamarak jumanakar ch'amañchiri.

1 Tesalonicenses 2:11

Sapa mayni jumanakar ch'amañchatanakaxsa, chuymachatanakaxsa yatipxaraktawa, kunjämtix mä awkix wawanakapampi lurki ukhama. Diosankirinakjam sarnaqapxañamatakiw iwxt'apxsma, jupaw qhapaq markapankañamatakix jawsapxtam.

1 Tesalonicenses 2:3

Yatichäwinakaxanxa janiw pantjatäpkäyätti, janirakiw khitirus jan wali amtäwinakampi, sallqjañ amtäwimpis parlapkti.

1 Tesalonicenses 3:2

ukat Timoteo jilatar khithaniñataki, jupasti Criston suma yatiyäwi arunakap parlañan Diosan yanapiripawa. Juparusti jumanakan iyawsäwim thurt'ayañataki, ch'amañchañatakiw khithanipxta,

1 Tesalonicenses 4:1

Jichhasti jilatanaka, aksti Tatit Jesusan sutipxaruw achikt'apxsma, iwxt'apxaraksma: nanakat yatiqapkista ukarjamay Diosar kusisiyañatak jakapxam, kamisatix niy jakapkta, ukat juk'amp sum jakapxarakim.

1 Tesalonicenses 4:18

Ukhamasti aka arunakampiy maynit maynikam ch'amañchasipxam.

2 Tesalonicenses 3:12

Ukham jaqinakarusti Jesucristo Tatitusan munañapxaruw iwxt'apxta: “Jakañatak llamp'u chuymamp irnaqapxpan” sasa.

1 Timoteo 1:4

janirak nayra jaqinakan jan tukuskir parlanakapar ist'apxpati. Ukanakax ch'axwañanakarukiw puriyi, ukatsti janiw Diosan amtäwip yatiñatakix yanapkiti, Diosan amtäwip yatiñatakix jupar iyawsañasaw wakisi.

1 Timoteo 4:13

Nayan puriniñaxkamasti, iglesiankirinakatak Diosan Arunakap ullaram, jupanakarusti ch'amañcham, yaticht'arakim.

1 Timoteo 6:2

Mayninakatix Tatitur iyawsir uywirinakanïchixa, janiw Tatitur iyawsatap laykukit taqi kunansa ist'asirïñapäkixa. Jan ukasti, uywatanakax juk'amp suma uñjañampiw luqtapxañapa, khitinakatix jumanakan aski luräwinakam katuqapktam ukanakax Tatitur iyawsirinakawa, munat jilatanakarakiwa. Ukhamasti, kuntix siskäm uk yaticham:

2 Timoteo 4:2

Tatitun arunakap parlam; wakiski ukkhasa, jan wakiski ukkhas parlapunim. Amuyt'ayam, iwxt'arakim, taqi llamp'u chuymamp yatichas ch'amañcham.

Tito 1:9

Ukhamarakiw uka chiqa yatichat arunak katxäsiñapa, ukhamat yaqhanakar uka suma yatichäwimpi ch'amañcht'añapataki, khitinakatix Tatitur jan ist'añ munapki ukanakar iyawsayañapataki.

Tito 2:15

Akanak jumax yatichañama, ch'amacht'asa, taqi jilïr kankañampi iwxt'asa, jan khitimpis jisk'achayasisa.

Tito 2:6

Waynanakarus suma amuyunïpxañapatak iwxt'am.

Tito 2:9

Uywatanakarusti, uywirinakapar taqi kunan ist'apxañapatak iwxt'am, munasirïpxpan, janirak jupanakarux qallasirïpxpati.

Hebreos 10:25

Janipun tantachasïwinakasar sarañ armasiñäniti, kunjämtix yaqhipanakax armasipki ukhama, jan ukasti, maynit maynikam ch'amañchasipxañäni; Tatitun urup jak'ankatap yatisina.

Hebreos 13:22

Jilatanaka, aka juk'a iwxa arunak taqi chuymay katuqt'asipxam.

Hebreos 3:13

Jan ukasti, maynit maynikam sapür ch'amachasipxam, pachax “jichhür” utjkipana, kunjämtix Qillqatax siski ukarjama, ukat jumanakat jan maynis juchampi atipjayasiñapataki, ukatsti chuymapas jan kutkatasir tukuñapataki.

1 Pedro 5:12

Silvanox nayatakix mä suma aski jilatat uñt'atawa, juparakiw aka qillqat lurañatak yanapt'itu, jumanakar iwxt'añataki, ukhamaraki kuna waxt'äwinaktix katuqapkta ukanakan Diosan chiqa munasiñapätap yatiyapxaraksma. Jupar churatäpan qhapaq kankañasa, munañan kankañasa, wiñayan wiñayapataki.

Judas 1:20

Jumanakasti munat jilatanaka, Tatiturux katuyasipxapunim, Qullan Ajayun irpatarak Tatitut mayisipxam.