1 Corintios 13:5 - Qullan Arunaka DC

⁵ janiw jan walinak parlañäkiti, janiw jupan jaqïñapak munañäkiti, janiw amuk thithiñäkiti;

Aymar Bibliia 1986

⁵ Janiw cuna jan walsa lurquiti, janiraquiw cunsa jupataquiqui munirïquiti, janiw colerasquiti, janiraquiw colerasitapsa imjjäsisquiti.

Qullan Arunaca

⁵ Janiw cuna jan walsa lurquiti, janiraquiw cunsa jupataquiqui munirïquiti, janiw colerasquiti, janiraquiw colerasitapsa imjjäsisquiti.

1 Corintios 13:5 Jak'a apnaqawi uñst'ayäwi

2 Samuel 10:3

amonitanakan jilïrinakapax Hanún sat reyipar sapxänwa: “¿Jumasti walikiw sistati Davidan yanapirinakapan awkiman jiwatapat jumar chuymacht'ir jutapxatapatsti? ¡Jupax markas t'unjañ amtampiw jupanakarux uñaqayir khithanpacha!” sasa.

Job 21:27

Nayax jumanakan lup'itanakam yatta, nayar ñanqha lurañ amtatanakamsa amuyaraktwa.

Proverbios 14:17

Mäki kunatsa mayjt'asir jaqix, jan amuyt'asisaw luri, amuyt'asir jaqisti, llamp'u chuyma uñacht'ayi.

Isaías 3:5

Jupanak taypinsti jan walt'añax walipunïniwa, jupanakkamaw nuwjasipxani, masinakkamas nuwjasxapxakiniwa. Waynanakasti chuyman jaqinakaruw saykatapxani, jisk'achat jaqinakasti, jach'a jilïri jaqinakaruw saykatapxani.

Jeremías 11:19

Nayax mä khariñ ovejar uñtata aliqakiw ukankaskäyäta, janirakiw nayatak jan walinak amtapxatapsa yatkäyätti. Jupanakax sapxänwa: “Jichhax mä quqarjam tinkuyañäni, achunakapsa q'al tukjañäni; aka uraqin jakirinak taypitsa jik'inukuñäni, ukhamat khitis jupat jan mayampi amtasxañapataki” sasa.

Números 12:3

Chiqpachansa, Moisesax taqi akapachan wali llamp'u chuyman jaqïnwa.

Números 16:15

Moisesasti wali q'apisitaw Tatitur säna: —¡Jupanakan waxt'anakap jan katuqamti! Janiw nayax jupanakan mä asnopaksa mayirïkti, janirakiw jupanakat maynirusa jan walinak lurkti —sasa.

Números 32:6

Moisesasti jupanakarux sänwa: —¿Jumanakasti akanti qhiparañ munapxta, marka masinakaman nuwasïwir sarañapkamasti?

Mateo 5:22

Nayasti sapxsmawa, khititix jilapampi phiñasinixa, jupax juchañchatäniwa. Khititix jilapar tuqxani ukasti, Jach'a Tantachasïwinkir jilïrinakan juchañchatäniwa; khititix jilapar ñanqha arunakampi ñanqhachani ukasti, nina infiernor jaquntatäniwa.

Mateo 9:4

Ukampis Jesusax jupanakan lup'itap amuyänwa, ukat jupanakarux jiskt'äna: —¿Kunatarak jumanakasti jan wali amtañanïpxtasti?

Marcos 3:5

Jesusax phiñasitaw jupanakar uñkatäna, jan amuyt'añ munapxatap yatisin llakt'asïna, ukatsti usut jaqiruw säna: —Amparam ayatatam —sasa. Jupasti iyawsasaw amparap ayatatäna, ukatsti k'umarakïxänwa.

Lucas 7:39

Uk uñjasinsti, Jesusar jawsayir fariseo jaqix chuymapan lup'ïna: “Jupatix chiqpach mä profetäspaxa, khititix jupar llamkt'ki ukan jan wali jaqïtap amuyasispawa, aka warmix jan wali sarnaqir warmïchixaya” sasa.

1 Corintios 10:24

Janiw khitis jupa pachpan askipatakik kunsa thaqhañapäkiti, jan ukasti, mayninakan askipatakiw thaqhañapa.

1 Corintios 10:33

Nayasti, taqi kunan taqinir kusisiyañatakiw ch'amachasta, janiw nayan askïñaxak thaqkti, jan ukasti mayninakan askïñap thaqta, ukhamat qhispiyasiñ jikxatapxañapataki.

1 Corintios 11:18

Nayraqataxa, kunapachatix jumanakax tantachasipkta ukkhaxa, jumanak taypin t'aqanuqtañanakaw utji sapxituwa; ukasti amuyatax chiqätapjamawa.

1 Corintios 12:25

ukhamat janchisan jan jaljtañanak utjaskañapataki, jan ukasti, janchisan utjki uka chiqanakax maynit maynikam yanapt'asipxañapataki.

1 Corintios 7:36

Ukampis maynitix parlatapampi jaqichasiñapax niyäxatap amuychixa, maranaksa phuqxarakchi ukaxa, jaqichasiskakpan kunjämaruy amuychi ukhamarjama, ukasti janiw juchäkiti.

2 Corintios 5:19

Chiqpachana, Diosax Cristo tuqiw akapachampi sumankthapiskäna, jaqinakan juchanakap jan amxäsisa; jiwasanakarusti uka sumankayañ yatiyäwi arunak mayninakar yatiyiriw jaytarakistu.

Gálatas 5:13

Jilatanaka, Tatitux jumanakar qhispiyat sarnaqasiñaruw jawsapxtam; jumanakasti jan uka qhispiyat sarnaqasiñ tumpanix janchin munañaparjam sarnaqapxamti, jan ukasti, munasiñ laykuy maynit maynikam yanapt'asipxam.

Filipenses 2:21

Mayninakasti jupanakan yänakapatak llakisisipki, janiw kunatix Jesucristotak askïki uk thaqhapkiti.

Filipenses 4:8

Tukuyañatakisti, jilatanaka, kunatix chiqäki, kunatix maynir aski uñjañäki, kunatix sumäki, kunatix q'umäki, kunatix munkañäki, kunatix aytat luräwinakäki, taqi ukanakatay lup'ipxam. Taqi kunatix sumäki, jach'ar aptañäki ukanakatay lup'ipxam.

2 Tesalonicenses 3:7

Ukampis jumanakax yatipxtawa, kunjämtix nanakat yatiqasis jakapxañamäki uka: nanakax janiw jan irnaqas jumanak taypin jakapkti.

2 Timoteo 2:10

Ukat taqi kunsa t'aqhista Diosan ajllitanakapar munasitax layku, jupanakan qhispiyasipxañapataki, Jesucristo tuqi wiñay jakañ katuqapxañapataki.

2 Timoteo 4:16

Kunapachatix jilïrinakan nayraqatapan arsuskäyät ukkhasti, janiw khitis yanapt'kitänti; taqiniw jaytanukuwayapxitu. Diosax janik uka luratapat juchañchaspati.

Santiago 1:19

Munat jilatanaka, akanak amtapxam: taqi jumanakasti ist'añatakix jank'akïpxam; ukatsipana, parlañatakisa, thithiñatakis k'achakïpxam.