1 Corintios 13:5 - Qullan Arunaca

⁵ Janiw cuna jan walsa lurquiti, janiraquiw cunsa jupataquiqui munirïquiti, janiw colerasquiti, janiraquiw colerasitapsa imjjäsisquiti.

Aymar Bibliia 1986

⁵ Janiw cuna jan walsa lurquiti, janiraquiw cunsa jupataquiqui munirïquiti, janiw colerasquiti, janiraquiw colerasitapsa imjjäsisquiti.

Qullan Arunaka DC

⁵ janiw jan walinak parlañäkiti, janiw jupan jaqïñapak munañäkiti, janiw amuk thithiñäkiti;

1 Corintios 13:5 Jak'a apnaqawi uñst'ayäwi

2 Samuel 10:3

amonitanacan jilïrinacapajj Hanún reyiparojj sapjjänwa: “¿Jumasti waliquiw sistati Davidan yanapirinacapajj awquiman jiwatapat jumar chuymacht'iri jutapjjatapjja? ¡Jupajj marcasa uñjiri, uñakeriraquiw jutapjjpachajja, ucat t'unjañataqui” sasaw sapjjäna!.

Job 21:27

“Nayasti yatiractwa cuntejj jumanacajj nayat amuyapctas ucjja, ñankha amtanacamsa yatiractwa.

Proverbios 14:17

Qhititejj mäqui cunatsa colerasqui ucajja, mäquiraquiwa jan walinacjja lurjjaraqui, ucampis jan mäqui colerasqui ucajja, c'achatacwa luri.

Isaías 3:5

Jupanac taypinsti jan walt'añajj walipunïniwa, jupanaccamaraquiw nuwjasipjjani, amigonaccamas nuwjasjjapjjaquiniwa. Waynanacasti chuymani jakenacataquiw sayt'asipjjani, jisc'achatanacasti, jach'a jilïri jakenacataquiw sayt'asipjjani.

Jeremías 11:19

Nayajj mä qhariñ ovejar uñtata sumaquïscäyätwa, janiraquiw naya toke amtapjjatanacapsa yatcäyätti. Sapjjaraquïnwa: “Jichhajj aca koka tincuyañäni, cunapachatejj wali suma ch'ojjñasqui ucapacha; aca jaquir jakenacan orakepatjja jiq'inucuñäni uqhamat jan qhitis mayampi amtasjjañapataqui.”

Números 12:3

Moisesajj chekpachansa llamp'u chuymani jakënwa acapachanjja.

Números 16:15

Ucatsti Moisesajj wal colerasïna, Tatiturusti sänwa: —Jan ofrendanacapjja catokamti. Janiw nayajj jupanacarojj ni mä asnopsa aparcti, janiraquiw cawquïri jupanacarusa jan wali lurcaracti.

Números 32:6

Ucampisa Moisesajj jupanacarojj sänwa: —¿Jilanacaman nuwasiri sarañcamajj acaruti jumanacajj kheparañ munapjjta?

Mateo 5:22

Ucampis nayajj sapjjsmawa, qhititejj jilapampi colerasinejja, jilïrinacan tantachasïwipanjja juchañchatäniwa, uqhamarac qhititejj jilapar tokjjani ucasti jach'a jilïrinacan tantachasïwipan juchañchatäniwa. Uca quicparaqui ñankha arunacampi ñankhachani, jilapar jan walinac sirejja infierno ninataquïñapawa.

Mateo 9:4

Jesusasti yatiraquïnwa cuntejj jupanacajj lup'ipcän ucjja, ucatwa jupanacarojj saraquïna: —¿Cunatsa uqham jan wali amtañanïpjjta?

Marcos 3:5

Jesusasti colerataw jupanacarojj uñcatäna, jan amuyt'añ munapjjatapa yatisinsti, llact'asïnwa. Usut jakerusti sänwa: —Amparam ayatatam —sasa. Jupasti iyawsasaw amparapjja ayatatäna, ucatsti c'umaraquëjjänwa.

Lucas 7:39

Uc uñjasinsti, Jesusar jawsayir fariseo jakejj chuymapanjja sänwa: “Jupatejj chekpachan mä profetäspa ucajja amuyasispaw qhititï jupar llamct'asqui, uqhamarac cunjäm jan wali sarnaker warmïquitï ucjja” sasa.

1 Corintios 10:24

Jake masisan asquïñap munañasawa, janiw jiwasan asquïñasacti munañasäquejja.

1 Corintios 10:33

Nayajj taketaquis asquïñwa munta. Janiw nayan walïñajjacti jan ucasti mayninacan asquïñapwa muntjja, uqhamata jupanacajj khespiyatäpjjañapataqui.

1 Corintios 11:18

Nayrakatajja, cunapachatï jumanacajj culto lurañataqui tantachasipjjta ucqhajja, jumanacajj jalanoktatäpjjtawa, ucasti amuyatajj chekätapjamawa.

1 Corintios 12:25

uqhamata cuerposanjja jan jaljtañanacajja utjascañapataqui, jan ucasti cuerposanjja maynis maynita llaquiñapataqui.

1 Corintios 7:36

Ucampis maynitejj amuychi parlatapampi casarasiñapajj horasäjjatapa, inampis tiempojj pasjjaspan ucqhajja, lurascacpan cunjämaruy amuychi uqhamarjama. Casarasiscacpan, ucasti janiw juchäquiti.

2 Corintios 5:19

Diosajj acapachampejj Cristo tokwa sumancthapiscäna, jakenacan juchanacapat jan amtasisa. Jiwasarusti uca sumancthapiñ arunacwa jaytawayaraquistu mayninacar churañasataqui.

Gálatas 5:13

Jumanacajj jilatanaca, khespiyat sarnakasiñaru jawsatäpjjtawa, ucampis jan uca libre sarnakasiñ tumpanejj janchin munañaparjam sarnakapjjamti, jan ucasti maynit maynicama yanapt'asipjjañamawa munasipjjatanacam laycu.

Filipenses 2:21

Takenisa jupanacanquiricwa thakapjje, Cristo Jesusataquisti janiw cunsa thakapquiti.

Filipenses 4:8

Ucjjarojj, jilatanaca, lup'ipjjam cunatejj chekäqui, cunatejj maynïr asqui uñjañäqui, cunatejj wali sumäqui, cunatejj k'omäqui, cunatejj muncañäqui, cunatejj aytat luräwinacäqui. Lup'ipjjam, take cunatejj sumäqui yupaychañataquïqui ucanacata.

2 Tesalonicenses 3:7

Jumanacajj yatipjjtawa cunjämtejj nanacar uñtasin jacapjjañamäqui uca, nanacajj janiw jan irnakasa jumanac taypinjja jacapcti.

2 Timoteo 2:10

Ucatwa take cuns t'akhestjja Diosan ajllitanacapar munatajj laycu, jupanacajj Cristo Jesusampi mayachasitasat jutquis uca wiñay jach'a khespiyasiña catokapjjañapataqui.

2 Timoteo 4:16

Cunapachatejj nayrakat arsuscäyätjja autoridadanacan nayrakatapana ucqhajja, janiw qhitis yanapt'quituti; takeniw jaytanucupjjetu. Ucampis janic Diosajj jupanacar juchañchcpati.

Santiago 1:19

Ucatpï munat jilatanaca, sapa maynis jumanacatjja janc'aquïñapaw ist'añataqui, ucampis janiw janc'aqui cunsa parlañapäquiti ni colerasiñapäcaraquisa.