1 Corintios 13:4 - Qullan Arunaca

⁴ Qhitintejj munasiñajj utjqui ucajj llamp'u chuymaniwa, suma jakewa, janiw envidiasirïquiti, janiw jach'a jach'a tucurïquiti.

Aymar Bibliia 1986

⁴ Qhitintejj munasiñajj utjqui ucajj llamp'u chuymaniwa, suma jakewa, janiw envidiasirïquiti, janiw jach'a jach'a tucurïquiti.

Qullan Arunaka DC

⁴ Munasiñanïñax llamp'u chuymanïñawa; khuyapayasirïñawa; janiw uñisisiñäkiti, janiw jach'achasiñäkiti,

1 Corintios 13:4 Jak'a apnaqawi uñst'ayäwi

Génesis 30:1

Raquelasti Jacobotac jan wawanïñ puedisasti, cullacapatjja envidiasïnwa, chachaparusti saraquïnwa: —Wawaniptayita, jan ucasti nayajj jiwjjäwa —sasa.

Génesis 37:11

Jilanacapasti walipuniw envidiasipjjäna, ucampis awquipajj uca samcat wali lup'iscaraquïna.

Nehemías 9:17

Janiw jupanacajj ist'aña munapcänti, ni cuna jach'a luräwinactejj jupanac laycu lurcta ucsa amtañ munapcänti. Jupanacajj chuymanacapa kalarayasisajja mä jilïrwa ajllisipjjäna Egiptoru wastatampi esclavöñaru irpañapataqui. Ucampis jumajj juchanac pampachasiri Diosätawa, mä suma qhuyapayasiriraqui, c'achaquiraqui colerasiñataqui, uqhamarac wali munasiriraqui, ucatjja janiw jaytanucctati jupanacarojja.

Salmos 10:5

Sarnakäwipajj ñankha amtañamp jichuntatawa, juman amuyunacamajj jupataquejj jayanquiwa, timanacapatsti sawcasiwa.

Proverbios 10:12

Uñisiñajj ch'ajjwanacwa utjayi, ucampis munasiñajj take juchanacwa pampachi.

Proverbios 13:10

Jach'a jach'a tucuñajj nuwasiñanacacwa apani, ucampis yatiñ cancañajja llamp'u chuymaninacampiwa.

Proverbios 17:14

Ch'ajjwaña kalltañasti, umasa jilarcaspa uqhamawa; uca ch'ajjwañata jithektañasti juc'ampi asquiwa.

Proverbios 17:9

Qhititejj jan wali luratata perdonqui ucajja, juc'ampi suma munasiñwa utjayi; qhititejj jan wali luratata parlascaqui ucajja, jake masiparojja juc'ampiwa jithekayi.

Proverbios 19:22

Mä jakenjja suma chuymanïñapawa munasi; apjasiri jakëñata sipansa, juc'amp asquiwa pobre jakëscaña.

Proverbios 31:20

Pobrenacarusa, uqhamarac pist'ayasiñan jicjjatasqui ucanacarusa qhuyapt'ayasipuniraquiwa.

Proverbios 31:26

Jupajj yatiñampiwa parli, ucatsti munasiñampiw yaticharaqui.

Eclesiastés 10:4

Reyitejj jumataqui coleraschi ucajja, jan amuyumjja mayjt'ayascamti; jach'a pantjasïwinacarojja llamp'u chuymampiwa atipjätajja.

Mateo 27:18

Pilatojj amuyänwa uca jakenacajj envidiatac Jesusar catuntayatapa.

Hechos 7:9

“Uca Jacobon wawanacapajj jiwasanacan awquinacasaraquiwa. Jupanacasti José jilapatjja envidiasipjjänwa. Ucatwa aljantawayapjje Egipto marcar apatäñapataqui, ucampis Diosajj Joseampïscänwa.

Romanos 1:29

Cunayman jan chekap lurañanacampi phokhantatäpjjaraquiwa [k'añu lurañanacampi,] ñankha amtañampi, mich'asiñampi, jan wali amtañampi, envidiasiñampi, jak jiwayañampi, uñisisiñampi, sallkjasiñampi, maynit mayni contra parlañanacampi phokhantatäpjjewa.

Romanos 13:13

Sarnakäwinacasajj khananquirinacanjamäñapawa, jan machañanacanjj jacañäniti, janiraqui jach'a mank'äwinacansa, ni wachoka jucha lurañanacansa, ni cuna casta quejanacansa, ni envidiasiñanacansa.

1 Corintios 3:3

Jumanacajj janchin munañanacaparuquiw sarnakasipcta, ucatwa jumanac taypin envidiasiñanacasa, ch'ajjwañanacasa, jaljtañanacasa utjasqui. Ucanac lurasajj alek jakenacaquïsipctawa, mayninacar uñtataraquiw cunsa lurasipctajja.

1 Corintios 4:18

Jumanacatjja yakhepanacajj wali jach'a jach'aw tucupjje, amuyapjjaraquiwa nayajj janis mayampsa jumanacar cuttancjjeristjja uqhama.

1 Corintios 4:6

Jilatanaca, acanacsti jumanacan asquimataquiw parlapjjsma, Apolosampita naya pachpampita amuyt'ayasa. Acjja sistwa jumanacajj jan cunatejj kellkatäqui ucatjja inampst'apjjañanacamataqui, uqhamata jan qhitis mayniru jisc'achañapataqui ni maynirusa wal jach'achañapataqui.

1 Corintios 5:2

Uqhamäcasinsa jumanacajj jach'a jach'aw tucupjjtajja. Uqhamïpansti, ucatjj wal llaquisipjjañamawa. Uca lurir jakesti jumanac taypitjja alisnucutäñaparaquiwa.

1 Corintios 8:1

Jichhajj yakha diosanacar sacrificion churatäquis uca aychanac mank'añanacjjat parlapjjaraquïma. Chekpachansa takeniw aca toketjja yattanjja. Ucampis uca yatitasajja jach'a jach'wa tucuyistu, munasiñasti ajayu tokenwa jiltayaraquistu.

2 Corintios 12:20

Mä toketjja ajjsararactwa, cunapachatï purincä ucqhajj jan inas jumanacarojj cunjämtï muncta uqham jicjjatapcchïmati, ni jumanacas nayarojj cunjämtï munapcta uqham jicjjatapcchitätati. Inas utjchini ch'ajjwañanaca, envidiasiñanaca, colerasiñanaca, maynic cuns munirïñanaca, c'umisiñanaca, jach'a jach'a tucuñanaca, pejjtusiñanaca.

2 Corintios 6:6

Take ucanacsti uñacht'ayapjjaractwa suma sarnakatanacajjampi, cunatejj chekäqui uc uñt'apjjatanacajjampi, llamp'u chuymanïpjjatajjampi, suma chuymanïpjjatajjampi, uqhamarac Kollan Ajayojj nanacampïtap laycu chekpach munasiñanïpjjatajj laycuraqui,

Gálatas 5:26

Janiw jach'a jach'a tucuñasäquiti, uqhamat maynimp maynimp jan walt'ayasiñataqui, jiwascamas janiraquiw envidiäsiñasäquiti.

Efesios 4:2

Llamp'u chuymanïpjjam, munasirinaca, paciencianïpjjaraquim maynit maynicama munasiñan sarnakasa.

Efesios 4:32

Sumancapjjam, maynit maynicama qhuyapt'ayasirïpjjam, perdonasirïpjjaraquim maynit maynicama, cunjämtejj Diosajj jumanacaru perdonapjjtam Cristo toke uqhama.

Filipenses 1:15

Chekpachansa yakhepanacajj Cristotjja parlapjjaraquiw uñisisiñata, ch'ajjwañampita, ucampis yakhepanacajj suma amtäwinacampiw yatiyapjjaraqui.

Colosenses 1:11

Mayipjjaractwa jupa quipca jumanacarojj alajjpach ch'amapampi, ch'amani tucuyañapataqui, uqhamata take cunsa llamp'u chuymampi cusisiñampiraqui lurapjjañamataqui,

Colosenses 2:18

Jan chhakañaru apayasipjjamti qhitinacatejj wali suma chuymanit uñt'ayasipqui, uqhamarac angelanacar yupaychiri tucupqui ucanacampejja. Jupanacajj uñanchäwinacs uñjapcaspa uqhamäpjjewa, ucatsti amuyt'anïpjjatap laycuraquiw wali jach'a jach'a tucupjje.

Colosenses 3:12

Diosajj jumanacarojj munapjjtamwa, jupancapjjañamataquiw ajllisipjjtam. Uqhamajj qhuyapayasiñampi, suma jakëñampi, jisc'ar tucuñampi, llamp'u chuymanïñampi isthapitay sarnakapjjam.

1 Tesalonicenses 5:14

Sapjjaracsmawa, jilatanaca, jan irnakañ munirinacarojja ewjjt'apjjam, mayjt'atanacarojj ch'amañcht'apjjam, t'uqhanacarusti yanapt'apjjaraquim, takenimpis llamp'u chuymanïpjjaraquim.

1 Timoteo 6:4

uquïrejj janiw cuns yatquiti, jan ucasti jach'a jach'a tucuriquiwa. Arunacjjata tokesiñ amtäwimpi usutawa. Acatwa utji envidiasiñanacajja, ch'ajjwañanacasa, usuchjasiñanacasa, uqhamarac pächasiñanacasa,

2 Timoteo 2:25

Jan ist'asirinacarusti llamp'u chuymampi ewjjt'añaparaquiwa, inampis Diosajj jan wali luräwinacapat cuttayasincaspa, uqhamat jupan cheka arunacap uñt'apjjañapataqui.

2 Timoteo 3:10

Ucampis jumajj sumwa arcawayta nayan yatichäwinacajjaru, sarnakatajjaru, amtäwejjaru, iyawsäwejjaru, llamp'u chuymanïtajjaru, munasiñajjarusa,

2 Timoteo 4:2

Tatitun arunacap parlam; waquisqui ucqhasa, jan waquisqui ucqhas parlapunim. Amuyt'ayam, ewjjt'araquim, ewjjanacs churaraquim, take llamp'u chuymampi yatichasa.

Tito 3:3

Jiwasajj nayrajj uqham jan amuyt'anïpjjaraquïyätanwa, Diosar jan jaysiri, chhaktata, uqhamarac cunayman jan wali munañanacan esclavopäyätanwa. Ñankha lurañanacana, envidiasiñanacana jacascaraquïyätan uñisita, uqhamaraqui jiwascam uñisisisa.

Santiago 4:5

Ucatpï Diosan arupajj sejja: “Cuna ajaytï Diosajj jiwasan jacayqui ucajj wali munistu” sasa.

1 Pedro 2:1

Ucatpï jilatanaca, jumanacajj apanucupjjam take jan wali luräwinaca, take sallkjasiñanaca, k'oma k'oma tucuñanaca, envidiasiñanaca, arunac apnakasa jakjjat parlasiñanaca.

1 Pedro 3:8

Uqhamasti jumanacajj suman sarnakapjjam, qhuyapayasipjjaraquim jumanaccamajja jilapurjama munasisa, llamp'u chuymanïpjjaraquim.

1 Pedro 4:8

Ucat sipansa jumanacanjja munasiñajj utjapunpan, munasiñasti walja juchanacwa perdonaraqui.

2 Pedro 1:7

Diosar munañarusti, jilapurjam sarnakañampi; jilapurjam sarnakañarusti, munasiñampi.

1 Juan 4:11

Munat jilatanaca, Diosatejj uqham munchistojja, jiwasanacajj munasiñasaraquipï maynit maynicama.