Sofonías 3:12 - Qullan Arunaca

¹² Nayasti jumanac taypirojja llamp'u chuymani, asqui jakenaca jaytawayä, cawquïrinacatï nayan sutejjaru iyawsapcani ucanaca.

Aymar Bibliia 1986

¹² Nayasti jumanac taypirojja llamp'u chuymani, asqui jakenaca jaytawayä, cawquïrinacatï nayan sutejjaru iyawsapcani ucanaca.

Qullan Arunaka DC

¹² Nayasti jumanak taypirux llamp'u chuymani, aski jaqinak jaytawayä, jupanakasti nayar iyawsas sarnaqirïpxaniwa.

Sofonías 3:12 Jak'a apnaqawi uñst'ayäwi

Esdras 9:8

Ucampis jichhajja nanacan Tatit Diosajja, juman qhuyapayasiñam laycuwa nanacata mä tamajja samarat jacañana jicjjatasipjjäna, uqhamatwa nanacar wact'ayapjjesta kollana orakena jacäwinacajja utt'ayañataqui; jumawa machak khana jacañanacajjaru churapjjesta, t'akhesiñanacajja taypina mä juc'a samsuñsa churasaraqui.

Salmos 37:40

Tatituw jupanacar khespiñ yanapi, khoru jakenacan amparapat jaltayi, khespiyaraqui, jupar takpach chuymamp thakapjjatap laycu.

Isaías 14:30

Pobrenacataquejj nayan orakejjanjja pastojj utjaniw uywanacapataqui, jan kollken jakenacasti sumaquiraquiw samarasipjjani. Ucampisa nayajj jakenacamarojj mank'at jiwarayä, mä juc'a jilt'irinacarusti jiwarayaraquïwa.

Isaías 14:32

¿Camsaracsna jichhasti uca marcat qhitanitanacarusti? Tatituw Sionarojj ch'am churi sum sayt'asiñapataqui, marcapan llaquitanacasti ucanwa samarañ jicjjatapjjani.

Isaías 29:19

Llamp'u chuymani jakenacasti Tatitunwa cusisipjjani, juc'ampi pobrenacasti cusisipjjaraquiniwa, Israelan kollan Diosapana.

Isaías 50:10

Jumanaca qhitinacatejj Tatitur jach'achapjjta ucanacajja, sirviripan arunacapsa ist'apjjaracta, inas ch'amacan sarnakapjjsta, jan mä jisc'a khanani, Tatitur take chuyma iyawsapjjam, Diosamaruraqui jaysapjjam.

Isaías 6:13

Inas mä kawkha jakenaca kheparapjjchini, ucanacas tucjataraquïniwa, cunjämatejj mä kokajj qhuchhunucusejja ucatsti tronco sapaquiw kheparjje —sasa. (Ucampis uca troncotjja mä suma kollana aliw ch'ichtanjjani).

Jeremías 17:7

“Ucampisa, kollanawa cawquïri jaketejj nayaru iyawsquitu, uqhamaraqui take suyt'añapsa nayaru usccaraqui ucajja.

Jeremías 50:20

Naya Tatituw ucjja arsta: Uca urunacanjja Israel, uqhamaraqui Judá marcasa, take juchanacapatjja khespiyatäjjapjjaniwa, nayaw perdonaraquï, qhitinacarutejj jacañani jaytapcän ucanacaru.

Ezequiel 6:8

Ucampisa nayajj jumanacatjja mä kawkhaniru jiwañat khespiyaraquïwa, ucanacasti yakha marcanac taypin willitatataw jacapjjani.

Miqueas 5:6

Jupanacaw Asiria marcjja apnakapjjani, Nimrod marcsa uqhamaraqui, espadampiw apnakapjjani, asirionacatsti khespiyapjjaraquistaniwa, qhitinacatejj orakesan korpanacapa pasantanisin sarnakapqui ucanacata.

Nahúm 1:7

Tatitojj wali suma Diosawa, llaquisiñ horasansti arjjatasiriraquiwa; jupasti arjjataraquiw qhitinacatejj jupar iyawsapqui ucanacarojja.

Zacarías 11:11

Qhä urunsti arust'äwejjajj tucusjjänwa, uñch'uquisipquitäna uca oveja alaquipanacasti, amuyjjapjjänwa Tatitu parlascatapa cuntejj nayajj lurascäyäta uca toke.

Zacarías 11:7

Ucatsti qhariñataqui yakhachatäqui uca ovejanac uñjañaruw uchasta. Ucsti lurtwa uywa alaquipanac laycu. Jicjjatasiractwa pä thujrunaca: maynirojj suticharactwa “Waliquïscaña”, maynirusti suticharactwa “Mayaquïña” sasa.

Mateo 11:5

Juyqhunacajj uñj-jjapjjewa, cojonacas sarnakapjjaraqui, lepra usuninacas kollataraqui, okaranacas ist'apjjaraqui, jiwatanacasti jactayataraquiwa, uqhamarac pobrenacarus khespiyasiñan utjatapajj yatiyataraquiwa.

Mateo 12:21

Takpacha marcanacaraquiw juparojj iyawsas suyt'apjjani.”

Mateo 5:3

“Cusisiñanïpjjew qhitinacatejj ajay token aynacht'atäpjjatap amuyasipjje ucanacajja, Diosan reinopajj jupanacancaraquiwa.

Romanos 15:12

Isaías profetajj saraquiwa: “Isaí chachan saphipatwa sartanini. Jupasti marcanacar apnakeriw sartani. Ucatpï jupanacajj jupar suyt'apjjanejja.”

Santiago 2:5

Munat jilatanacajja, ist'apjjam aca arunaca: Diosajj aca oraken pobrenacaruw ajlli, jupanacajj iyawsañanacapanjja kamirïpjjañapataqui, uqhamarac Diosan reinopsa herenciat catokapjjañapataqui, cuntejj jupajj churapjjämaw sisqui jupar munirinacarojj ucanacataqui.

1 Pedro 1:21

Jumanacasti Cristo tokeraquiw Diosarojj iyawsapjjtajja. Uca Diosaraquiw Cristorojj jiwatanacat jactayi, jach'aru tucuyaraqui; uqhamasti jumanacajj Diosaruw iyawsapjjtajja, suyt'apjjaractasa.