Rut 4:6 - Qullan Arunaca

⁶ Uca arunac ist'asasti uca familiajj sänwa: —Uqhamïpanjja janiw nayajj alasisin khespiyquiristi, herenciajjaru jan walt'ayirjamätap laycu. Jumatejj alasisin khespiyañ munstajja, nayasti jumaruw khespiyañamataqui cunatejj wact'quitu ucjja churjjsma —sasa.

Aymar Bibliia 1986

⁶ Uca arunac ist'asasti uca familiajj sänwa: —Uqhamïpanjja janiw nayajj alasisin khespiyquiristi, herenciajjaru jan walt'ayirjamätap laycu. Jumatejj alasisin khespiyañ munstajja, nayasti jumaruw khespiyañamataqui cunatejj wact'quitu ucjja churjjsma —sasa.

Qullan Arunaka DC

⁶ Uka arunak ist'asasti uka wila masix sänwa: —Ukhamïpanxa janiw alaskiristti, janiw nayax wawanakaxar jan walir uchañ munkti. Ukampis jumatix alasiñ munstaxa, alasiskakim, kuna lurañatix nayar wakt'kitu uk jumaruw churxsma —sasa.

Rut 4:6 Jak'a apnaqawi uñst'ayäwi

Génesis 38:8

Ucat Judäjj Onanarojj saraquïna: —Jilaman viudapampi casarasim, ucat cuñadon luräwinacap phokharaquim, uqhamat jilamajj juma toke wawanïñapataqui —sasa.

Levítico 25:25

“Mayni marca masimatejj aynacht'ata uñjasini, ucat orakepa jumar aljätamjja, ucapachasti mayni jac'a familiapaw jutani, ucat uca orakjja cutsuyjjaraquini, cuntejj familiapajj aljcatayna uca.

Deuteronomio 25:7

Ucattejj uca jakejj jan cuñadapampi casarasiñ muncan ucqhajj warmejj tribunalar uñstiriw sarani uca jilïrinacar aqham siri: ‘Nayan cuñadojjasti janiw jilapan sutipajja Israel marcan jacañapjja munquiti, janiraquiw nayampis familiachasiñsa munquiti’ sasa.

Deuteronomio 25:8

Ucapachasti marcan jilïrinacajj juparojj jawsayapjjaniwa jupampi parlañataqui, ucattï jupajj jan muncani uca warmimpi casarasiñjja,

Deuteronomio 25:9

ucqhasti cuñadapajj uca jakerojj jac'achasisinjja, take jilïrinacan uñjcataw cayupatjja wisqhupa apsuni, ucatsti ajanupat thuscataraquini, aqham sasa: ‘Aqhamaw lurañajj cawquïri jaketï jan jilapan sutip sarayañ munqui ucarojja’ sasa.

Rut 2:20

Noemí warmisti juparojj saraquïnwa: —¡Diosasti juparojj bendizpan! Jupasti jichhajj jiwasarojj sum uñjistu, cunjämatï nayrajj jiwirinacampi lurcäna uqhama. Uca jakesti jiwasan familiasawa, ucatwa jiwasaru khespiyañapajj wact'i.

Rut 3:13

Uqhamasti jichha arumajj acar kheparam. Arumanthitejj jupajj familiapätap laycu jumar khespiyañ munchejja, khespiypan; janitejj phokhañ muncchejja, nayaw Dios nayrakatan khespiyäma. Jichhasti icjjam arumanthcama —sasa.

Rut 3:9

Ucat jisct'araquïna —¿Qhitïtas jumajja? —sasa. Rut warmisti saraquïnwa: —Nayasti Rut uywatamätwa. Jumasti nayan familiajjätawa, ucatwa jumarojj wact'tam nayar khespiyañamajja. Jichhasti aca uywatamarojj iquiñamampi janjjatam —sasa.