Rut 4:6 - Qullan Arunaka DC

⁶ Uka arunak ist'asasti uka wila masix sänwa: —Ukhamïpanxa janiw alaskiristti, janiw nayax wawanakaxar jan walir uchañ munkti. Ukampis jumatix alasiñ munstaxa, alasiskakim, kuna lurañatix nayar wakt'kitu uk jumaruw churxsma —sasa.

Aymar Bibliia 1986

⁶ Uca arunac ist'asasti uca familiajj sänwa: —Uqhamïpanjja janiw nayajj alasisin khespiyquiristi, herenciajjaru jan walt'ayirjamätap laycu. Jumatejj alasisin khespiyañ munstajja, nayasti jumaruw khespiyañamataqui cunatejj wact'quitu ucjja churjjsma —sasa.

Qullan Arunaca

⁶ Uca arunac ist'asasti uca familiajj sänwa: —Uqhamïpanjja janiw nayajj alasisin khespiyquiristi, herenciajjaru jan walt'ayirjamätap laycu. Jumatejj alasisin khespiyañ munstajja, nayasti jumaruw khespiyañamataqui cunatejj wact'quitu ucjja churjjsma —sasa.

Rut 4:6 Jak'a apnaqawi uñst'ayäwi

Génesis 38:8

Judá awkipasti Onán yuqapar säna: —Jilaman ijmapampi jaqichasim, jilam lanti luräwinak phuqham, ukhamat jiwat jilaman juma tuqi wawanïñapataki —sasa.

Levítico 25:25

“Mayni marka masimatix aynacht'at uñjasini, ukat uraqipa jumar aljätam ukaxa, mayni jak'a wila masipaw kuntix wila masipax aljkatayna uka uraq kutsuyir jutani.

Deuteronomio 25:7

Ukattix uka jaqix jilapan ijmapampi jaqichasiñ janipun munkanixa, warmix jilïrinakar yatiyiriw sarani akham sasa: ‘Jiwir chachaxan jilapaxa, janiw Israel taypin jilapan sutip jakayañ munkiti, janiw jupax jila kankañ phuqhañ munkiti’ sasa.

Deuteronomio 25:8

Markan jilïrinakapasti juparuw jawsayapxani jupamp parlañataki, jupatix uka warmimpi jan jaqichasiñ munkani,

Deuteronomio 25:9

ukapachasti warmix taqi jilïrinakan uñjkataw chachapan jilapar jak'achasisin kayupat wiskhup thatsuni, ukatsti ajanupat thuskatarakini, akham sasa: ‘Akhamaw luraña khiti jaqitix jilapan sutip jan jakayañ munki ukaruxa’ sasa.

Rut 2:20

Noemí mamasti yuxch'aparux sarakïnwa: —¡Uka chachax Tatitun aski waxt'äwip katuqpan! Jupasti jichhax jiwasar khuyapayistuwa, kunjämtix nayrapachax jiwir wila masinakasar khuyapt'ayirïkän ukhama. Uka jaqix jiwasan jak'a wila masisawa, jupaw wila masinak taypit jiwasar khuyapt'ayasistaspa —sasa.

Rut 3:13

Ukhamasti, jichha arumax akar qhiparam. Arumanthiw uka wila masimax jumar arxatañ munchispa jan munchispa uk yatiñäni; janitix phuqhañ munkanixa, Tatit nayraqatan arsta, nayaw jumar arxatäma. Jichhasti qhanjtaniñapkam ikt'xam —sasa.

Rut 3:9

—¿Khitïtas jumaxa? sasaw Booz chachax jiskt'äna. Rut warmisti sarakïnwa: —Tata, nayax Rut uywatamätwa, jumax nayan wila masixätawa, nayar arxatañamax wakt'tamwa. Jichhasti nayampi jaqichasiñam mayiñ munsma —sasa.