Rut 2:13 - Qullan Arunaca

¹³ Jupasti Booz chacharojj saraquïnwa: —Jumasti wali suma jakëtawa nayataquejja arunacamasti ch'amañchituwa, nayarojj munasiñ arumpiw parlista, nayasti janiw mä uywatamjamäctsa —sasa.

Aymar Bibliia 1986

¹³ Jupasti Booz chacharojj saraquïnwa: —Jumasti wali suma jakëtawa nayataquejja arunacamasti ch'amañchituwa, nayarojj munasiñ arumpiw parlista, nayasti janiw mä uywatamjamäctsa —sasa.

Qullan Arunaka DC

¹³ Rut warmisti Booz chacharux sarakïnwa: —Tata, jumax wali suma jaqipunïtawa, arunakamasti chuymachituwa. Jan uywatamäkta ukasa, nayarux munasiñ arumpiw parlxt'ayista —sasa.

Rut 2:13 Jak'a apnaqawi uñst'ayäwi

Génesis 32:6

Cunapachatejj qhitanacajj cuttjjapjjäna ucqhasti Jacoborojj sapjjänwa: —Esaú jilamar uñjirejj sarapjjtwa, jichhasti jupa quipcaw juti jumar catokañataqui, pusi pataca jakenacampi compañt'ata cuna —sasa.

Génesis 33:10

Ucampisa Jacobojj sascaquïnwa: —Janiw uqhamäcaspati. Nayajj achict'assmawa, juman nayrakatamantejj qhuyapayasiñam jicjjatsta ucapachajj catoketay aca wajjt'äwjja, jumar uñjatajjasti Diosarus uñjquirista uqhamawa, niyaquejjay jumajj wali suma catokchistajja.

Génesis 33:15

—Waliquiwa —sasaw Esaú jilapajj saraqui—. Mä kawkha jakenaca, nayampi chica jutapquis ucanaca jaytawayäma —sasa. Jacobosti saraquïnwa: —Janicucha, achict'assmawa. Jan jumajj ucatjja llaquiscamti, waliquïscaniwa —sasa.

Génesis 33:8

Esausti acatjamatwa jisct'äna: —¿Cunsa luräta take uca uywa tamanacampejja, cuntejj jutasin uñjancta ucanacampejja? —sasa. —Ucajj juman nayat qhuyapt'ayasiñamataquiwa —sasaw Jacobojj saraquïna.

Génesis 34:3

Ucampisa uca Siquem jakejj sintipuniraquiw Dinarojj munatayna, ucatsti cunayman toketwa munayasiñ munäna.

Génesis 43:14

Take ch'aman Diosasti uca jakerojj suma chuyma churpan jumanacar sumaqui uñjañapataqui, uqhamata mayni jilamaru, Benjaminarus libre antutaniñapataqui. Ucampisa, ¡nayan jan wawanïñajjatejj waquischi ucqhajj, uqhamäpanaya! —sasa.

2 Samuel 16:4

—Waliquiwa, jichhasti take cunatejj Mefi-bosetanccäna ucanacasti jumancjjaraquiwa —sasaw reyejj saraquïna. —¡Nayatjja, jach'a rey, qhuyapt'ayasipunistawa! —sasaw Sibajj reyin nayrakatapan alt'asiraquïna.

Proverbios 15:33

Tatitur ajjsarañajj yatiñ cancañwa utjayi; llamp'u chuyman tucuristi jach'ar aptatawa.

Oseas 2:16

Ucapachaw nayarojj sitani: ‘Nayan chachajja’ sasa, ‘Baal diosajja’ siscamayajja. Naya Tatituwa ucjja arsta.

Filipenses 2:3

Jan cunsa lurapjjamti purapat ch'ajjwasajja, ni jach'a jach'a tucuñ munasasa, jan ucasti alt'at chuymampi lurapjjam, maynit mayniru uñjasipjjam, maynejj jupat juc'amp sumäcaspas uqhama.

Jueces 19:3

levitajja utap thakheriw saräna irptanjjañataqui. Jupasti mä uywatapa irpäna, uqhamarac pä asnompi. Uñt'atapajja awquipan utapanjja sumaquiraquiw catokaraquïna.

Rut 2:12

¡Diosaw jumar cuttayjjätam! ¡Israel marcan Diosaparu thakctajja ucaw bendicïtam take luratanacamata!

Rut 2:14

Mank'aña horasasti, Booz chachajj Rut warmirojj jawsänwa aqham sasa: —Jutam, t'ant'a aptasim, ucatsti aca vinagreru chilltasim —sasa. Rut warmisti cebada yawthapir jakenacamp chicaw kont'asïna, ucatsti Booz chachajj cebada jamp'i wajjt'äna. Jupasti sist'asiñcamaw mank'äna, uqhamarac jilt'ayañcama.

1 Samuel 1:18

—Waliquiw, tatay, yuspagarsmawa —sasaw Anajj säna. Ucatsti Anajj cawqhattejj jutcän ucqharuw cuttanjjäna, mank'asiriw sarjjaraqui, janiraquiw mayamps llaquiscjjänti.

1 Samuel 25:41

Abigail warmisti ucanac ist'asinjja wali ajjsartañ chuymampiw orakcama alt'asïna, ucat saraquïna: —Nayajj jupan mä sirviripaquïtwa. Jupan esclavonacapan cayunacap jariñataquisa janc'aquiraquïtwa, jupatejj uqham luram sitaspa ucapachajja —sasa.