Rut 1:20 - Qullan Arunaca

²⁰ Ucampis Noemí warmejj jupanacarojj saraquïnwa: —Jan Noemí sapjjestati, jan ucasti Mara sapjjeta. Take ch'amani Diosasti nayarojj jach'a llaquisiñanacwa apayanitu.

Aymar Bibliia 1986

²⁰ Ucampis Noemí warmejj jupanacarojj saraquïnwa: —Jan Noemí sapjjestati, jan ucasti Mara sapjjeta. Take ch'amani Diosasti nayarojj jach'a llaquisiñanacwa apayanitu.

Qullan Arunaka DC

²⁰ Noemí mamasti, jupanakarux sänwa: —Jan juk'amp Noemí sapxistati, jan ukasti Mará sapxita. Taqi ch'amani Tatitux jach'a llakisiñanak nayar apayanitu.

Rut 1:20 Jak'a apnaqawi uñst'ayäwi

Génesis 17:1

Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

Génesis 43:14

Take ch'aman Diosasti uca jakerojj suma chuyma churpan jumanacar sumaqui uñjañapataqui, uqhamata mayni jilamaru, Benjaminarus libre antutaniñapataqui. Ucampisa, ¡nayan jan wawanïñajjatejj waquischi ucqhajj, uqhamäpanaya! —sasa.

Job 11:7

“¿Jumasti amuytati Diosan jach'a amtäwinacapar mantaña, ucatsti cunäquitejj jupajj uca yatiñsa?

Job 19:6

Jichhasti yatipjjam, pachpa Diosaw nayarojj aynacht'ayitu, jupaw nayarojj sipitaru jalt'ayaraquitu.

Job 5:17

“Cusisiñaniwa cawquïri jakerutejj Diosajj chekachqui ucajja. Take ch'amani Diosan chekachäwipjja jan jisc'achamti.

Job 6:4

Take ch'amani Tatitusti nayarojj flechanacapampiw usuchjitu, uca flechanacan venenopasti take venajjancaraquiwa. Diosajj nuwasiñanacapampi ajjsarayañanacampiw phokt'itu.

Job 9:18

Llaquisiñanacampiquiw nayarojj phokhantitaspa, janiw samsuycaraquitaspasa.

Salmos 73:14

Jan inact'asaw nuwat uñjasta, sapa willjtaw t'akhesiyat uñjasiracta.

Salmos 88:15

Wayna cancañajjatpach llaquit uñjasta, jiwa korpan uñjasiracta; ajjsarcay jan walinac jumat catoksma, janiw juc'amp catokerjamäcti.

Éxodo 15:23

Ucampis Mara sat chekaru purisasti, janiwa ucan utjir umjja umt'añ puedipcänti wali jarütap laycu. Ucatwa uca chekarojj “Jaru” sasa sutichapjjäna.

Éxodo 6:3

Nayawa uñsttjja Abrahamaru, Isaacaru, Jacoboru, take ch'aman Dios sat sutimpi. Ucampis nayajja jupanacarojj TATITU sat cheka sutejjampejj janiw uñt'ayascti.

Isaías 38:13

Usuñajjansti pakariraquiw warartjja, mä leonas ch'aqhanacajj t'unarcaspa uqhama. Uruy arumaraquiw t'akhesiyistajja.

Hebreos 12:11

Chekpachansa janipuniraquiw cuna mutuyäwi catokasas —Walic mutuyitojj —sisctanti, jan ucasti usustuwa, qhitinacatejj uca mutuyäwi toke yatekapjje ucanacajj mä suma asquin samarañanracwa jacapjje.

Apocalipsis 1:8

“Nayätwa kalltasa tucuyasa, A, Z letranacjama”, siw jach'a ch'amani Tatitojja, uca Diosasti utjascapunïnwa, utjascaquiwa, jichhas utjascaquiniwa.

Apocalipsis 21:22

Janiraquiw cuna templsa ucanjja uñjcti, pachpa Diosaraquiw ucanjja templojja, uqhamarac Corderosa.