Rut 1:20 - Qullan Arunaka DC

²⁰ Noemí mamasti, jupanakarux sänwa: —Jan juk'amp Noemí sapxistati, jan ukasti Mará sapxita. Taqi ch'amani Tatitux jach'a llakisiñanak nayar apayanitu.

Aymar Bibliia 1986

²⁰ Ucampis Noemí warmejj jupanacarojj saraquïnwa: —Jan Noemí sapjjestati, jan ucasti Mara sapjjeta. Take ch'amani Diosasti nayarojj jach'a llaquisiñanacwa apayanitu.

Qullan Arunaca

²⁰ Ucampis Noemí warmejj jupanacarojj saraquïnwa: —Jan Noemí sapjjestati, jan ucasti Mara sapjjeta. Take ch'amani Diosasti nayarojj jach'a llaquisiñanacwa apayanitu.

Rut 1:20 Jak'a apnaqawi uñst'ayäwi

Génesis 17:1

Kunapachatix Abram chachax llätunk tunka llätunkani maranïxän ukkhaw Tatitux jupar uñstäna, ukatsti sarakïnwa: —Taqi ch'amani Diosax nayätwa; jumasti nayan nayraqataxan askipun sarnaqam,

Génesis 43:14

Taqi ch'aman Diosasti uka jaqirux suma chuyma churpan, jumanakar sumaki uñjañapataki, ukhamat mayni jilamaru, Benjaminarus antutaniñapataki. ¡Nayan jan wawani qhiparañaxatix wakischi ukaxa, ukhamäpanaya! —sasa.

Job 11:7

¿Jumasti amuytati Tatitun amtäwinakap uñt'aña, taqi munañ kankañap yatiñkam puriñsa?

Job 19:6

Jichhasti yatipxam, pachpa Diosaw nayarux aynacht'ayitu, jupaw nayarux sipitar jalt'ayarakitu.

Job 5:17

Khitirutix Diosax chiqachki uka jaqix kusisiñaniwa. Taqi ch'aman Tatitun chiqachäwiparux jan jisk'achamti.

Job 6:4

Taqi ch'aman Tatitux mich'inakapampiw nayar usuchjitu, jiwayiri qullapasti janchixanjam saratati. Diosax usuchjatapampiw axsarayañapampi phuqhantitu.

Job 9:18

llakisiñampikiw nayar phuqhantitaspa, janirakiw samsuykitaspasa.

Salmos 73:14

Jan inakt'asaw nuwat uñjasta, sapa willjtaw mutuyat uñjasirakta.

Salmos 88:15

15 (16) Wayna kankañaxatpach llakit uñjasta, niya jiwirpachaw uñjasirakta; axsarkay jan walinak jumat katuqsma, janiw juk'ampi katuqirjamäkxti.

Éxodo 15:23

Mará sat chiqar purisasti, ukan utjir umax janiw umt'añjamäkänti wali k'allk'ütap layku. Ukat uka chiqarux “Mará” sas sutichapxäna, ukasti “k'allk'u” sañ muni.

Éxodo 6:3

Nayaw Abrahamaru, Isaacaru, Jacobur uñstta, taqi ch'aman Dios sat sutimpi. Ukampis nayax janiw TATITU sat chiqpach sutixampi uñt'ayaskti.

Isaías 38:13

Usuñaxansti paqaraw wararta, mä leonas ch'akhanakax t'unarkaspa ukhama. Uruy arumaw t'aqhisiyista.

Hebreos 12:11

Chiqpachansa mutuyäwi katuqtan ukkhax janiw sumäkiti, jan ukasti usustuwa; ukampis maynitix ukham tuqi yatiqchixa, sumankañan jakaña, chiqapan jakañ yatiqaski.

Apocalipsis 1:8

Tatitux siwa: “Nayätwa qalltasa tukuyasa, khitïkitix uka, khitïkäntix uka, khititix jutkani uka; jupasti Taqi Munañaniwa.

Apocalipsis 21:22

Janiw kuna qullan utsa uka markan uñjkti, uka markan qullan utapasti Tatituwa, taqi ch'aman Diosawa, Corderorakiwa.