Proverbios 8:18 - Qullan Arunaca

¹⁸ Nayawa kamir cancaña jach'ar aptatäñsa churta, uqhamarac jan tucusquir jach'a cancaña, nayrar sartañsa.

Aymar Bibliia 1986

¹⁸ Nayawa kamir cancaña jach'ar aptatäñsa churta, uqhamarac jan tucusquir jach'a cancaña, nayrar sartañsa.

Qullan Arunaka DC

¹⁸ Nayaw qamir kankañampi, aytat kankañamp churta, jan tukuskir jach'a kankañampi, nayrar sartañamp churarakta.

Proverbios 8:18 Jak'a apnaqawi uñst'ayäwi

Salmos 112:3

Walja yänacaw utapan utjani, jaker qhuyapt'ayañapasti jan tucusquirïniwa.

Salmos 36:6

chekapar uñjañ cancañamajj jach'a kollunacjamawa, arsutanacamasti jach'a lamar umanacjamawa. Tatay, jumaw jakenacarusa, animalanacarus uñjasctajja.

Proverbios 11:4

Taripäwi urun kamir cancañajj maynirojj janiw yanapcaniti, ucampis cheka cancañajja jiwañatwa khespiyani.

Proverbios 24:4

Ucatjja uta mankherojja yatiñampiw phokhantataraqui, jila alani muncaña yänacampi.

Proverbios 3:16

Cupi amparampisti walja maranac jacañwa churi, ch'eka amparampisti kamirïñampi, jach'achatäñampwa churaraqui.

Mateo 6:33

Uqhamasti, nayrakatajj Diosan reinopa munapjjam, uqhamarac cunatejj chekäqui jupan nayrakatapanjja ucanaca, ucatsti take aca yänacajja jumanacarojj churataquïpjjätawa.

Lucas 10:42

Ucampis mayaw waquisejja. Mariajj sumïrïquis ucwa ajllisi, janiraquiw ucjj qhitis apakcaniti —sasa.

Lucas 12:33

Cunatejj utjapctam ucjja aljapjjam, ucatsti qhititejj jan cunanïpqui ucanacar churjjapjjam; uqhamat jan merk'esir bolsanac lurasipjjäta, alajjpachansti jan tucusquir yänacaraqui imasipjjäta, ucansti lunthatas janiw apscaniti janiw qharus qharuntcaraquiniti.

2 Corintios 6:10

Llact'atäpcta ucasa, cusisitaquipunïsipctwa; jan cunanïpcta ucasa, waljaniruraquiw kamiriptayapjjtjja; janis cunanïpctsa ucampis janiw cunas pist'apcaraquituti.

Efesios 3:8

Diosancapqui uca jisc'anacat sipansa nayajj pisïtwa. Ucampis jupaw acqha suma yatiyañ churitu, jan judiöpquis ucanacaru Criston jan jact'cañ kamir cancañapat suma yatiyäwinac yatiyañajjataqui.

Filipenses 4:19

Nayan Diosajjawa take cunatejj jumanacan jan utjquisa ucjja churapjjätam Cristo Jesusan walja c'ajquiri kamir cancañaparjama.

Santiago 2:5

Munat jilatanacajja, ist'apjjam aca arunaca: Diosajj aca oraken pobrenacaruw ajlli, jupanacajj iyawsañanacapanjja kamirïpjjañapataqui, uqhamarac Diosan reinopsa herenciat catokapjjañapataqui, cuntejj jupajj churapjjämaw sisqui jupar munirinacarojj ucanacataqui.

Apocalipsis 3:18

Ucatpï nayajj amtt'aysmajja ninar nacsuyata suma kori puro nayat alt'asiñamataqui, uqhamat chekpacha kamirïñamataqui, nayataraqui jank'o isi alasiñamataqui uca p'enka k'alal sarnakatamaru isjjatasiñamataqui, uqhamarac colirio sat kollsa nayramar ch'akt'ayasiñataqui, uqhamata uñjañamataqui.