Proverbios 5:21 - Qullan Arunaca

²¹ Jaken sarnakäwipasti Tatitun suma uñjatawa, jupasti take luräwinacapwa uñji.

Aymar Bibliia 1986

²¹ Jaken sarnakäwipasti Tatitun suma uñjatawa, jupasti take luräwinacapwa uñji.

Qullan Arunaka DC

²¹ Tatitux jaqin sarnaqäwip uñjaskiwa, sartatanakapsa sum uñch'ukiskaraki.

Proverbios 5:21 Jak'a apnaqawi uñst'ayäwi

2 Crónicas 16:9

Tatitusti sumwa uñjasqui take acapachana cunanacatejj lurasisqui ucanacjja, uqhamata ch'ama churañataqui qhitinacatejj chekpachana juparu iyawsasipqui ucanacaru. ¡Jumasti mä lokjamawa uqham lurtajja! ¡Jichhat ucsarusti juc'ampi guerranacawa jumataqui utjani!” sasa.

Job 14:16

Jichhajj sapa chellktäwejjwa uñch'uquistajja, ucapachasti janiw juchanacajj-jja amuycasmati;

Job 24:23

“Diosawa jupanacarojj sumaqui jacayasqui, ucampisa sapa chellktäwipwa uñjascaraqui.

Job 31:4

¿Diosajj janicha luräwinacajj uñjqui? ¿Janicha take sarnakäwejjsa uñtanqui?

Job 34:21

Diosaw jaken sarnakäwipjja uñji, take sarnakäwipwa yatiraqui.

Salmos 11:4

Ucampis Tatitojj kollan templopanquiwa, khapak konuñapajj alajjpachanquiwa: nayranacapajj uñch'uquisquiwa, jakenacan luratanacap wali amuyump uñjasqui.

Salmos 119:168

Arunacamarojj jaystwa, jumaw take sarnakäwejj yatistajja.

Salmos 17:3

Jumaw takpach amuyunacajj yattajja, arumanacaw chuymajj uñaker jutista; ninampjamaw yant'ista, janiraquiw cuna ñankhsa jicjjatquistati.

Proverbios 15:3

Tatitojj take chekanquiwa; jupajj uñch'uquisquiwa asqui jakenacaru, uqhamarac ñankha jakenacarusa.

Proverbios 4:26

Sum amuyasim cawqharutejj tact'ctajj uca chekjja, ucatsti suma chekarupuniw tact'ätajja.

Proverbios 5:6

Uca warmisti janiw amuyasquiti jacañ thaquin sarnakañjja, janiraquiw amuyasquiti sarnakäwipan jan sumätapsa.

Jeremías 16:17

Nayasti take jupanacan luratanacapjja uñjtwa; janiw cunas nayatjja imt'ascaraquiti, juchanacapasti janiw nayan nayrakatajjatjja imt'ascaraquispati.

Jeremías 17:10

Naya Tatituwa, jaken chuymapjja uñjta, chuyma mankhapan amtatanacapsa yatiractwa; sapa maynirusa waquisitaparjamaw churaractjja, luratanacaparjamaraqui.”

Jeremías 23:24

¿Qhitis nayan nayräjjatjja imantasispajja? Alajjpachasa, acapachasa nayampi phokhantatawa. Naya Tatituw ucjja sista.

Jeremías 29:23

Take ucanacasti jumanacampejj lurasiniwa, Israel marcan sinti jach'a juchanac lurapjjatam laycu. Jake masiman warmipampiw jumanacajj jucha lurañan sarnakapjjtajja, cuntejj nayajj jan sapcsma ucanacaracwa nayan sutejj-jjaru parlapjjtajja. Nayajj ucjja sumwa yatta, naya quipcaw uñjta. Naya Tatituw ucjja arsta’ ” sasa.

Jeremías 32:19

Jumajj amtäwinacamanjja jach'ätawa, luräwinacamansti ch'amaniraquïtawa. Jumaw sapa mayni jakeru luratanacap uñjtajja, ucatsti luratanacaparjamaraquiw cunsa churtajja.

Oseas 7:2

Janiraquiw amuyasipquiti nayan take uca ñankhanac uñjascatajj-jja. Jichhajj pachpa jan wali luratanacapaw muyuntasqui, ucanacsti nayajj uñjascapuntwa.

Hebreos 4:13

Janiw cunas Diosan luratanacapatjja jupat imantascaspati, take cunaw khanstayata, uqhamarac jist'arata qhitirutejj jaqhuta churcañäni ucan nayrakatapanjja.

Apocalipsis 2:18

“Tiatira iglesiancquis uca angelarojj kellkasin apayaraquim aqham sasa: ‘Aqham siw Diosan Yokapajj, qhititï ninjam nayranïquis uqhamarac cayunacapas mä suma lliphipquir broncer uñtatäquis ucajja:

Apocalipsis 2:23

Wawanacaparus jiwarayaraquïwa, uqhamatwa take iglesianacajj yatipjjani nayajj jaken amuyupsa, chuymapsa uñt'atajja; jumanacarusti luräwinacamarjamaraquiw sapakat mayniru churapjjäma.